Новости за 23.06.2020

Президент Сооронбай Жээнбеков Судьялар кеңеши тарабынан сунушталган айрым судьялардын орундарын которуу туралуу жарлык чыгарды. Бул тууралуу президенттин басма сөз кызматы маалымдады. Жарлыкка ылайык, судьялардын штаттык саны өзгөрүп, жалпысынан 48 судья орун алмашты. Башкача айтканда, айрым шаардык, облустук соттордун судьялары ыйгарым укуктарынын калган мөөнөтүн райондук соттордо улантышат. Бул жергиликтүү соттордун ишмердүүлүгүн оптимизациялоо үчүн жасалды. Соттук реформа боюнча кеңештин чечимдерин... Читать дальше...

Мурдагы президент Алмазбек Атамбаевдин аялы Раиса Атамбаева коомчулукка кайрылып, буга чейин колдоо көрсөтүп келген тарапташтарына ыраазычылыгын айтты. Анын кайрылуусун Атамбаевдин баласы Сейитбек Атамбаев "Фейсбуктагы" баракчасына жайгаштырды. Раиса Атамбаева 23-июнь туулган күнү экенин белгилеп, президент Сооронбай Жээнбеков менен Алмазбек Атамбаевдин достугуну эске салган.  23-июнда кримтөбөл Азиз Батукаевдин түрмөдөн мыйзамсыз бошотулганына байланыштуу сот өкүмү чыкты. Ага ылайык, мурдагы... Читать дальше...

Акыркы бир жумада Кыргызстанда коронавируска чалдыккандар көбөйүүдө, алардын баарын дарылаганга саламаттык системасынын күчү жетеби? Эмне менен дарылап жатышат? Медициналык кызматкерлердин канчасы вируска кабылды?

Парламенттин басма сөз кызматынын башчысы Ибраим Нуракун уулу аны менен байланышта болгон кызматкерлердин ПЧР-тесттери таза чыкканы менен дарыгерлер аларды үй карантинде калтырышканын маалымдады. Буга байланыштуу Жогорку Кеңештин 24-25-июндагы жыйындары түз эфирде чагылдырылбайт. Кызматкерлер аралыктан иштеп, күн тартибинде каралган маселелер жана добуш берүүлөрдүн жыйынтыктарын kenesh.kg сайтына жайгаштырып турушат. Ибарим Нуракун уулу 29-июнда Жогорку Кеңештин кезексиз жыйыны өтүшү күтүлүп жатканын айтып... Читать дальше...

2013-жылы кримтөбөл Азиз Батукаевдин түрмөдөн мыйзамсыз бошотулганына байланыштуу кылмыш иши боюнча сот өкүмү чыкты. Ишти караган Бишкек шаарынын Биринчи май райондук сотунун судьясы Эмилбек Каипов мурдагы президент Алмазбек Атамбаевди күнөөлүү деп таап, 11 жыл эки айга эркинен ажыратты. Бул Кыргызстандын тарыхында мурдагы президент камалып, өлкө ичинде сот жообуна тартылган биринчи окуя. Мурдагы башкы прокурор Индира Жолдубаевага 5 млн. сом айып салып, класстык чини жана ардактуу наамынан ажыратты.​

Кыргызстанда пандемия шартында медициналык кызматкерлер жетишсиз болуп, буга байланыштуу кошумча ресурстарды тартуу зарылдыгы келип чыкты. Бул тууралуу вице-премьер-министр Аида Исмаилова өткөргөн жыйында сөз болду. Кеңешменин жыйынтыгында, Билим берүү жана илим министрлиги менен Саламаттык сактоо министрлигине жогорку окуу жайлардын окутуучуларынын жана клиникалык ординаторлордун катарынан мобилдик бригадаларга, түз байланыш борборлоруна, саламаттык сактоо мекемелерине иштөө үчүн дарыгер-адистердин тизмесин сунуштоо тапшырылды. Читать дальше...

Орусиянын Буденновск шаарындагы терактка 25 жыл болду. 1995-жылы 14-июнда Ставрополь крайындагы шаарга талаа командири Шамил Басаев баштаган 200дөй согушкер кирип барган. Алар бир жарым миңдей кишини жергиликтүү ооруканада 5 күн бою туткунда кармап, Чеченстандагы согушту токтотууну талап кылышкан. Бул кандуу окуяда расмий маалымат боюнча, 129 кишинин өмүрү кыйылган, 300дөн ашуун адам жарадар болгон. Тергөө азыр да уланып жатат. Айрымдар бул окуяны Орусиянын бүгүнкү тарыхындагы биринчи террордук чабуул деп атап жүрүшөт.

Бишкектин Ленин райондук сотунда 23-июнда Жогорку Кеңештин депутаты Кубанычбек Жумалиевдин арызы боюнча сот отуруму болду. Бул тууралуу Жумалиевдин жактоочусу Бактыбек Жумашев маалымдады. Анын айтымында, сот отурумунда жооп берүүчү тарап депутаттын байлыгы жөнүндө буга чейин айткан сөздөрүнө далил келтирген эмес. “Чоң казат” кыймылынын мүчөлөрүнүн бири, адвокат Канат Хасанов сот отурумунан кийин "Фейсбуктагы" баракчасында депутат Жумалиев байлыктарын туугандарына каттатканын жана алар жөнүндө маалымат талап кылышаарын жазды. Читать дальше...

Ош облусунда милиция 17-19-июнь күндөрү “Өспүрүм-эмгек” деп аталган рейд жүргүздү. Бул тууралуу Ички иштер министрлигинин басма сөз кызматы маалымдады. Иш-чаранын жүрүшүндѳ 60 өспүрүм эмгекке тартылганы аныкталды. Алардын ичинен 58 бала түрдүү жумуштарда, эки өспүрүм начар шартта иштеп жаткан. 28 бала ата-энесине жеткирилип, 32си Ош облустук ички иштер башкармалыгынын Жашы жете электер арасындагы укук бузуулардын алдын-алуу борборуна алып келинди. Балдар боюнча учурда тийиштүү иш-чаралар жүрүп жатат. Читать дальше...

Талас облустук ички иштер башкармалыгынын басма сөз кызматкери Динара Сарногоева “Азаттык” радиосуна жарандык активист Айбек Бусурманкулов "Жерүй" алтын кени боюнча жыйын өткөрүүнү пландап жатканына байланыштуу кармалганын маалымдады. Сарногоеванын айтымында, пандемияга байланыштуу санитардык эрежелер боюнча активистке түшүндүрүү иштери жүрүп жатат. “Митингге чакырып, чогулуш уюштурабыз деген маалыматтар бар болчу. Ошол боюнча түшүндүрүү иштерин жүргүзүү үчүн кармалды”. Мекеменин басма сөз... Читать дальше...

Орусиянын президенти Владимир Путиндин пресс-катчысы Дмитрий Песков 24-июнда Жеңиштин 75 жылдыгына арналган аскердик парадга катыша турган чет өлкөлүк лидерлерди атады. Тизмеде БУУга кирген мамлекеттин жети жетекчиси гана бар: Беларус, Казакстан, Кыргызстан, Молдова, Сербия, Тажикстан жана Өзбекстандын президенттери. Эл аралык коомчулук тааныбаган Абхазия жана Түштүк Осетиянын жетекчилери да катышмакчы. Москвадан айырмаланып, дүйнө коомчулугу ал эки аймакты Грузиянын бөлүгү деп эсептейт. Босния... Читать дальше...

Орусияда мигранттарды убактылуу кармоочу жайларда отурган кыргызстандыктар жардамга муктаж.

Орусияда тыңчылык үчүн соттолгон америкалык Пол Уилан өкүмдү талашып апелляция бербейт жана жакын арада АКШда соттолгон орусиялыктарга айырбашталарынан үмүттөнөт. Бул тууралуу адвокат Владимир Жеребенков 23-июнда билдирди. Анын айтымында, Уилан Орусиядагы сот адилеттүүлүгүнө ишенбейт. Адвокат Уилан Орусия президентинен ырайым сурап же сурабасын чече электигин кошумчалады. 15-июнда Москва шаарынын соту Уиланды тыңчылык үчүн айыптуу деп таап, 16 жылга күчөтүлгөн режимдеги колонияга кескен. АКШнын... Читать дальше...

"Жерүй" алтын кени боюнча жыйын өткөрүүнү пландап жаткан жарандык активист Айбек Бусурманкулов Талас райондук ички иштер бөлүмүнө алып келингени кабарланууда. Бул тууралуу Кулмат Сыдыков аттуу жергиликтүү активист “Азаттыкка” маалымдады. “Болот Шердин батасынан келе жатканда, милиция кызматкерлери тосушту. Айбекти саат жетилер чамасында Талас районунун ички иштер бөлүмүнө алып келишти. Милиция бизге эч нерсе айтпай жатат”, - деди ал. Кулмат Сыдыковдун айтымында, алар 24-июнда Талас районунда "Жерүй" алтын кени боюнча жыйын өткөрүшмөк. Читать дальше...

Сербиялык белгилүү теннисчи Новак Жокович коронавируска чалдыкканын билдирди. Билдирүүдө спортчунун аялы да вирусту жугузуп алганы, балдарынын анализдери жакшы чыкканы айтылат. Буга чейин хорватиялык Борна Корич, болгариялык Григор Димитров жана сербиялык Виктор Троицки өткөн жумада Жокович уюштурган "Adria Tour" мелдешине катышкандан кийин ооруп калганы кабарланган. Турнирдин 21-июнга белгиленген финалы Димитров вирус жугузуп алгандан кийин болбой калды. Жокович мелдешти уюштурууда санитардык нормаларды сактабагандыгы... Читать дальше...

Коронавирус жуккан бейтаптар менен иштеген медицина кызматкерлерине кошумча айлык акы үч ай үчүн төлөнүп берилген. Эгерде кайсы бир кызматкерге кошумча акча тийбесе, бул үчүн ошол медициналык жайдын жетекчиси жооптуу. Бул тууралуу 23-июнда вице-премьер-министр Аида Исмаилова билдирди. Анын айтымында, мамлекет кепилдеген айлык маяна үзгүлтүксүз төлөнүп берилүүдө, коронавирус шартында иштегендерге кошумча акча да төлөндү: "Биринчиден, кепилденген айлык маянаны төлөп берип жатабыз. Экинчиден, оорунун... Читать дальше...

Кыргызстанда ала качууга каршы алгачкы онлайн оюн иштелип чыкты. Ал кыздарга укук тууралуу маалымат берүүнү көздөйт.

Өкмөттө вице-премьер-министр Акрам Мадумаровдун катышуусунда ар кандай көлмө, суу жана дарыялардагы коопсуздукту сактоо боюнча жыйын өттү. Бул тууралуу өкмөттүн басма сөз кызматы маалымдады. Жыйында жай мезгилинде ачык көлмөлөрдө эс алгандардын саны өскөнү, алардын көпчүлүгүндө коопсуздук эрежелери сакталбай, кароосуз калгандар бар экени айтылды. Өзгөчө кырдаалдар министрлигинин маалыматы боюнча ушул жылдын алты айында көлмөлөрдө ар кандай себептерден 35 адам чөгүп кеткен. Вице-премьер-министри... Читать дальше...

Кыргызстандын Бизнес акыйкатчысы Робин Орд-Смит ишкерлерди жана бизнестин өкүлдөрүн ашыкча текшерүү жана айып салуу фактыларын айыптап чыкты. Жыл башынан бери аталган институтка отуздай даттануу келип түшкөн. Бизнес акыйкатчы мекемеси 2018-жылы түзүлүп, жетекчиси жана аппараты былтыр шайланган. Пандемиялык шартта ишкерлердин укуктарынын бузулушу, чет элдик инвесторлорду коргоо, коррупцияга каршы күрөштүн бизнеске болгон таасири сыяктуу суроолорго Бизнес-акыйкатчынын орун басары Нурлан Мүсүралиев жооп берди.

Кошмо Штаттардын президенти Дональд Трамп айрым чет өлкөлүк жарандарга АКШга жумуш визасын алууга убактылуу тыюу салган буйрукка кол койду. Коронавирус пандемиясынан улам Сауд Арабиясы быйылкы ажылык зыяратка чет элдиктерди киргизбейт.

Кыргызстанда коронавирус бир күндө дагы 163 кишиден табылды. Алардын арасында Жогорку Кеңештин депутаттары да бар. Коомчулукта вирус жугузуп алганын ачык айтып чыккандар сейрек. Ошол эле кезде вируска, аны менен ооругандарга ишенбегендер четтен чыгат.

Мурдагы өкмөт башчы Мухаммедкалый Абылгазиевди узатуу учурунда сүрөткө беткапсыз түшкөндөрдүн ичинен 28 адамга айыппул салынды. Бул тууралуу 23-июнда “Азаттык” радиосуна Бишкектин Мамлекеттик санитардык-эпидемиологиялык көзөмөл боюнча борборунун жетекчи орун басары Мира Курманова билдирди: "“Бузуулар жөнүндө” кодекске ылайык 28 протокол түзүлгөн. Ар бирине 5 миң сомдон. Протоколдор тапшырылган. “РСК-банкка” төлөшөт. Дүмүрчөктөрдү азырынча алып келише элек”. Мекеменин маалыматына караганда, айыппул... Читать дальше...

Ооган расмий өкүлдөрү талиб согушкерлери өлкө түндүгүндө бир нече жердеги текшерүү пункттарына кол салганын, 14 жоокер окко учканын маалымдашты. Шейшембинин таңында Кундуз провинциясында болгон кол салуу атышуу менен коштолуп, куралдуу тиреш бир нече саатка созулду. Анда 8 аскер набыт болду, жетөө жараат алды. Бул тууралуу жергиликтүү бийлик башчысы Насруддин Саади билдирди. Кундуз губернаторунун басма сөз катчысы Эсматулла Муради чабуул тууралуу маалыматты бышыктап, бирок 9 аскер өлгөнүн айтты. Читать дальше...

Кыргызстандын аймагы аркылуу өтүп, Кытайды Европа менен байланыштыра турган темир жолду куруу долбоору 20 жылга чукул убакыттан бери талкуу жаратып, ишке ашпай келе жаткан.

Казакстандын мурунку президентинин кызы Дарига Назарбаева жана анын уулу Лондондогу мүлкүн сотто коргоп калышты. Апелляциялык сот Британиянын кылмыштуулукка каршы улуттук агенттигинин арызын четке какты.