Новости за 05.10.2021

Жеңишинен кийин балбан кыз улук машыктыруучусу экөө Кыргызстандын желегин көтөрүп, килемди айланып чуркап өтүштү.

Кыргызстандык балбан Айсулуу Тыныбекова Норвегиянын Осло шаарында өтүп жаткан кыз-келиндер күрөшү боюнча Дүйнө чемпионатында алтын медал тагынды. Бул жетишкендиги менен ал Эгемен Кыргызстандын тарыхында күрөш боюнча Дүйнө чемпионатынын финалында эки жолу күрөшүп, эки жолу тең жеңишке жеткен алгачкы спортчу болуп калды. Биргелешкен күрөш дүйнөсү уюмунун расмий сайтындагы маалыматка таянсак, Тыныбекова 6-октябрга караган түнү 62 килограмм салмакта финалда америкалык Кайла Колиин Кийоко Мираклды 7:0 эсебинде жеңип алды. Читать дальше...

Тыныбекова 2019-жылы Нур-Султанда өткөн дүйнө чемпионатынан алтын медаль уткан. Токио Олимпиадасынын күмүш байгесинин ээси.

Кыргызстандык балбан Эрназар Акматалиев Норвегиянын Осло шаарында өтүп жаткан күрөш боюнча Дүйнө чемпионатында күмүш байге алды. Дүйнөлүк күрөш уюмунун (UWW) расмий сайтындагы маалыматка таянсак, 5-октябрда эркин күрөштөн 70 килограмм салмакта күрөшкөн Акматалиев финалда польшалык Магомедмурад Гаджиевге 1:2 эсебинде жеңилди. Акматалиев буга чейин 4-октябрда төрт беттеш өткөргөн. Алгач шри-ланкалык балбан Анил Нирошан Мунасинье Каруна Пели Гедераны 10:0 эсебинде уткан. 1/8 финалда армениялык Арман Андреасянды 11:2 эсебинде жеңген. Читать дальше...

Жогорку Кеңештеги “Ата Мекен” фракциясынын депутаты Наталья Никитенко Министрлер кабинети өлкөнүн кышка даярдыгы жөнүндө маалымат бербей жатканын айтып, сынга алды. Эл өкүлү бул тууралуу Фейсбуктагы баракчасына жазды. “Азыркы мезгилде өлкө парламенти коомчулукту тынчсыздандырган суроолорду талкуулоочу жер болбой калды. Биз Министрлер кабинетинен жооп ала албай жатабыз. Кыш жакындады. Өкмөттүн кышка даярдыгы боюнча отчету кана? Көмүр боюнча көйгөй барбы? Мектеп, ооруканалар даярбы? Аларга бул кызыксыздай сезилет”, - деп жазды депутат. Читать дальше...

Мурдагы вице-премьер-министр Алтынай Өмүрбекова Евразия экономикалык комиссиясынын (ЕАЭК) Эмгек миграциясы жана социалдык коргоо департаментинин директору болуп дайындалды. Бул тууралуу ЕАЭК сайтында кабарланды. Алтынай Өмүрбекова - Жогорку Кеңештин алтынчы чакырылышынын депутаты болгон. 2018-жылдан 2020-жылдын апрель айына чейин вице-премьер-министр болуп иштеген. 2020-жылы 1-апрелде ошол кездеги президент Сооронбай Жээнбеков вице-премьер Алтынай Өмүрбекованы, саламаттык сактоо министри Космосбек Чолпонбаевди иштен алган. Читать дальше...

Беттештин биринчи бөлүгү Эрназар үчүн ийгиликтүү болуп, бирок экинчи бөлүгүндө бир упайлык айырма менен жеңилүү ызасын тартты.

Кыргызстандык Айпери Медет кызы Норвегиянын Осло шаарында өтүп жаткан күрөш боюнча Дүйнө чемпионатында коло байге үчүн күрөшөт. Дүйнөлүк күрөш уюмунун расмий сайтындагы маалыматка таянсак, Медет кызы бүгүн, 5-октябрда кыз-келиндер күрөшүнөн 76 килограмм салмакта жарым финалда 2019-жылдагы дүйнө чемпионатынын коло байгесинин ээси, Европа чемпиону эстониялык Эпп Мяени 3:3 эсебинде жеңилди. Беттештин 1-айлампасына эки балбан упай ала алган жок. 2-айлампада экөөнө тең пассивдүү аракети үчүн эскертүү берилип, бирден упай эсептерине жазылды. Читать дальше...

Айпери 3:1 эсеби менен алдыда баратып, күрөштүн бүтөрүнө саналуу ирмемдер калганда утулуп калды.

Кыргызстанда 5-октябрда мугалимдер күнү белгиленди. Бул күндүн урматына өлкө боюнча бир катар агартуучуларга сыйлыктар тапшырылды. Жалпысынан өлкөдө 82 миң окутуучу болсо, мектепке дагы эки миңден ашык мугалим жетишпейт. "Жылдын мыкты мугалими" республикалык сынагын Ош шаарындагы №52-лицейдин кыргыз тили жана адабияты мугалими Илгиз Шамурзаев жеңип алды. Мугалимдик кесиптин кадыры маянаны жогорулатуу менен артып кетпейт дейт жаш агартуучу. "Айлыкты көбөйтөлү деген жакшы. Бирок бардык эле маселе буга байланыштуу эмес. Читать дальше...

Өлкөдөгү мектептерде мугалимдердин жүгү оор бойдон калууда. Бул тууралуу Улуттук статистика комитетинин маалыматында айтылат. Мекеменин эсебинде, шаардагы мектептерде бир мугалимге орточо жыйырма, айылдарда он беш окуучу туура келет. Учурда мектептерде 82 миңден ашык мугалим иштейт. Өлкө боюнча 2296 жалпы билим берүү мекемелери бар. Мугалимдердин 85% ашыгын аялдар түзөт. Кыргызстанда бир класста 30дан ашык окуучу окуган учурлар көп кездешет. Мындай көрүнүш ири шаарларда, жаңы конуштарда байкалары айтылып келет. Читать дальше...

Мамлекет башчы Садыр Жапаров 5-октябрь мугалимдердин кесиптик майрамы менен куттуктап, педагог өлкөнүн тиреги экенин белгилеп, аларсыз туруктуу коомду, демократиялык мамлекетти курууга мүмкүн эмес деди. “Заманбап билим берүү жөн гана билим топтоо эмес, бул окуучулардын аналитикалык жөндөмдүүлүгүн жана сынчыл ой жүгүртүүсүн өркүндөтүү, өзүнө жоопкерчилик алууга даярдоо экендигине ынандым. Мындай жөндөмдүүлүктүн баарын биздин балдарыбызга мугалимдер үйрөтөт”, - деп айтылат Жапаровдун куттуктоосунда. Читать дальше...

Кыргызстандык атлеттин ACA 130 мелдешиндеги беттеши кечээ, 4-октябрда, Чеченстандын борбору Грозный шаарында өттү. Анда ал атаандашын нокаут менен уткан.

2020-жылдагы Октябрь окуяларына бир жыл толду. Жалал-Абад шаардык кеңешинин депутаты Тай-Мурас Ташиев ыйгарым укуктарын мөөнөтүнөн мурда токтотуу тууралуу арызын жазды. Грузияда абакта ачкачылык кармаган мурдагы президент Михаил Саакашвили өзүн "Путиндин туткунумун" деп атады.

Кыргызстандын нефтетрейдерлер ассоциациясы “өлкөдө күйүүчү майлардын наркы дагы өсүшү мүмкүн” деген билдирүү жасап, бааны туруктуу кармоо үчүн өкмөттөн жеңилдиктерди сурады. Буга дүйнөдө мунайдын баасынын өсүшү жана эл аралык рыноктогу тартыштыктар себеп болушу ыктымал. Бензин менен дизель Кыргызстанда ансыз кымбаттаган. ОПЕК уюмунун саясаты  5-октябрдагы басма сөз жыйынында Кыргызстандын нефтетрейдерлер ассоциациясынын президенти Канат Эшатов алгач мунай рыногундагы жалпы жагдайга түшүндүрмө берди. Читать дальше...

Кыргызстандын Улуттук коопсуздук боюнча мамлекеттик комитети (УКМК) Камчыбек Асанбектин (Көлбаев) уюшкан кылмыштуу тобунун мүчөсү делген 68 жаштагы казак жараны кармалганын билдирди. Бул тууралуу мекеменин басма сөз кызматы маалымдады. Атайын кызмат шектүү буга чейинки сотко чейинки териштирүү материалынын негизинде кармалганын кабарлады. "Шектүү буга чейин баңгизат, курал-жарак, каракчылык, уюшкан кылмыштуу топ түзүү, Казакстан, Кыргызстан жана КМШ мамлекеттеринин аймагында уурдалган кымбат баалуу... Читать дальше...

Октябрь окуяларынын бир жылдыгына карата президент Садыр Жапаров кыргызстандыктарга кайрылып, окуяда каза болгон Үмүтбек Алтынбек уулунун жакындарына Бишкектен эки бөлмөлүү батир берди. Окуяга байланыштуу мамлекеттик деңгээлде иш-чара өткөрүлгөн жок. Ал окуяларда жараат алгандар Ак үй астына чогулуп, каза тапкан Үмүтбек Алтынбек уулун эскерип, куран окушту. 5-октябрь - парламенттик шайлоонун жыйынтыгына нааразычылык митинги башталып, бийликтин алмашуусуна алып келген күн. Ага карата Октябрь окуясынын... Читать дальше...

5-октябрда Орусиянын президенти Владимир Путин менен Тажикстандын президенти Эмомали Рахмон телефон аркылуу Ооганстандагы кырдаалды талкуулаганын Кремлдин басма сөз кызматы кабарлады. Бул эки лидердин телефондук сүйлөшүүсү Орусиянын Тышкы иштер министрлиги сентябрь айынын соңунда Дүйшөмбү менен “Талибандын” өкмөтүн жарашууга чакыргандан кийинки биринчи түз баарлашуусу. Талибдер менен диалогду колдогон Орусиянын президенти Владимир Путин тажик президенти Эмомали Рахмонду Кабулдагы “Талибандын”... Читать дальше...

Канадалык "Центерра Голд" компаниясы "Кумтөр кенин биз иштетип жаткан учурда экологиялык, иштөө тартиби жана экономикалык эч кандай мыйзам бузуу болгон эмес, учурда кыргыз бийлиги негизсиз маалымат берүүдө" деген билдирүү таратты. Беш барактан турган кенен билдирүүдө "Кумтөр кенин биз жетектеп жатканда, ал айлана-чөйрөнү коргоо, коопсуздук жана инженердик камсыздоо жаатындагы эң жогорку эл аралык стандарттагы, дүйнөлүк деңгээлдеги объекти болуп саналып, Кыргызстандын экономикасына 4,48 миллиард доллардан ашуун каражат кошкон", - деп айтылат. Читать дальше...

Румыниянын парламенти Флорин Кыцу жетектеген өкмөткө ишенбөөчүлүк көрсөтүп, толук курамы менен кызматтан кетирди. Бул демилгени румын парламентинин 281 депутаты колдоду. Буга чейин өкмөткө ишенбөөчүлүк көрсөтүү демилгесин парламентте Румыниянын Социал-демократиялык партиясы көтөргөн. Аны кийин Румынияны сактоо союзу менен Румындар биримдиги үчүн альянсы колдоп чыккан. Румынияда саясий кризис премьер-министр Флорин Кыцу юстиция министри Иона Стелиананы кызматынан алгандан кийин, быйыл сентябрь айында эле башталган болчу.

Айрым партиялар менен кыймылдар "Намыс жана Тартип" коалициясын түзүп, парламенттик шайлоого бирге бармай болду. Коалицияга "Ар-Намыс", "Улуттар" биримдиги", "Кыргызстан Элдик-Демократиялык саясий партиясы" жана "Мекендештер", "Элдик көзөмөл", "Көзөмөл" "Мекен сакчысы" кыймылдары кирген. Бул маалыматты "Ар-Намыс" партиясынын лидери Феликс Кулов "Азаттыкка" тастыктады. Анын айтымында, партия лидерлери Феликс Кулов ("Ар-Намыс"), Мелис Мырзакматов ("Улуттар" биримдиги"), Артур Медетбеков ("Кыргызстан... Читать дальше...

5-октябрда – Ош шаарынын күнү белгиленип, тургундар калаанын 3021 жылдыгын майрамдашты. "Азаттык" Дастан Үмөтбай уулу менен Азамат Алымкулов тарткан сүрөттөр топтомун сунуш кылат.

Кара-Суу районундагы Дыйкан-Кыштак айылынын беш тургуну президентке, УКМК төрагасына даттануу үчүн Оштон Бишкекке жөө жөнөдү. Алар мамлекеттик органдар турак жайын буздуруу чечимин чыгарганын айтууда. Жергиликтүү бийлик тургундардын үйүн буздуруу боюнча чыгарган чечими "мыйзамдуу болгон" дейт. Оштон 1-октябрда борбор калааны көздөй жөө чыккан Дыйкан-Кыштак айылынын тургундары 4-октябрда Жалал-Абадга жеткенин билдирди. Алар сотторго, жергиликтүү бийликке нааразылыгын жазып алышкан. Жүрүшкө чыккандардын... Читать дальше...

"Талибан" кыймылы (Кыргызстанда тыюу салынган уюм) Тажикстан менен Ооганстандын чек арасындагы жоочуларды соңку эки жумада жаңы аскердик техника, курал-жабдык менен камсыздады. Бул тууралуу Тажикстандын коопсуздук күчтөрүндөгү булактар "Эркин Европа/Азаттык" радиосуна билдиришти. Талибдер Ооганстан менен Кытай чек арасындагы уйгур жоочуларды башка аймакка көчүрүшкөнү маалым болду. Тажикстандын Чек ара кызматынын атын атагысы келбеген өкүлү "Азаттык" радиосуна билдиргендей, Ооганстандын түндүгүндөгү... Читать дальше...

Казакстандын туңгуч президенти Нурсултан Назарбаевдин “үчүнчү жубайы” делген Асел Курманбаева жана экс-президенттин чөйрөсүндөгү эки кишинин ысымы “Пандора кагаздары” иликтөөсүндө айтылды. "Уюшкан кылмыштуулукту жана коррупцияны иликтөө долбоору" (OCCRP) ырастагандай, Курманбаева жашыруун офшордук келишимдер аркылуу миллиондогон доллар иштеп тапкан. Pandora Papers иликтөөсүндө айтылган Асел Курманбаева тууралуу эмне белгилүү? 40 жаштагы Асел Курманбаева – “Астана Балет” мамлекеттик театрынын арт-менеджери. Читать дальше...