Жаңа Қазақстанның іргетасы жастардың әлеуметтік базасы негізінде қаланады
Менің атым Полат Буранов, жасым 32-де, ауыл шаруашылығы саласында кәсіпкерлікпен айналысамын. Елдегі маңызды саяси науқаннан қалыс қалмай, Парламент Мәжілісі депутаттарын сайлауға өз кандидатурамды ұсынып отырмын.
Бүгінгі таңда жаңа Қазақстанның гүлденіп, көркеюіне өзімнің күш-қуатым мен еңбек үлесімді қосу мүмкіндігі пайда болғанын ескере отырып, ендігі кезекте бұл керемет мүмкіндікті жіберіп алғым келмейді. Ең бастысы – тек өз жайлылығым үшін ғана емес, сонымен бірге басқалар үшін артылатын жауапкершілікті де мойныма алуға деген ұмтылыс бар.
Сондықтан сайлаушыларға өзімді алаңдататынын мәселелерді қалай шешкім келетіні туралы айтқым келеді. Ел болашағына алаңдаулы кез келген азамат сияқты мен де жарқын болашаққа жасалған нақты қадамдарға баса назар аударамын. Осы ретте еліміз бен балапандарымыздың болашағы қандай болмақ деген сұрақ туындайды.
Біз - жас ұлтпыз, алайда бүгінде жастардың аз ғана бөлігі жұмыспен қамтылған. Бұған жастардың өзін кінәлауға бола ма? Меніңше, болмайды. Олар бәсекеге қабілеттілігін қазіргі таңда шетел еңбек нарықтарында дәлелдеп жүр. Зауыттар мен ірі IT-компанияларда жұмыс істейтін, түрлі ғылыми жаңалықтар ашып, автомобильдер мен электроника жасап жүрген дарында жастар бар.
Қазақстан жастары елге пайда әкелуі үшін олардың әлеуетін іске асыру мәселесін қолға алуымыз қажет. Осы ретте әлеуметтік жеделсатының жаңа тұжырымдамасын көп сатылы модель түрінде ұсынғым келеді. Жастар санатынан шыққан азамат және кәсіпкер ретінде азаматтарға білім алуға көмектесуден бастап, жас отбасыларды тұрғын үймен қамтамасыз ету сияқты мәселелердің кең ауқымын қамтитын жастар үшін жасалатын әлеуметтік мүмкіндіктер елдегі ішкі саясаттың негізі болуы тиіс деп санаймын. Яғни, жастарымыз даму траекториясын нақты анықтап, мемлекеттің қамқорлығын сезінуі тиіс.
Ал екінші маңызды мәселе – жастардың кәсіпкерлік бастамасына қолдау көрсететін тиімді бағдарламаларды әзірлеу. Сондықтан технологиялық кәсіпкерлік пен технологиялық стартап жобаларды құру үшін базаны одан әрі танымал етіп, дарынды жастарға қолдау білдіруіміз қажет.
Құрметті сайлаушылар! Қазақта жеті саны киелі ғой, сондықтан бюллетеньдегі белгіленген нөмірімнің де "7" болуы жай ғана сәйкестік емес, жеңіске бастайтын айқын нышан деп сенемін. Осылайша 19 наурыз күні Астана қаласы №2 округінің тұрғындары маған дауыс бере алады.
Тапсырыс беруші: Буранов П.Т.