Новости за 10.06.2020

Бишкектин Горький паркында АКШда афроамерикалык жаран, полициянын колунан каза тапкан Жорж Флойдду колдогон акцияга бир адам катышты. Жергиликтүү маалымат агенттиктери кабарлагандай, 10-июнда өзүн Денис Реут деп тааныштырган адам колуна “Бийликтин зомбулугунун чеги жок” деген жазууну кармап, парктагы аянтчага чыкты. Журналисттердин суроолоруна жооп берип жатып ал өзү да Бишкекте күч органдарынын мыйзамсыз аракеттеринен жабыр тарткан учур болгонун, милиция мыйзам чегинен чыкпай иштөөсү керектигин айтты. Читать дальше...

Жогорку Кеңештин 10-июндагы жалпы жыйынында "Республика-Ата Журт" фракциясынын депутаты Нурбек Тотонов Кыргызстандагы жайыт маселесин козгоду. Ал жайытка байланыштуу район аралык чыр-чатак көп орун алып жатканына көңүл буруп, аны чечүүгө өкмөттү чакырды. «Токтогул районунда да чырга себеп болгон жерлер бар. Жайыттарды элди эки-экиден чабышканга жеткирбей эле тактап берип койбойлубу. Ар биринин жайытын тактап берип коюш керек. Качантан бери көтөрүлүп келатат, бирок чечиле элек. Эл да улам сурап жатат. Читать дальше...

Нарын облусунда балык кармаганы кеткен эки адам беш күндөн бери дайынсыз болуп жатат. Бул тууралуу 10-июнда Өзгөчө кырдаалдар министрлиги кабарлады. Мекеменин маалыматына караганда, Жумгал районунун Миң-Куш айылынын 43 жана 42 жаштагы эки тургуну 5-июнда Көкөмерен дарыясынан балык кармаганы Өрнөк айылына кетишкен. Ошо бойдон экөөнөн тең дайын жок болууда. Издөө иштерине Жумгал райондук өрткө каршы куткаруу бөлүмдөрүнөн жалпысынан 13 куткаруучу тартылды. Издөө иштери уланууда. (RK)

Бишкек шаардык соту 10-июнда мурдагы мэрлер Кубанычбек Кулматов менен Албек Ибраимовдун, алар менен кошо айыпталып жаткандардын жана прокуратуранын апелляциялык арызын кароону улантты. Жараянда тараптардын жарыш сөзү башталганын айыпталуучулардын адвокаттары билдиришти. Ишти Адис Момуналиев төрагалык кылган соттук коллегия карап жатат. 3-июндагы жараянда айыпталуучулар суралып бүтүп, иштин материалдарын иликтөө аяктаган. Кулматов Кытай берген акчага «Бишкектин четиндеги Калыс-Ордо конушунда... Читать дальше...

2010-жылы Ош жана Жалал-Абадда болгон июнь окуясы атайын уюштурулган. Мындай пикирин ошол кезде Убактылуу өкмөттүн төрайымы катары Кыргызстандын башчысы болуп турган экс-президент Роза Отунбаева «Азаттыкка» берген эскерүү маегинде билдирди. Анын айтымында, ошол кезде жаңжал чыгарууга көп күчтөр кызыкдар болгон. Ушул күндөрү Кыргызстанда 2010-жылы Ош жана Жалал-Абадда болгон июнь коогалаңынын он жылдыгы эскерилүүдө.

Кыска убакыт ичинде Жогорку Кеңештеги «Кыргызстан» фракциясынын лидери баш болгон төрт депутат арты-артынан мандатын тапшырды.

2010-жылдагы Ош жана Жалал-Абаддагы коогалаңга он жыл болду. Этникалык кагылышка байланыштуу беш жарым миңден ашык кылмыш иши козголсо, анын азыраак бөлүгү гана ачылды.

Гэтжи мекендеши Фергюсонду утуп алгандан кийин россиялык атлет менен чемпиондук наам үчүн кармашууга мүмкүнчүлүк алган.