Новости за 27.02.2019

Мындай пикирин 27-февралда Свердлов райондук сотунда Бишкек ЖЭБин модернизациялоодогу коррупция боюнча ишти угуу учурунда Кыргызстан социал-демократиялык партиясынын (КСДП) расмий өкүлү Кундуз Жолдубаева билдирди. Ал жакында эле парламентте башкы прокурордун катышуусу менен өткөн угууда депутаттар шоу уюштуруп, сотко басым кылууга аракеттеништи деп эсептейт.  - Бул отурумду биз сотко басым көрсөтүү аракети катары баалайбыз, - деди КСДПнын өкүлү. - Башкы прокурор 111 млн. доллар зыян келтирилгенин айтты. Читать дальше...

Аксыдагы Чоңтовар-Сай жаңы конушунун тургундары 10 жылдан бери жарыгы жок жашап жатышат. Окуучулар шам чырак алдында сабак даярдап, жети чакырым жердеги мектепке жөө катташат. Жергиликтүү бийлик 2000-жылдары жер тилкелерин бергени менен бул жактагылар ушул күнгө чейин калктуу конуш статусуна жете элек. Уюк байланышы да жок бул айылга кабарчыбыз барып келди.

Курултайдын катышуучулары Жыргалбек Саматовду кетиргенден кийин эле дароо талапкерлер сунушталып, шайлоого киришкен.

Жаңы президент федерациянын 27-февралда өткөн кезексиз курултайында шайланды. Искендер Кадыркуловду Кыргызстандын Көкбөрү федерациясынын президенти кылып шайлоого курултай делегаттарынын басымдуу бөлүгү добуш берди. Бирок федерациянын жетекчиси Жыргалбек Саматов шайлоо мыйзамсыз болгонун, ал курултай туурасында түндө гана маалымат алганын айтты. Саматов мыйзамдуу курултай болуп, ошондо шайланган жаңы жетекчиге гана федерация башчылыгын өткөрүп берерин билдирип, курултайды таштап чыгып кетти. Ошондой эле Ош... Читать дальше...

Пакистан бул аймакта Индиянын эки аскердик учагын атып түшүргөнүн, эки пилотун кармаганын билдирди. Бир күн мурда Индиянын аба күчтөрү Пакистандын аймагындагы "террорчулардын лагерине" сокку урганын жар салган эле.

Тажикстандын чек ара аскер бөлүмүнүн командачысы генерал-лейтенант Раджабали Рахмонали Ооганстандын Бадахшан, Кундуз жана Тахор провинцияларында террордук топтордун чогулуп жаткандыгына тынчсыздануусун билдирди.

Билим берүү жана илим министрлиги акыркы убакта өспүрүмдөр арасында тарап жаткан «48 саатка жогол» аттуу виртуалдык оюндун кесепеттери тууралуу окуучуларга жана ата-энелерге түшүндүрмө берүүнү мектептердин жетекчилерине тапшырды. Бул маалыматты министрликтин басма сөз кызматы таратты. Ага ылайык, окуучу балдарга сабак учурунда көзөмөл күчөтүлүп, балдарга виртуалдык оюндардын кесепеттери жөнүндө кеңири маалымат берилүүгө тийиш. Ата-энелер балдарынын жүрүш-турушуна жана алар колдонгон телефондоруна көз салышы зарыл. Читать дальше...

Египеттин борбору Каирдеги башкы темир жол бекетинде чыккан өрт кеминде ондон ашык кишинин өмүрүн алып, 20дан ашууну ар кандай жаракат алышты.   Египеттин коопсуздук кызматындагы булактар билдиргендей, Каирдин четиндеги Рамзес темир жол станциясында жүргүнчү ташыган поезд өрттөнүп кеткен. Өрткө май куйган бак жарылып кеткени себеп болгону болжолдонууда.   Каир темир жол ооруканасынын башчысы Мухаммед Саид курмандыктардын саны көбөйүшү мүмкүн экенин айтты.  Ондогон «Тез жардам» жана өрт өчүрүүчүлөрдүн... Читать дальше...

Өзбекстан менен Түркиянын президенттери телефондо сүйлөшүштү.

Учурда башка дагы талапкерлер сунушталууда.

Астанада Казакстандын президенти Нурсултан Назарбаевдин катышуусунда «Нур Отан» партиясынын курултайы өтүп жаткан Төбөлсүздүк сарайына жакын жердеги аянтка чогулган ондогон адамдарды полиция кармап кетти. Окуя болгон жерде жүргөн «Настоящее время» телеканалынын кабарчысы Светлана Глушкованын айтымында, Астанада жыйналгандардын колунда кандайдыр бир жазуулар же талаптар болгон эмес. Ушундай эле окуя Алматы шаарында да болду. Алматыдагы «Нур Отан» партиясынын кеңсеси жайгашкан жерге чогулгандарды полиция кармап кетти. Читать дальше...

Пакистан Кашмирде Индиянын эки аскердик учагын атып түшүргөнүн, эки учкучун кармаганын билдирди. Расмий Исламабад маалымдагандай, Индиянын аскердик учактары шаршемби күнү Кашмирди экиге бөлүп турган чек ара тилкесинен учуп өтүп, Пакистандын аба мейкиндигине киргенде атып түшүрүлгөн. Эки учактын бири Кашмирдин Исламабадга баш ийген аймагына, экинчиси Индияга караштуу бөлүгүндө кыйраган. Пакистан армиясынын басма сөз өкүлү Асиф Гафур колго түшкөн эки учкучтун бири ооруканага жаткырылып, экинчиси камалганын «Твиттерге» жазды. Читать дальше...

28-февралда Кыргызстандын аймагында жаан-чачын жаабайт. Тоо этектеринде жана тоолуу райондордо жолдор тоңголок, тайгак болот. Абанын температурасы:  Чүй, Талас облустарында түнкүсүн 0…-5, күндүз +8…+13;  Суусамыр өрөөнүндө түнкүсүн -25…-30, күндүз -10…-15;  Баткен, Ош, Жалал-Абад облустарында түнкүсүн -4…+1, күндүз +8…+13;  Ысык-Көлдө түнкүсүн -3…-8, күндүз +2…+7;  Нарын облусунда түнкүсүн -20…-25, күндүз -3…-8;  Бийик тоолуу райондордо түнкүсүн -20…-25, күндүз -5…-10 градус болот.  28-февралда Бишкек күн ачык болот. Читать дальше...

Саматов уюмдун президенти болуп өткөн жылдын 5-июлунда шайланган.

АКШнын Юстиция министрлиги мурдагы президент Курманбек Бакиев жана анын уулу Максим Бакиев чыгарып кеткен 4,5 млн. долларга жакын каражатты Кыргызстанга кайтарганын жарыялады. Маалыматка караганда, каражат Кыргызстандын Финансы министрлигинин эсебине которулду. Мекеменин расмий сайтындагы кабарга караганда, каражаттардын изи Бакиевдердин жеке банкири, өнөктөшү аталган Евгений Гуревичтин кылмыш ишин иликтөөдө табылып, 6 миллион доллар конфискацияланган. Анын 4,5 миллион долларга жакыны кайтарыла турган болгон. Читать дальше...

Казакстандын президенти Нурсултан Назарбаевдин жээн небереси Айсултандын тегерегинде ар кандай кеп-сөздөр айтылып келет.

Шаардык мэриянын жана шаардык кеңештин аппаратынын кызматкерлери 27-февралда өз эрки менен кан тапшыруу акциясына катышты. Ар бир донор 450 граммдан кан берди. Кан берүү акциясын Кызыл чырым коомунун Оштогу өкүлчүлүгү жүргүздү. Өкүлчүлүктүн маалыматы боюнча, «Кыргызстанда өз эрки менен кан тапшырууну өнүктүрүү» аттуу акция шаардагы башка ишкана-мекемелердин кызматкерлери үчүн да өткөрүлөт.  Уюштуруучулардын айтымында, Кыргызстанда миң кишиге 5-6 донор туура келет. Ал эми Дүйнөлүк саламаттык сактоо... Читать дальше...

Казакстандын Жамбыл облусундагы Тараз шаарында көп кабаттуу үйдөгү жарылуудан үч киши каза таап, кеминде алтоо жаракат алды. Жергиликтүү маалымат каражаттары Жамбыл облустук саламаттык сактоо башкармалыгына шилтеме берип билдиргендей, жарылуу 27-февралда эртең менен болгон. Андан көп кабаттуу үйдөгү үч батир талкаланган.   Турак жайдан 145 киши эакуацияланды.  Аймактын Өзгөчө кырдаалдар комитети жарылууга "газ жабдыктарын туура эмес пайдалануу себеп болушу мүмкүн" деп билдирди.

Ирандын президенти Хасан Роухани тышкы иштер министри Мухаммад Жавад Зарифтин кызматтан кетүү жөнүндө арызын кабыл алган жок. Ал кызматтан кетүү мамлекеттин кызыкчылыгына каршы келерин билдирип, Зарифти өз ишин кайраттуулук менен улантууга чакырды.   Өкмөттүн сайтына 27-февралда Ирандын руханий көсөмү Аятолла Хомейнинин Зарифке жазган каты да жарыяланды. Анда ал «Сизге мен жана башкалар, өзгөчө жогорку лидер ишеним артып жатат» деп жазган. Жавад Зариф кызматтан кете турганын 25-февралда "Инстаграмдагы" баракчасына жазган. Читать дальше...

Ош шаарындагы эски нан заводдун имаратын бузуу учурунда жумушчулардын бирин бетон плита басып калган. Оор жарадар болгон адам ооруканага бараткан жолдо каза болгон. Бул маалыматты Ош шаардык ички иштер башкармалыгынын басма сөз катчысы Замир Сыдыков ырастап, окуя Кылмыштар менен жоруктарды каттоо реестрине «Кокустук» катары катталганын билдирди. Анын айтымында, учурда тиешелүү иликтөө жүрүп жатат, тагыраагы иш учурунда коопсуздук чарасы каралган-каралбаганы териштирилүүдө.  Маркум Кара-Суу районунун Шарк айылынын тургуну... Читать дальше...

Кытайдын тышкы иштер министрлигинин басма сөз катчысы Ирандын ТИМ башчысы Мухаммад Жавад Зариф отставкага кетсе дагы Ирандын өзөктүк программасы боюнча келишим мындан ары сакталарына үмүт артарын билдирди.

Ирандын тышкы иштер министрлигинин басма сөз өкүлү Мухаммад Жавад Зарифтин отставкасы кабыл алынбаганын билдирди.

Китепкана 2014-жылдан бери облустук макам менен иштеп келет. Китепкана үчүн атайын кеңсе да каралган эмес. Учурда ал Баткен шаарынын борборундагы мурдагы «Төрт-Гүл» рестораны болуп турган эски имаратта, айына 40 миң сом ижара акы төлөп турат. Китепканада 18 кызматкер иштейт. Кеңсе атайын китепкана үчүн курулбагандыктан тиешелүү шарт түзүлгөн эмес. Кышкысын суук болгондуктан, имараттын ичине полиэтиленден чакан чатыр тигип алышкан.  Баткен облус болуп негизделгенден бери аймакка бир да китепкана курулган эмес. Читать дальше...

Нарын районунун Орто-Нура айылында жолдо «Ауди» жана «Мерседес-Бенц Спринтер» автоунаалары кагышып, үч киши набыт болду. Үчөө тең «Ауидинин» жүргүнчүлөрү болгон. Нарын облустук ИИБнин маалыматы боюнча маркумдардын баары Орто-Нура айылынын тургундары болгон. Мындан тышкары дагы үч киши түрдүү жаракат алып, ооруканага жеткирилген. Алардын бири «Ауди» автоунаасынын айдоочусу. Учурда жол кырсыгынын себептери иликтенүүдө. (MiK)

Анда негизги маселе федерациянын учурдагы жетекчиси Жыргалбек Саматовду кызматтан алуу маселеси каралат.  Учурда Аламүдүн райондук администрациясына чогулган делегация өкүлдөрү жыйынга Саматовдун өзүнүн катышуусун күтүүдө. Анткен менен маселе ал катышпаса деле каралары белгилүү болду.  Делегацияга чакырылган адамдардын арасында Көкбөрү федерациясынын ар кайсы облустан келген өкүлдөрү бар.  Жыргалбек Саматов Кыргызстандын Көкбөрү федерациясын 2018-жылы жетектей баштаган. 14-февралда Эл аралык... Читать дальше...