Новости за 29.05.2019

«Huawei» компаниясы аны «кара тизмеге» киргизүү жөнүндө АКШнын чечимине каршы сотко арыз берди. Кытайдын телекоммуникация жабдууларын чыгарган ири корпорациясы чектөөлөр Кошмо Штаттардын Конституциясына каршы келерин билдирди. Бул тууралуу компаниянын сайтында айтылат. АКШ өкмөтүнө каршы доо арыз Техас штатынын сотуна тапшырылды. Компания жеңилдетилген соттук териштирүү жүргүзүүнү өтүндү. Былтыр президент Доналд Трамп «Huawei» тараптан маалымат коопсуздугуна коркунуч жаралышы ыктымал деген негизде өзгөчө кырдаал жарыялаган. Читать дальше...

«Тажикфильм» киностудиясы блогерлердин чыгармачылыгын көзөмөлгө алууну чечти. Студиянын жетекчилиги «Youtube» порталына кат жазып, «Тажикфильм» уруксат бермейинче видеотасмаларды жарыялабоону өтүндү. Портал бул катка азырынча жооп кайтара элек.

Шаршемби күнү, 29-майда Алматыда журналист жана укук коргоочу Розлана Таукина акыркы сапарга узатылды. Маркум 26-майда жүрөгү токтоп көз жумган. Коштошуу зыйнатына жакындары, кесиптештери, укук коргоочулар, жарандык активисттер катышты. Таукина 1959-жылы 30-январда Орол шаарында туулган. Жергиликтүү педагогикалык институттун филология факультетин, кийин Москва мамлекеттик университетинин журналистика факультетин аяктаган. Ар кайсы жылдары «Чек арасыз кабарчылар» эл аралык уюмунда иштеген, республикалык «Трибунал. Читать дальше...

Кошмо Штаттардын Украина боюнча атайын өкүлү Курт Волкер Орусиянын чыгыш Украинадагы аракеттерин «оккупация» деп баалады жана Москваны Минск келишимдерин аткарууга чакырды. Келишим Донбасстагы орусиячыл жикчилер менен өкмөттүк армиянын куралдуу кармашын токтотууга багыттылган. Волкер 28-майда жаңы президент Владимир Зеленскийдин тушунда Украинанын өнүгүү келечеги тууралуу ойлору менен бөлүштү. - Орусия Минск келишимдерин аткарыш үчүн дагы көп аракет кылууга тийиш, - деген дипломат Киевдин да милдеттенмелери бар экенин кошумчалады. Читать дальше...

БУУнун Балдар фонду (ЮНИСЕФ) Кыргызстандагы балдардын өнүгүшүнө арналган акыркы иликтөөсүнүн жыйынтыгын бүгүн, 29-майда жарыялады. Фонддун Кыргызстандагы өкүлчүлүгүнүн башчысы Юкиэ Мокуонун айтымында, фонд бир топ көрсөткүчтөр боюнча мындай иликтөөнү төрт жыл сайын жүргүзүп, балдардын өнүгүшүнө зарыл багыттарды аныктайт. Өлкөнүн Улуттук статистикалык комитети менен бирге жүргүзүлгөн иликтөө калктын 30% түзгөн балдардын 32% жакырчылыкта жашаарын жана 80 миңден ашык бала жетилүү жагынан артта калганын аныктаган. Читать дальше...

Жогорку Кеңеш Самат Кылжыевди өкмөттүн аппарат жетекчиси, Санжар Муканбетовду экономика министри, Эркинбек Чодуевди айыл чарба, тамак-аш өнөр жайы жана мелиорация министри, Дастан Догоевди Маалыматтык технологиялар жана байланыш комитетинин төрагасы кылып дайындоого макулдук берди.  Парламенттин 29-майдагы жыйынында премьер-министр Мухаммедкалый Абылгазиев өкмөт ишенимди актоого аракет кыларын билдирди: - Талапкерлерге ишенип, өзүм тандап алып келдим. Силер мага ишенип атасыздар, эми ишеничти чогуу актайбыз. Читать дальше...

2010-жылдагы кандуу окуяларга байланыштуу өмүрүнүн акырына чейин абакка кесилген Азимжан Аскаров Жалал-Абаддын Базар-Коргон райондук милициясынын башчысы Азизбек Өскөнбаевге кайрылды.  Өз кайрылуусунда ал милиционер Сулаймановдун  өлүмүнө тиешеси жок экенин айтты. Ошондой эле ага каршы көрсөтмө берген 17 адамга буга чейинкилерин эми Куран карматып кайталап айттырууну Өскөнбаевден суранды. - Эгер ошол алдамчылар көрсөтмөсүн Куран кармап да кайталаса, анда мен актанып мындан ары эч нерсе жазбайм. Читать дальше...

Ак-Суу районунун Пионер айылынын эли тоодон агып келген бир кулак суудан ичет. Арык тазаланбагандыктан айылда боор илдетине чалдыккандар бар. Район жетекчилиги пионерликтер таза сууну 2020-жылы толук ичип калат деп убада берүүдө. Таза сууга жетпеген элетти жол маселеси да кыйнап келет.

«Кыргыз гидромет» борбору кабарлагандай, 30-майда жаан-чачын болбойт. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы: Чүй өрөөнүндө түнкүсүн 12…17, күндүз 30…35, Талас жергесинде түнкүсүн 12…17, күндүз 29…34, Баткен облусунда түнкүсүн 13…18, күндүз 32…37, Ош, Жалал-Абад аймактарында түнкүсүн 13…18, күндүз 32…37, Ысык-Көл дубанында түнкүсүн 6…11, күндүз 21…26, Нарын облусунда түнкүсүн 5…10, күндүз 22…27 градус болот. Бишкекте жаан жаабайт. Читать дальше...

Москвада кыргызстандык келиндин эки кызын асырап алган Мавлюда Шакирова учурда баш калкалоого турак жай издеп жатат.

Ооганстанда «президент Ашраф Ганинин администрациясында иштеген айрым адамдар өкмөттөгү орундар үчүн төшөк мамилесин талап кылышкан» деген шектенүү текшерилип жатат. Башкы прокуратуранын басма сөз катчысы Жамшид Расули 28-майда иликтөө жүргүзүш үчүн атайын топ түзүлгөнүн билдирди. Өткөн аптада Ганинин мурдагы кеңешчиси генерал Хабибулла Ахмадзай телеинтервьюда президенттик сарайдагы айрым «чөйрөлөр» аялдарга өкмөттүк кызмат үчүн төшөк мамилесин сунуш кылышканын айтып, бирок конкреттүү фактыларды же ысымдарды келтирген эмес. Читать дальше...

Орус бийлиги Москвада «Талибан» кыймылынын өкүлдөрүн кабыл алып жатып Ооганстандан чет элдик аскерлер толук чыгып кетиши керек экенин билдирди.

Шоучу саясатчылар, аларга кызмат кылган ЖМКлар жана керектөөчү коом менен массалык маданият кыргыз коомун туңгуюкка алып келди.

«Журналисттерди коргоо боюнча эл аралык комитет» Пакистандын бийлигин пуштундардын нааразылык акциясын чагылдырып жатканда кармалган кабарчыны бошотууга чакырды. Уюмдун 28-майда жарык көргөн билдирүүсүндө айтылгандай, «Khyber News» менчик телеканалынын журналисти Гохар Вазир «Пуштундарды коргоо кыймылы» Банну шаарында уюштурган митингден репортаж даярдагандан кийин кармалган. Эки депутат жетектеген кыймыл бир нече күндөн бери Пакистан коопсуздук күчтөрүнүн пуштун улутундагыларга ыдык көрсөтүүсүнө каршы акцияларды уюштуруп келатат. Читать дальше...

Түркия мыйзамсыз мигранттардын толкуну менен күрөшүү үчүн өлкө боюнча ири масштабдагы операция жүргүзүп, жүздөгөн мыйзамсыз мигранттарды камакка алды.

Бүгүн, шаршемби күнү Орусиянын тышкы иштер министринин орун басары Иранга иш сапары менен барат.

Жогорку Кеңеш бүгүн өкмөттөгү төрт бош кызматка сунушталган талапкерлерди карап жатат. Өкмөттүн аппарат жетекчилигине Шамил Асымбековдун ордуна Самат Кылжыев, экономика министри кызматына Олег Панкратовдун ордуна Санжар Муканбетов, айыл чарба, тамак-аш өнөр жайы жана мелиорация министрине Нурбек Мурашевдин ордуна Эркинбек Чодуев, ал эми Маалыматтык технологиялар жана байланыш комитетинин төрагасы кызматына Бакыт Шаршембиевдин ордуна Дастан Догоев сунушталууда. Алардын талапкерлигин көрсөткөн... Читать дальше...

Уланбек Эгизбаев иликтеген көр сатуу фактылары боюнча иш тергелип бүтүп, сотко өттү. Бул тууралуу 29-майда Экономикалык кылмыштарга каршы күрөш боюнча мамлекеттик кызмат (Финансы полициясы) кабарлады. Мекеменин басма сөз катчысы Анастасия Пискурдун айтымында, айып мүрзөчүлөрдүн бригадирине коюлуп, 8-майда иш Бишкек шаарынын Ленин райондук сотуна жөнөтүлдү. Финансы полициясы Ленин райондук прокуратурасы менен бирге текшерүү жүргүзгөнү, Түштүк-Батыш көрүстөнүнүн БАРУ муниципалдык ишканасынын кызмат... Читать дальше...

Кыргыз өкмөтүнүн акыркы күндөрдөгү кадрдык жүрүштөрүндө жаштарга басым жасалуудабы же фракциялардын талабы алдыга чыктыбы?

Алар буга акыркы убактарда коюлуп жаткан талаптардын негизсиз жана оор экенин айтышууда. Бүгүн, 29-майда касапкана ээлери шаардык мэриянын алдына чогулуп, мэрдин кабыл алуусун талап кылышты. Алардын айтуусунда Ош шаарындагы мамлекеттик ветеринардык инспекция тарабынан мал союулуучу жерлерди жабуу буйругу чыккан. Шаардан тышкары райондордо союлган этти шаарга алып кирүүгө тыюу салынган. Шаардык мамлекеттик ветеринардык инспекция бул талаптар аймактагы эпизоотикалык абалды тескөөгө жана Евразиялык... Читать дальше...

Ирандын болот өндүрүү мүмкүнчүлүгү экспорт жана жаңы инвестициялар менен 2025-жылга чейин белгилүү бир чекке жетет.

Бул тууралуу «Азаттык» радиосуна Бишкек шаардык ички иштер башкармалыгынын басма сөз кызматкери Сайкал Садыбакасова билдирди. «28-майда түнкү саат 12ден кийин Бишкектеги балдар ооруканасынан кайрылуу келген. Дарыгерлер 9-класстагы мектеп окуучусу ур-токмоктон кийин түшкөнүн, анын өмүрүн сактоого мүмкүн болбогонун билдиришти. Алдын ала версия катары балдар арасындагы уруш айтылууда. Окуя боюнча Биринчи май райондук ички иштер бөлүмү Кылмыш-жаза кодексинин 138-беренеси («Ден соолукка оор зыян келтирүү») менен сотко чейинки өндүрүш баштады»... Читать дальше...

Дастан Догоев биометрикалык паспорт даярдоо боюнча тендер чырына эч тиешеси жоктугун билдирди. Бул тууралуу ал бүгүн 29-майда Жогорку Кеңеште депутаттардын суроолоруна жооп берип жатып айтты. Догоев Мамлекеттик каттоо кызматында (МКК) 2014-2018-жылдары иштегенин, калктын биометрикалык маалымат базасын түзүүгө катышканын билдирди: - Мен техникалык жана архитектуралык багыттагы даярдоо иштерине өзүм жеке катышкам. Ошого байланыштуу УКМКга күбө катары маалымат берип чыктым. Тендерди өткөрүү, анын... Читать дальше...

Кыргызстанда мамлекеттик органдардын бюджеттик каражатка автомашина, ишти уюштуруу техникасын жана эмерек сатып алуусуна үч жылга чейин тыюу салуу сунушталып жатат. Бюджет тууралуу мыйзамга ушундай өзгөртүү киргизүү боюнча токтом долбоорунун демилгечиси – депутат Мурадыл Мадеминов. Бул маселе бүгүн 29-майда Жогорку Кеңештин жалпы жыйынында талкууланды. Талкуу учурунда депутат Кубанычбек Нурматов 30 миӊден ашуун калкы бар айрым айыл өкмөттөрүндө Совет мезгилинен калган эски эмерек турганын,... Читать дальше...

Экс-президент Алмазбек Атамбаевдин мурдагы кеңешчиси, камактагы Икрамжан Илмияновдун ишин тергөө 28-июлга чейин узартылды. Башкы прокуратуранын өкүлү Бакытбек Садыгалиевдин «Азаттыкка» билдиришинче, Илмиянов 28-августка чейин камакта калтырылган, тергөө жүрүп жатат. Ал эми мүлктөрү камакта турат. «Шоопур» деген каймана ат менен таанылган жана мурдагы президент Алмазбек Атамбаевдин эң ишенимдүү адамдарынын бири катары аты чыккан Икрамжан Илмиянов 2018-жылдын 20-октябрында Орусиядан кармалып, Кыргызстанга жеткирилген. Читать дальше...