Новости за 09.05.2018

Фестивалга Кыргызстан, Казакстан, Иран, Ооганстан сыяктуу 14 өлкөнүн улуттук оюндарынын спортчулары катышып жатат. Жалпысынан 883 спортчу улуттук спорт оюндарынын 13 түрү боюнча ат салышат. Кыргызстандан келген спортчулар көкбөрү, жаа тартуу, ордо, тогуз коргоол сыяктуу көчмөндөрдүн улуттук оюндары боюнча күч сынашат. Этноспорт маданият фестивалында 43 боз үй тигилип, түрк тилдүү өлкөлөрдөн келген өкүлдөрдүн концерттик программасы болот.  Быйыл үчүнчү жолу уюштурулуп жаткан иш-чара Дүйнө этноспорт... Читать дальше...

Ысык-Көлдөгү “Аврора” санаторийинде тамактан уулангандардын саны 22 кишиге жетти. Бул тууралуу саламаттык сактоо министринин басма сөз катчысы Жылдыз Айгерчинова “Азаттыкка” кабарлады. Чолпон-Атада башталган кикбоксинг боюнча Азия чемпионатына келген чет өлкөлүк спортчулар ууланганы 8-майда белгилүү болгон. Адегенде жети киши ооруканага жаткырылса, кийинчерээк алардын саны 22 адамга жеткен. Азыр алардын ичинен 14 киши ооруканада.  Уулангандардын арасында Ирандын бир жараны жана Бириккен Араб Эмираттарынын алты жараны бар. Читать дальше...

Сириянын мамлекеттик маалымат каражаттары жана көз каранды эмес булактар шаршембиге караган түнү Израил Дамасктын түштүгүндөгү өкмөттүк күчтөрдүн аскердик базасына ракета менен сокку урганын кабарлады. АКШнын президенти Дональд Трамп Вашингтондун Иран менен түзүлгөн өзөктүк келишимден чыгаарын жарыялаган соң Израилдин учактары сокку урганын ырасташат.   Сириянын SANA агенттиги ракеталар атып түшүрүлгөнүн билдирди.  Ошол эле учурда Лондондо жайгашкан, Сириядагы адам укуктарына көз салган обсерватория өз булактарына таянып... Читать дальше...

Бишкек ЖЭБиндеги аварияга байланыштуу түзүлгөн депутаттык комиссия "жоопкерчилиги каралсын" деген адамдардын арасында Жогорку Кеңештеги КСДП фракциясынын депутаты Осмонбек Артыкбаевдин да аты аталып жатат.

Жеңиш алып келген улактын баарын тайказанга Манас Ниязов таштады.

Кыргызстандын аймагына дүйнөдөгү белгилүү "Samsung", "Iphone" жана "Xiaomi" маркасындагы 1200гө жакын даана телефон мыйзамсыз ташылып келатканы аныкталды. Мамлекеттик бажы кызматынын маалыматына караганда, текшерүү учурунда алардын тиешелүү документтери жок болуп чыккан. Товардын жалпы баасы 24 млн. сомго жакын бааланып, мамлекетке 3 млн. сомдук салык түшпөй калган. 27-апрелде УКМК бажы кызматкерлери 30 миллион сомдук товарды аткезчилик жол менен Кыргызстанга киргизип жибергени аныкталганын кабарлаган болчу. Читать дальше...

Бишкек Жылуулук электр борборундагы (ЖЭБ) кырсыкты жана аны оңдоого алынган каражатты иликтеген депутаттык комиссия корутунду чыгарды. Анда "Кытайдан алынган насыя боюнча документтерге кол койду" деген бир катар жетекчилерге укуктук баа берүү тууралуу сунуш киргизилди. Алардын арасында өкмөттүн мурдагы башчылары, министрлер бар. Бирок мындай чечимге мурдагы жетекчилер нааразылыгын билдирип жатышат. Алар депутаттык комиссияны "ишти үстүртөдөн иликтеп, элге жаңылыш маалыматтарды берди" деп сынга алышууда.

Орусиянын Тышкы иштер министрлиги АКШнын президенти Дональд Трамптын Ирандын өзөктүк программасы боюнча макулдашуудан бир тараптуу баш тартканына “терең өкүнүчүн” билдирди. Тышкы иштер мекемесинин сайтына жарыяланган билдирүүдө 2015-жылы жетишилген эл аралык келишим - Улуттар Уюмунун Коопсуздук кеңешинин резолюциясы менен бекитилген “көп тараптуу маанилүү макулдашуу” экени баса белгиленет.    Москванын билдирүүсүндө 8-майда жарыяланган чечим – Вашингтондун “сүйлөшүүгө жөндөмсүз экенинин жаңы далили” деп айтылат. Читать дальше...

Жапония, Кытай жана Түштүк Корея эркин соода боюнча келишимин түзүү аракеттерин күчөтүшөт. Бул тууралуу бүгүн жапон өкмөт башчысы Синзо Абе Токиодо ишкерлер жыйынында билдирди. Анын алдында үч өлкөнүн лидерлери жолугушуп, кызматташтыкты бекемдөө жана Түндүк Кореяны өзөктүк куралдан баш тарттыруу аракеттерин талкуулашты.  Кытайдын премьер-министри Ли Кэцян Азиядагы үч ири мамлекеттин жетекчилери мындай саммиттерди көбүрөөк өткөрүп тураарына үмүттөнөөрүн айтты. Буга чейин 2015-жылы Сеулда үч тараптуу... Читать дальше...

Жогорку Кеӊештин Эл аралык иштер, коргоо жана коопсуздук боюнча комитети аскер кызматчыларынын макамын көтөрүүгө жана Куралдуу күчтөрдүн уставын жакшыртууга багытталган “Кыргыз Республикасынын айрым мыйзам актыларына өзгөртүүлөрдү киргизүү жөнүндө” мыйзам долбоорун экинчи окууда жактырды. Мыйзам долбооруна ылайык, турак жайы жок аскер адамдары үчүн батирдик төлөмгө тактоо киргизилүүдө. Тастыктоочу документин көрсөткөн аскер адамдарына кызмат өтөп жаткан жерине жараша төлөм белгиленмекчи. Коргоо... Читать дальше...

Орусиядагы "Диссернет" интернет-коомчулугу эки айдан бери Тажикстандагы илимпоздордун эмгектерин кылдат текшерип, көчүрмө жол менен жазылган жыйырмадан ашык иштин бетин ачты. Иликтөөчүлөрдүн пикири боюнча тажикстандык окумуштуулар бирөөнүн эмгегин көчүрүп алуу же уурдап жасоону жакшы үйрөнүп алышкан экен. Жылына үч жүзгө жакын илимий эмгек жакталган Кыргызстанда плагиатка каршы күрөштүн абалы жана жасалма илимий иштерди аныктоо аракети кандай? “Азаттыктын” суроолоруна Жогорку аттестациялык комиссиянын... Читать дальше...

Чолпон-Ата шаарында Жеңиш майрамына карата өткөрүлүп жаткан ат оюндарында көкбөрү боюнча биринчи лиганын оюндары аяктады. Алтын медаль үчүн “Сары-Өзөн” жана “Толкун” командалары ойноп, Чүй облусунун улакчылары 5:2 эсеби менен жеңишке жетти. Алдыда жогорку лиганын оюну өтүп, анда Таластын “Ынтымак” жана Оштун “Достук” командалары финалда ойнойт. Быйыл көкбөрү оюну команданын деңгээлине жараша эки лигага бөлүнүп ойнолду. 9-май Жеңиш майрамына карата ат оюндары Чолпон-Ата шаарында 6-майдан бери өтүп жатат. Читать дальше...

Экономикалык кылмыштарга каршы күрөш кызматынын маалыматына караганда, февраль айында 2015-жылы чыгарылган “Тойота Ленд Крузер 200” үлгүсүндөгү автоунааларды Кыргызстанга алып келүүдө керектүү бажы төлөмдөрү төлөнбөгөнү аныкталган. Анын айынан бюджетке 1 млн. сомдон ашуун акча түшпөй калган. Башкы прокуратура бул боюнча Кылмыш-жаза кодексинин 204-350-беренелеринин негизинде (“Аткезчилик”, “Документтерди жасалмалоо”) кылмыш ишин козгогон. Тергөөнүн алкагында бюджетке келтирилген зыян, 1 млн. 583 миң сомдон ашуун каражат өндүрүлдү. Читать дальше...

Бир үйдүн жалгыз уулу Казакбаев Өмүш 1941-жылы согушка аттанганда оорукта карыган энеси, 27 жаштагы жубайы үч кызы менен калган.

Орусиянын президенти Владимир Путин Жеңиштин 73 жылдыгына байланыштуу президент Сооронбай Жээнбековду жана Кыргызстандын жарандарын куттуктады. “9-май – Орусиянын жана Кыргызстандын элдери үчүн ыйык майрам. Ушул күнү майданда баатырдык менен салгылашкан, оорукта каармандык менен эмгектенген, Мекенибизди жана бардык адамзатты фашизмден сактап калган аталарыбызга жана чоң аталарыбызга сый-урмат көрсөтөбүз. Алардын өлбөс-өчпөс эрдиги орус-кыргыз стратегиялык өнөктөштүгүн жана шериктештигин мындан ары чыңдоочу бекем пайдубал болуп... Читать дальше...

Эмгек жана социалдык өнүктүрүү министрлигинин маалыматына караганда, бүгүнкү күндө Кыргызстанда 475 согуш ардагери калды. Анын ичинен 128и – согуштун майыптары, 299у – согуштун катышуучулары, 23ү – концлагерлердин жашы жете элек туткундары жана 25и – Ленинград блокадачылары. Былтыр ардагерлердин саны 650нүн тегерегинде экени айтылган. Буга чейин президент Сооронбай Жээнбеков Улуу Ата Мекендик согуштун ардагерлерине жыл сайын бир жолу берилчү акчалай төлөмдөрдүн өлчөмүн көбөйткөн. Ага ылайык, президенттик... Читать дальше...

Эмгек жана социалдык өнүктүрүү министрлигинин маалыматына караганда, бүгүнкү күндө Кыргызстанда 475 согуш ардагери калды. Анын ичинен 128и – согуштун майыптары, 299у – согуштун катышуучулары, 23ү – концлагерлердин жашы жете элек туткундары жана 25и – Ленинград блокадачылары. Өткөн жылы ардагерлердин саны 650нүн тегерегинде экени айтылган. Буга чейин президент Сооронбай Жээнбеков Улуу Ата Мекендик согуштун ардагерлерине жыл сайын бир жолу берилчү акчалай төлөмдөрдүн өлчөмүн көбөйткөн. Ага ылайык... Читать дальше...

Экинчи Дүйнөлүк согуштун аяктаганына 73 жыл толду.  9-майда мурунку СССР өлкөлөрү Жеңиш күнүн белгилешти.

Президент Сооронбай Жээнбеков бүгүн Бишкек шаарынын Жеңиш аянтында өткөн Улуу Ата Мекендик согуштагы Жеңиштин 73 жылдыгына арналган эскерүү митингине катышты жана кыргызстандыктарды Жеңиш күнү менен куттуктады. Жээнбеков ардагерлерди, кыргызстандыктарды Куралдуу күчтөрдүн колбашчысы катары алгачкы жолу куттуктап жатат. - Намысты, абийирди, мекенге болгон сүйүүнү бекем туткан аталарыбыз аңыз болуп айтылып, урпактарга мисал болчу эрдиктин үлгүсүн калтырып кетти. Алардын жолу – биздин улуу мурасыбыз... Читать дальше...

Президент Сооронбай Жээнбеков Бишкек шаарында өтүп жаткан “Өлбөс полк” акциясына катышты. Мамлекет башчы дайынсыз жоголгондордун тизмесинде катталган чоң атасы Жээнбек Пирназаровдун сүрөтүн көтөрүп чыкты. Президенттик аппараттын маалыматтык саясат бөлүмү тараткан кабарга караганда, алардын балдары Эрмамат Жээнбеков менен Токтомамат Жээнбеков фронттон жарадар болуп кайтышкан. Согуштагы эрдиги үчүн “Кызыл жылдыз” ордени менен сыйланган. Акцияга катышкан президент Сооронбай Жээнбеков ата-бабалардын... Читать дальше...

Жеңиш күнүнө карата Чолпон-Атада өтүп жаткан улуттук ат оюндарынын жүрүшүндө эр эңиш боюнча мелдеш жыйынтыкталды. Жалпы командалык эсепте Нарын облусунун балбандары үч алтын медаль менен биринчи орун алды. Чүй жана Талас облустарын балбандары бирден алтын медалга ээ болушту. Күмүш менен коло медалды кошкондо Нарындын балбандарында сегиз медаль бар. Бул турнир сентябрь айына белгиленген Көчмөндөр оюндарына даярдык катары өтүп, Кыргызстандын курама командасы түптөлөт. Алдыда ат чабыш, салбуурун... Читать дальше...

Жеңиш күнүнө карата Чолпон-Атада өтүп жаткан улуттук ат оюндарынын жүрүшүндө эр эңиш боюнча мелдеш жыйынтыкталды. Жалпы командалык эсепте Нарын облусунун балбандары үч алтын медаль менен биринчи орунду алды. Чүй менен Талас облусунун балбандары бирден алтынга ээ болушту. Күмүш менен коло медалды кошкондо Нарын балбандарында сегиз медаль бар. Бул турнир сентябрь айына белгиленген Көчмөндөр оюндарына даярдык катары өтүп, Кыргызстандын курама командасы түптөлөт. Алдыда ат чабыш, салбуурун жана көк бөрү оюндарынын финалдык беттештери өтөт. Читать дальше...

Бүгүн Улуу Жеңиштин 73 жылдыгы белгиленүүдө.

Кийинки 20 жылдан бери Кыргызстанда койдун саны 6 миллиондон ашты. "Келечеги кенен" деп эсептелип жүргөн мал чарбачылыгы айыл чарба тармагынын алдына чыгып, таасири күчөп жатат.

Түгөлбай Казаковдун “Жалгыз кайык” аңгемеси күйүттөн күл болуп калган момун адамдын башына түшкөн оор мүшкүлдү баяндаган чыгарма. Табият кырсыгы айтып келбейт. Тоо арасындагы кичине айыл көчкү алдында калып, андан төмөнгө түшүп кеткен Муса гана аман калат.