Новости за 01.06.2020

Москвада коронавирустан кыргызстандык келин беш айлык баласы менен каза болду. Кыргыз жараны Эрмек Шүкүров кабарлагандай, 31 жаштагы Б.Х 31-майда Москвадагы ооруканада каза тапкан. Жалал-Абад облусундагы Базар-Коргон районундагы Советский айылынын тургуну Москвага жылдын башында ишке келген.  «Кош бойлуу болчу. Ооруканага түшкөндө дарыгерлер анын өмүрүн сактап калыш үчүн операция жасашкан. Беш айлык баласы үч күн жашап каза болду. Өзү болсо жакшы болбой жатып кечээ түнү каза тапты», деди Шүкүров. Читать дальше...

1-июнь - Балдарды коргоо күнүнө карата Кыргызстан балдарынын алгачкы онлайн саммити өттү. Анда адистерден тышкары балдар өздөрү өспүрүмдөрдүн маселелери тууралуу кеп козгошту.

Атактуу аткаруучу Малик Аликеевдин төшөктө отуруп алып ырдаган ыры социалдык тармактарда тарап, коомчулук анын саламаттыгына тынчсызданды. «Азаттык» ырчы менен байланышып, ден соолугу, алдыдагы пландары, азыркы таптагы чыгармачылыгы тууралуу сурады.

Кыргызстандын президенти Сооронбай Жээнбеков 1-июнда Өзбекстандын президенти Шавкат Мирзиёев менен телефон аркылуу сүйлөштү. Эки мамлекеттин башчылары кыргыз-өзбек кызматташтыгынын актуалдуу маселелери, анын ичинде чек ара кызматташтыгы тууралуу сүйлөшүп, анын ичинде 31-май күнү чек арага танапташ жерде түзүлгөн кырдаалды талкуулашты. Сооронбай Жээнбеков менен Шавкат Мирзиёев мындан ары андай чатактарга жол бербеш үчүн зарыл чараларды көрүүнү макулдашты. Президенттер мындан тышкары эки өлкөнүн элдери эзелтен ынтымакта жашап... Читать дальше...

Армениянын премьер-министри Никол Пашинян коронавирус инфекциясына чалдыкты. Ал вирус өзү менен үй-бүлөсүнүн төрт мүчөсүнө жукканын билдирди. Арменияда карантин жумшаргандан бери COVID-19га кабылган адамдар арбый түштү.

Малик Аликеев ырдаган сөзү Сооронбай Жусуевдин, обону Кожоакмат Абдыралиевдин "Өмүр жөнүндө ой толгоо" аттуу ыры

Орусиянын президенти Владимир Путин конституциялык өзгөртүүлөр боюнча жалпы элдик референдумду 1-июлда өткөрүүнү чечти. Бул тууралуу президент 1-июнда түзөтүүлөрдү даярдаган топтун жетекчилери менен жыйында билдирди. Борбордук шайлоо комиссиясынын төрайымы Элла Памфилова бул датаны колдоду жана элдин көп топтолушунун алдын алыш үчүн добуш берүү алты күн мурун башталарын айтты. Төрайымдын айтымында, 2-3 аймакта балким электрондук добуш берүү уюштурулат. Путин референдумду 24-июнда уюштуруу жөнүндө сунуш түшкөнүн... Читать дальше...

Хоббисин бизнеске айланткан нарындык флорист. Карантинде кесибин өзгөрткөн музыкант. Өгүз таптап, жер айдаган тоолук дыйкандар. Көл үстүнө калкыма пирамида мейманкана кургусу келген ардагер. "Данисте" берүүсүнүн кезектеги чыгарылышын сунуш кылабыз.

Биринчи вице-премьер-министр Кубатбек Боронов 31-майда кыргыз-өзбек чек арасындагы чатакта жабыркап, учурда ооруканада жаткан жарандардан кабар алды. Дарыгерлер вице-премьер-министрге жарандардын акыбалы тууралуу маалымат беришти. Кубатбек Боронов чатакта жабыркаган жарандарга жакшылап көңүл бөлүп, дарылоону жана аларды зарыл дары-дармек менен камсыз кылууну тапшырды. Саламаттык сактоо министрлиги Чечмедеги чатакта 25 киши жаракат менен Айдаркен шаардык ооруканасына кайрылганын билдирди. Алардын... Читать дальше...

Өзбекстандын Сох анклавы менен чектеш Кыргызстандын Чечме айылынын чегинде булактан чыккан талашты эки өлкөнүн өкмөт жетекчилери жолугуп талкуулады.

Акыркы күндөрү АКШда болуп жаткан башаламандыкта мерт болгондордун, жабыркагандардын жана кармалгандардын арасында кыргызстандыктар жок. Бул тууралуу Кыргызстандын Тышкы иштер министрлигинин басма сөз кызматы кабарлады. Министрлик жана Вашингтон шаарындагы кыргыз элчилиги АКШдагы жашаган мекендештерге кайрылып, эл көп чогулган жерлерге барбоого үндөштү. Ошондой эле башаламандык учурунда кармалган, жабыркаган же набыт болгон кыргызстандыктар тууралуу маалымат болсо, элчиликке кабарлоону өтүнгөн. Читать дальше...

Беларус президенти Александр Лукашенко «өлкөдө эч кандай «Майданга» жол берилбейт» деп ачык эскертти. Анын алдында Минск жана башка шаарларда президенттик шайлоого катышкысы келген оппозиция өкүлдөрүн колдогон жүрүштөр өткөн. Украин баш калаасы Киевде 2014-жылы ошол кездеги президент Виктор Януковичке каршы акциялар Эгемендик аянтында же украинче «Майдан Незалежностиде» уюштурулуп, «Майдан» деген сөз европачыл митингдердин символуна айланган. Беларус лидери 1-июнда Улуттук коопсуздук комитетинин... Читать дальше...

Кыргызстандын мурдагы президенти Курманбек Бакиевдин маалымат каражаттарына жарыяланган кайрылуусуна Башкы прокуратура жооп кайтарды. Анда Курманбек Бакиев, анын жакын туугандары, анын ичинде уулу Максим Бакиев жана анын санаалаштары оор жана өзгөчө оор кылмыштар үчүн айыпталып, сыртынан соттолгону, сот аларга эркинен ажыратуу баштаган ар кандай жазаларды чектегени белгиленген. Башкы прокуратуранын маалыматында Курманбек Бакиев сыртынан 30 жылга кесилип, ага издөө жарыяланганы, Бакиевдин өзүн жана анын инилери Жаныбек (Жаныш)... Читать дальше...

Мурдагы президент Алмазбек Атамбаев эми Кой-Таш окуясы боюнча кылмыш иши каралып бүткөнгө чейин сот отурумдарына катыша албайт. Бишкектин Биринчи май райондук сотунун мындай чечим чыгарышына 1-июнда Атамбаев сот залындагы тосулган жерге отурууга макул болбой койгону себеп болду. Сот жүрүп жаткан учурда имараттын сыртында мурдагы президентти колдогон жана каршы ондогон адамдар митингге чыгышты. Президенттин аппараты Атамбаевдин тарапташтарынын дооматына жооп берген жок.

Кыргыз эл сүрөтчүсү Баатыр Жалиев 85 жашында дүйнө салды. Шайыр мүнөз залкар скульптура менен да алектенип турчу.

Бишкек шаардык административдик соту 1-июнда укук коргоочу Азимжан Аскаровдун кыргыз өкмөтүнө каршы доо арызын карай баштады. Ал «өкмөт Бириккен Улуттар Уюмунун (БУУ) сунуштарын эске албай жатат» деп сотко кайрылган. Аткаруу бийлиги коюлган дооматка макул эмес. 2016-жылы Бириккен Улуттар Уюмунун (БУУ) Адам укуктары боюнча комитети Аскаров камакта кыйноого кабылганын, медициналык жана адилет сот менен камсыз болуу укугунан ажыраганын билдирген.

Бишкек шаардык административдик соту укук коргоочу Азимжан Аскаровдун кыргыз өкмөтүнө каршы доо арызын карай баштады. Ал «өкмөт Бириккен Улуттар Уюмунун (БУУ) сунуштарын эске албай жатат» деп сотко кайрылган. Аткаруу бийлиги коюлган дооматка макул эмес.

Блогер Элмирбек Сыдымановдун соту башталып, отурум техникалык себептерге байланыштуу башка күнгө которулду.  Бүгүн, 1-июнда Бишкектин Октябрь райондук сотунда блогердин иши боюнча алгачкы соттук отурум болду. Сыдыманов: «Дисктерди көрүшмөк. Компьютери иштебей калып, 2-июнга которушту” деп «Азаттыкка» билдирди. Блогер быйыл 18-февралда Бишкектеги №1 тергөө абагына камалып, 28-февралда үй камагына чыгарылган. Ага Жазык кодексинин 313-беренеси «Расалык, улуттук, диний же аймак аралык кастыкты (араздашууну) козутуу») боюнча айып коюлган. Читать дальше...

АКШнын ондогон шаарларында алты күндөн бери афроамерикалык жаран Жорж Флойддун өлүмүнө байланыштуу нааразылык акциялары өтүп жатат.

Кой-Таш окуясы боюнча Бишкектин Биринчи май райондук сотундагы жараян мурдагы президент Алмазбек Атамбаевдин катышуусуз өттү. Бул тууралуу Атамбаевди колдогон КСДПнын өкүлдөрү билдиришти. 1-июнда түшкө чейинки отурумда сот залынан мурдагы президент Алмазбек Атамбаев чыгарылган эле. Судья  Кой-Таш окуясы боюнча кылмыш иши каралып бүткөнгө чейин ал сот отурумдарына катышпайт деген чечим чыгарган. Атамбаев өзү жараянда айыпталуучулар менен бирге тосмонун ичинде отуруудан баш тарткан. Адвокаты Сергей... Читать дальше...

HRW - «Human Rights Watch» эл аралык укук коргоо уюму түркмөн бийлигин кумса болгондугу үчүн эки жылга түрмөгө кесилген белгилүү артистти бошотууга, айыптарды алууга үндөдү. Апрелде көз каранды эмес маалымат каражаттары Ашхабаддагы бир нече булакка таянып аты аталбаган актёр, шоумен, анын эркек түгөйү жана он чакты киши кармалганын жазышкан. Маалыматтарда айрымдары пара бергенден кийин бошотулганы айтылган. «Азаттык» радиосунун түркмөн кызматынын баш калаадагы маалымат булагы чындап эле ал киши камакта экенин бышыктады. Читать дальше...

Ысык-Көлдө пансионаттардын жана конок үйлөрүнүн иштөөсүнө уруксат берилди. Бул тууралуу өкмөттүн облустагы өкүлүнүн басма сөз катчысы Жаныбек Кожоев билдирди. Туризм департаменти, коронавируска каршы облустук штаб жана Саламаттык сактоо министрлиги биргеликте пансионаттар менен менчик конок үйлөрүнүн коронавирус шартында иштөөсү тууралуу атайын эрежелерди иштеп чыккан. Аларга ылайык, көл жээгиндеги туристтик объектилер текшерилип, санитардык нормаларды сактагандарына ишти баштаганга бүгүн 1-июндан тартып уруксат берилди. Читать дальше...

2-июнда түнкүсүн Нарын облусунун кээ бир райондорунда жана Ош облусунун тоолуу аймактарында өткүн өтүп, күн күркүрөп, бийик тоолордо кар жаашы ыктымал, калган аймактарда жаан-чачын жаабайт. Күндүз Ош, Жалал-Абад, Баткен, Ысык-Көл, Нарын облустарынын көпчүлүк аймактарында, Чүй, Талас облустарынын кээ бир райондорунда жаан жаап, күн күркүрөшү, бийик тоолордо кар жаашы мүмкүн. Ош, Жалал-Абад, Баткен, Ысык-Көл, Нарын облустарынын кээ бир жерлеринде жаан-чачын көп жаайт. Кээ бир райондордо мөндүр жаашы ыктымал. Читать дальше...

Ирандын Тышкы иштер министрлигинин басма сөз катчысы Аббас Мусави «Венесуэла күйүүчү май сураса, Тегеран танкерлерин дагы жөнөтүүгө даяр» деп билдирди. Мусави «Иран Венесуэла менен эркин соода кылуу укугунан пайдаланып жатканын» белгиледи. Вашингтон санкциялар салынган ал эки өлкөнүн ортосундагы жүк ташууга жол бербөөгө аракет кылган. Ислам Республикасы буга чейин Венесуэлага беш кеме менен кара май жөнөткөн. Бир кездери Латын Америкасындагы эң ири мунай өндүрүүчү экономикалык кризиске учурап, бензиндин тартыштыгынан жапа чегип келатат. Читать дальше...

Июнь окуясы үчүн өмүрүнүн аягына чейин эркинен ажыратылган укук коргоочу Азимжан Аскаров Кыргызстандын бир катар саясатчыларына, мурдагы депутаттарына ачык кайрылуу таратты.  Ал камакта мыйзамсыз отурганын, милиционер Сулаймановдун өлүмүнө анын өзүнүн кесиптештери күнөөлүү экенин айтып, өкмөттүк эмес уюмдар (ӨЭУ) тууралуу мыйзам долбоору боюнча парламенттик талкуу учурунда анын дарегине айтылган сөздөргө жооп берди. Кайрылууда: «Менин дарегиме жалган дооматтар жогорку трибуналардан 10 жылдан бери токтобой айтылып келе жатат. Читать дальше...