Новости за 24.06.2018

Коррупцияга шектелип УКМКнын Тергөө абагында камакка алынган Бишкектин мурдагы мэри Кубанычбек Кулматовду камакка алуу чечимин жокко чыгаруу боюнча Жогорку Сотко арыз жолдонду. Бул тууралуу Социал-демократиялык партиянын маалымат кызматынан кабарлашты. Буга чейин Кулматовду тергөө бүткөнчө камакка алуу чечимин Бишкектин Биринчи Май райондук соту чыгарган эле. Мындай чечимге макул болбогон экс-мэрдин адвокаттары шаардык сотко кассациялык арыз менен кайрылган. Шаардык сот да адвокаттын арызын канааттандырган эмес. Читать дальше...

Бишкек жана Чүй өрөөнүндө бүгүн түштөн кийин жакынкы үч саат аралыгында катуу шамал болот. Бул тууралуу Өзгөчө кырдаалдар министрлиги эскертти. Маалыматка ылайык, шамалдын ылдамдыгы секундасына 15-20 метрге чейин жетиши мүмкүн. Буга байланыштуу министрлик шаардыктарды этият болууга чакырууда.(BkA)

Бишкектин Горький көчөсүндө жайгашкан "Волшебная лампа Алладина" аттуу ресторанда чыккан өрт толугу менен өчүрүлдү. Бул тууралуу Өзгөчө кырдаалдар министрлигинен кабарлашты. Маалыматка ылайык, өрт бүгүн эртең менен тутанган. Кырсык болгон жерге өрт өчүргүчтөр барып, тилсиз жоо саат 11:30да толугу менен өчүрүлдү. Учурда өрттүн себеби жана чыгымдар аныкталууда.(BkA)

Баткен облусунун Самаркандек айылында 23-июнь күнү кечинде сел жүрдү. Бул тууралуу Өзгөчө кырдаалдар министрлигинен кабарлашты. Маалыматка ылайык, сел бир үйдүн жер төлөсүн, андан башка бир нече чарбакты жууп кеткен. Учурда селдин кесепетин жоюу иштери жүрүп жатат. 15-июндан берки катуу жаан-чачындан улам Баткен облусунда жалпысынан 260тан ашык үйдү сел каптаган. Буга байланыштуу Лейлек, Баткен жана Кадамжай райондорунда өзгөчө кырдаал режими киргизилген.(BkA)

Орусиядагы оппозициячыл “Жарандык демилге” партиясы аталышын өзгөртүп, “Өзгөрүүлөр партиясы” деп аталды. Мындай чечим партиянын 23-июндагы съездинде кабыл алыны. Партиянын лидерлигине Мамлекеттик Думанын мурдагы депутаты, Москва мэрлигине талапкерлигин койгон Дмитрий Гудков шайланды. Партиянын саясий кеңешине жаңы 15 киши кирди. Алардын арасында теле алып баруучу, быйылкы президенттик шайлоодо талапкер болгон Ксения Собчак, партиянын мурдагы лидери Андрей Нечаев, киши колдуу болуп өлтүрүлгөн оппозициячыл... Читать дальше...

Жантөрө Сатыбалдиев коррупцияга айыпталып кармалды. КСДП депутаты “саясий куугунтукту” токтотууга чакырды. АКШда миграция талашы уланып жатат.

Май айында республикалык бюджеттин кирешеси 10 миллиард 620 миллион сомду түздү. Бул тууралуу Финансы министрлигинен кабарлашты. Маалыматка ылайык, бул сан былтыркы жылдын ушул мезгилине салыштырмалуу аз. Былтыр ушул мезгилде бюджеттин кирешеси 12 миллиард 396 миллион сомду түзгөн. Салык кирешелери алдын ала маалымат боюнча 8 миллиард 633 миллион сомду түзүп, былтыркыга караганда 19 пайызга жогоруласа, бажылык кирешелер 3 миллиард 690 миллион сомду түздү. Кыргызстанда бажы жана салык кирешелеринин көбөйүшү боюнча талкуулар жүрүп келет. Читать дальше...

Жибек Каракеева - Бишкек шаарындагы “Тазалык” ишканасынын басма сөз катчысы. Ал эл көп сындаган, бирок иши ар бир адамга зарыл ишкананын жумушчуларынын кызматын отчет сыяктуу супсак жазылган пресс-релиздер менен эмес, өзү көргөндөй сүрөттөйт. Анын айтымында, жазган текстиң таасирдүү, окумдуу болуш үчүн ар бир ишти өз колуң менен жасап көрүшүң керек. Ошол себептүү, таң эртеден кечке чейин "Тазалыктын" жумушчулары менен кошо көчө шыпырып, таштады жыйнап, гүл отургузуп ар бир түйшүктү өз көзү менен көрөт.

Кыргыз өкмөтү он жыл аралыгында 66,5 миң гектар жерге суу жеткирүүнү пландап жатат. Бул тууралуу өкмөттө ирригациялык тутумдарды өнүктүрүү боюнча жыйында айтылды. Анын жүрүшүндө 2026-жылга чейинки мамлекеттик ирригацияны өнүктүрүү боюнча программанын аткарылышы талкууланды. Аталган планга ылайык, өлкөдө 46 суу долбоорун ишке ашыруу каралууда. Анын натыйжасында 66,5 миң гектар жаңы сугат жер өздөштүрүлдү, 51 миң гектар жердеги ирригациялык системалар оңдолот. Премьер-министр Мухаммедкалый Абылгазиев... Читать дальше...

Франциянын президенти Эммануэл Макрон Еворопада мигранттарды кабыл алган борборлордун түйүнүн түзүүнү сунуштады. Мындай билдирүүнү француз президенти Испаниянын премьер-министри Педро Санчес менен жолуккан учурда жасады. Макрон мигранттар келген өлкөлөрдө атайын борборлорду түзүп, анда мигранттар тууралуу маалыматтарды топтоп, башка өлкөлөргө жиберүүнү сунуштаган. Учурда БУУнун Качкындар иши боюнча комиссарлыгынын бир нече борборун эсепке албаганда, бул иш менен алектенген уюмдар жокко эсе. Француз... Читать дальше...

Экономика министрлиги өлкөдө өндүрүлгөн мунай продукцияларын алты айга чейин сыртка ташып чыгууга тыюу салууну сунуштады. Тиешелүү токтомдун долбоору коомдук талкууга чыгарылганы өкмөттүн расмий сайтында жарыяланды. Анда өлкөдө мунай сырьесунун кескин түрдө жетишпей калышына жол бербөө максатында июндан ноябрга чейин мунай өндүрүмдөрүн өлкөдөн экспорттоого убактылуу тыюу салуу сунушталды. Экономика министрлигинин маалыматы боюнча Кыргызстанда мунайды кайра иштетүүчү ишканада жылына 1 миллион 900 миң тоннага чейин продукция өндүрүлөт. Читать дальше...

Борбор Азиядагы Америка университетинин антропология департаменти окутуучу Мукарам Токтогулованын эч бир диний секта жана радикалдык топторго тиешеси жоктугун билдирди. Билдирүүдө Токтогулова илимий этиканын алкагында иш алып барары айтылган. Буга чейин Интернетте өзүн “Ислам мамлекети” террордук уюмунун өкүлдөрү катары көрсөткөн адамдар видео таратып, Бишкекте террордук актыларды уюштурарын айтышкан. Алар “Мукарам Токтогулованы Бишкек шаарынан чыгарбаса, Кыргызстанда кан төгүлөрүн" эскертишкен. Читать дальше...

“Азаттыктын” казак кызматынын Орол шаарындагы кабарчысы Санат Урналиев полицияда алты саат кармалгандан кийин бошотулду. Аны 23-июнда шаардын борбордук аянтынан полиция кармап кеткен. Батыш-Казакстан облусунун милициясына жеткирилген кабарчыны жергиликтүү “Уральская неделя" гезитинин YouTube-каналына жазылган комментарий боюнча суракка алышкан. Кабарчы буга чейин да ушул боюнча суракка чакырылган. Анда Урналиев аталган гезит жана комментарийге эч тиешеси жоктугун билдирген. Санат Урналиев кармоону... Читать дальше...

Түркияда бүгүн кезексиз президенттик жана парламенттик шайлоо өтөт. Бул шайлоодо президенттикке алты талапкер ат салышат. Алардын арасында өлкөнү он беш жылдан бери башкарып келген учурдагы президент Режеп Тайип Эрдоган, Республикалык-элдик партиянын талапкери Мухаррем Инже, бийликке оппозициячыл "Жакшы партиянын” лидери Мерал Акшенер, Элдик демократиялык" партиянын мурдагы лидерлеринин бири, учурда камакта отурган күрт саясатчысы Селахиттин Демирташ, “Саадет” партиясынын лидери Темел Карамоллаоглу... Читать дальше...

Орусияда өтүп жаткан футбол боюнча дүйнө чемпионатынын 23-июнда өткөн оюндарында Германиянын курамасы швециялык футболчуларды 2-1 эсебинде утту. Мындай жол менен немис оюнчулары кийинки айлампага чыгуу мүмкүнчүлүгүн сактап калышты. Кызуу өткөн оюндун кошумча берилген 95-мүнөтүндө жарым коргоочу Тони Крос гол киргизип, германиялык команданы алдыга алып чыкты. Ага чейин швециялык Ола Тойвонен жана германиялык Марко Реус бирден топту өз командаларынын үлүшүнө кошкон. Учурда F тобунда Швеция жана... Читать дальше...