Новости за 23.10.2021

Украинага америкалык аскердик жардамдын үчүнчү партиясы келди. Бул украин куралдуу күчтөрү үчүн АКШ өкмөтү бөлгөн 60 млн. долларлык жардамдын жыйынтыктоочу бөлүгү. Анда ок дары, танкка каршы жана таамай атуучу куралдар, медициналык жабдуулар бар экенин "Немис толкуну" радиосу кабарлады. "Биз Украинаны НАТОго карай жолдо бараткан, тынч жана эркиндикти сүйгөн өлкө катары көргүбүз келет", - деп сүйлөдү АКШнын Украинадагы аскердик атташеси, полковник Бриттани Стюарт.   Аскердик жардам алуу... Читать дальше...

Түркиянын президенти Режеп Тайып Эрдоган өлкөдөн батыштын 10 мамлекетинин элчилерин чыгаруу боюнча Тышкы иштер министрлигине буйрук берди. Алардын ичинде АКШ, Германия жана Франция дагы бар. Бул тууралуу Daily Sabah гезити жазды. Мындай кадам элчилер мамлекеттик төңкөрүш уюштурууга шектелген филантроп Осман Каваланы бошотууга чакырык таштаганы үчүн жасалган. Стамбулдун прокуратурасы аны 2016-жылы июлда Түркияда көтөрүлүш уюштурууга аракет кылган деп айыптап, камакка алган. Кавалага айып 2013-жылы... Читать дальше...

Садыр Жапаров 23-октябрда журналисттерге басма сөз жыйынын өткөрдү. Төрт саатка жакын созулган маалымат жыйынында 56 редакциянын журналисттеринин ар кыл багыттагы суроолоруна жооп берди. Кыргызстанга президенттик башкаруу формасын киргизген Баш мыйзамды жазган Конституциялык кеңешменин мүчөсү, юрист Айдар Мамбеткадыров президенттин басма сөз жыйынында жабык тема болбогонун белгиледи. "Президенттин сүйлөгөн сөзү маңыздуу болду. Бардык суроолорго качпай жооп берди. Козгоого болбогон тема болгон жок. Читать дальше...

28-октябрда кыргызстандык курьер тартылган "Жакын аралыкта" ("На близком расстоянии") деген орусиялык режиссер Григорий Добрыгиндин фильми экранга чыгат. Тасманын премьерасы быйыл "Кинотавр" фестивалында болгон. Белгилүү орусиялык актриса Ксения Раппопорт менен бир фильмде тартылуу Нурбол Кайратбек уулунун үч уктаса түшүнө кирген эмес. Коронавирус пандемиясы башталып, дүйнөдө карантин киргизилип, элдин баары үйдө отуруп калган маалда Нурболдун жумушу күчөгөн. Ал Москвада буйрутма менен тамак-аш жеткирүүчү компанияда иштечү. Читать дальше...

Крупные оперативно-стратегические учения сил Организации Договора о коллективной безопасности (ОДКБ), которые проходили на территории Таджикистана, были нацелены на отработку антитеррористических действий. Об этом заявил заместитель командующего Центральным военным округом (ЦВО) Евгений Поплавский.

22-октябрда айыл чарба кызматкерлеринин күнүнө карата Бишкек шаарынын эски аянтында “AгроТехЭкспо2021” көргөзмөсү жана “Алтын күз” айыл чарба жарманкеси ачылды. Көргөзмө 24-октябрга чейин болот.

22-октябрда айыл чарба кызматкерлеринин күнүнө карата Бишкек шаарынын эски аянтында “AгроТехЭкспо2021” көргөзмөсү жана “Алтын күз” айыл чарба жарманкеси ачылды. Көргөзмө 24-октябрга чейин болот.

"Сент-Этьен" футбол клубунун күйөрмандары Франция чемпионатынын 11-турунун оюндарынын алдында башаламандык уюштурган.

Кыргыз киносунун 80 жылдыгынын урматына Бишкекте сүрөтчүлөрдүн жана айкелчилердин эмгектери коюлган көргөзмө уюштурулууда. Бул көргөзмөгө кыргызстандык 60 сүрөтчүнүн түрдүү ыкмада тартылган 100дөн ашуун эмгектери коюлган. “Бейне” аттуу көргөзмө 27-октябрга чейин уланат.

Дүйнө чемпионатына Кыргызстандын атынан онго чукул спортчу барган. Азыр үч спортчу медаль алды, анын бирөө Алексей Федосеев.

Өспүрүмдөрдүн, жаштардын жана өзгөчө кыздардын ачык айтылбаган көйгөйлөрүн көтөрүп, билим берүүгө жана калкты агартууга багытталган контент жаратуучу блогерлер "Эже-сиңдилер" берүүсүндө конокто.

24-октябрда Өзбекстандагы атаандаштык жок президенттик шайлоодо 64 жаштагы Шавкат Мирзиёев экинчи мөөнөтүнө шайланып келгени жатат. "Азаттыктын" бул шайлоого арналган атайын берүүсүн угуңуз.

Дүйнөнү булгаган Түркмөнстан Bloomberg кабар агенттигинин 19-октябрдагы көлөмдүү материалында Түркмөнстандагы газ кендеринен бөлүнүп чыккан метан дүйнөгө чоң коркунуч туудуруп жатканы талданган. Аарон Кларк менен Мэтью Кэмпбелл макаласын “Түркмөнстандын кир (булганыч) сыры” деп аташкан. Авторлор адегенде мындан эки жыл мурун абанын булганышына көз салган канадалык компаниянын кызматкерлери жасаган ачылыш тууралуу баяндашкан. Спутниктен тартылган сүрөттөрдө Каспий деңизинин айланасында ылай вулкандарын көрүүгө болот эле. Читать дальше...

Кыргызстан Ооганстандагы этникалык кыргыздарды эки жылдын ичинде толугу менен көчүрүп келүүнү пландап жатат. Бул тууралуу президент Садыр Жапаров 23-октябрда өткөн басма сөз жыйынында "Азаттыктын" журналистинин суроосуна жооп берип жатып билдирди. “Ооганстандагы кыргыздар бизге келебиз деген оюн айтты, кайрылды. Тажикстанга малы менен кирип, бизге келебиз дегенде дароо кабыл алууга даярбыз деп билдирдик. Бирок Тажикстан менен Ооганстандын ортосунда үчүнчү өлкөгө өткөрүп бербөө тууралуу келишим бар экен. Читать дальше...

Кыргызстан бир жылда аскердик техникаларды жаңыртууга жана оңдоого баш-аягы 100 млн. доллар бөлдү. Бул тууралуу президент Садыр Жапаров мамлекеттик резиденцияда өткөн басма сөз жыйынында айтты. "Чек ара кызматына ок өтпөс чопкутталган унааларды алып бердик. Жакында акчасын которуп учкучсуз учактарды алып жатабыз. Орусияга акчасын төлөп берип тик учактар ремонт болууда. Жашырганда эмне 29-апрелде кагылышуу болгондо асманга учуп чыгар бир тик учагыбыз жок эле. Аскердик техникаларбыздын көбү жүрбөйт экен. Читать дальше...

Беларус бийлиги өлкөдө коронавирус менен катталгандардын саны жаңы жогорку чекке чыккандыктан беткап тагынууга милдеттендирбеген чечимин кайра жокко чыгарды. Эки апта мурда өлкө башчысы Александр Лукашенко беткап тагынууну кереги жок чара катары жойгон болчу. COVID-19га чалдыккан бейтаптарды дарылаган медицина кызматкерлери Лукашенконун мындай чечимине нес болуп жатканын билдиришкен. Соңку апталарда Чыгыш Европа өлкөлөрүндө коронавирус менен ооругандар кескин көбөйүп, жетекчилери жаңы чектөөлөрдү киргизишти. Читать дальше...

Жамааттык коопсуздук келишим уюму (ЖККУ) Тажикстандын Ооганстан менен чек арасында бүгүн 23-октябрда кезектеги биргелешкен машыгууларын баштады. Аскерлер ооган жергесинен Тажикстан тарапка согушкерлердин автомашина менен колонна болуп өтүү ыктымалдыгы каралган сценарий боюнча машыгып жатышат. Мындай машыгуулар буга чейин эки жолу өткөрүлгөн. Кийинкиси ноябрь айына пландалып жатканын ЖККУнун расмий өкүлү Владимир Зайнетдинов билдирди. Жалпысынан иш-чарага 4 миң аскер кызматкери жана 500дөн ашуун күжүрмөн машина тартылды. Читать дальше...

Президент Садыр Жапаров Кыргызстанда саясий куугунтук жок деп эсептейт. Бул тууралуу ал бүгүн 23-октябрда жылдык маалымат жыйынында “Азаттык” радиосунун суроосуна жооп берип жатып айтты. Мамлекет башчысы күч органдарына суракка чакыруулардын себеби бар экенин, система жана мыйзамдар иштеп жатканын белгиледи: “Саясий куугунтук эмес. Ар бир адам өзүнүн жасаган ишине жооп бериши керек. “Октябрь окуяларында баарыңар эле бийликти басып албадыңарбы, Ташиев менен Жапаров деле жооп берсин” деген журналисттер барсыңар. Читать дальше...

Бажы кызматынын төрагасынын мурдагы орун басары Райымбек Матраимовду кайра кызматка алып келүү тууралуу мамлекеттин саясаты жок. Бул тууралуу президент Садыр Жапаров басма сөз жыйынында билдирди. "Матраимов 2 миллиард сом бюджетке төктү. Андан сырткары соода борбору, үйлөрүн алып төгүп берди. Ал өз күнөөсүн мойнуна алды. Аны мененджер деп айткандар өзүн блогер деген адамдардын чыгарып алганы болсо керек. Мамлекеттин андай саясаты жок". Буга чейин Жогорку Кеңештин депутаттары Шайлообек Атазов... Читать дальше...

24-октябрда Кыргызстандын аймагында жаан-чачын жаабайт. Батыш тараптан келген шамалдын ылдамдыгы секундасына 4-9 метрге жетет. Абанын температурасы: Чүй облусунда түнкүсүн -1...+4, күндүз 10…15; Талас жергесинде түнкүсүн -2...+3, күндүз 9…14; Баткен, Ош, Жалал-Абад дубандарында ​түнкүсүн 1…6, күндүз 13…18; Ысык-Көл облусунда түнкүсүн -2…+3, күндүз 8…13; Нарын облусунда түнкүсүн -15…-20, күндүз -2…+3; Бийик тоолордо түнкүсүн -1…-6, күндүз 7…12; Бишкекте жаан-чачын жаабайт. Абанын температурасы түнкүсүн 0…2... Читать дальше...

Президенттерди куугунтукка алуу салтын токтотуу керек. Бул тууралуу президент Садыр Жапаров мамлекеттик резиденцияда өтүп жаткан басма сөз жыйынында мурдагы президент Сооронбай Жээнбековдун экс-президент статусу тууралуу берилген суроого жооп берип жатып билдирди. “Экс-президент боюнча калат (Сооронбай Жээнбеков. ред) Биз президенттерди жоопко тартып, куугунтуктап, кубалаган салтты токтотолучу. Ошол үчүн экс-президент дегенди бергем. Чоң кылмыштары деле жок, бирок саясий жоопкерчилиги чоң”. Кыргызстан... Читать дальше...

Президент Садыр Жапаров "Ала-Арча" мамлекеттик резиденциясында өтүп жаткан басма сөз жыйынында Улуттук коопсуздук комитетинин (УКМК) башчысы Камчыбек Ташиев менен достук мамилеси тууралуу журналисттин суроосуна жооп берди. “Экөөбүздүн мамилебиз жакшынакай, эч кандай бузулбайт. 16 жылдан бери жакын таанышпыз, 2005-жылдан бери саясатта бирге келе жатабыз. Саясаттын суугуна тоңуп, ысыгына күйдүк. Баспаган чокту дагы бастык, сууну дагы кечтик. Ошондуктан мамилебиз мындан ары дагы бузулбайт. Биринчи кепилдикти кудай берет, мен 99% кепилдик берем”.

"Сапат" билим берүү мекемесинин башчысы Орхан Инанды кабылган окуяда Кыргызстандын да кемчилиги бар. Бул тууралуу 23-октябрда жылдык маалымат жыйынында журналисттердин суроолоруна жооп берип жатып президент Садыр Жапаров билдирди: “2016-жылдан бери 2-3 жолу аракет кылышкан экен. Биз бийликке келгенге чейин эле Ош тараптан алып чыгып, салып бергенге да аракеттер болгон экен. Биз келгенден кийин да акыркы жолу болгон. Өзүн чакырып, айтып... Өзү да билет экен. “”Ооба. Аркамдан жүрөт. Уурдап кетебиз... Читать дальше...

Президент Садыр Жапаров Тажикстан менен чек араны тактоо иши жүрүп жатканын маалымат жыйынында билдирди. Президенттин айтуусунда, Тажикстан менен талаштуу үч маселе болууда. “Мен чек араны бүгүн кол коюп чечкенге даярмын. Бирок ал бизден көз каранды болбой жатат. Чек ара маселеси оюнчук маселе эмес экен. Ооба, апрель айында Тажикстан менен кагылышууда 36 жараныбыз өлдү. Бул 30 жылдан бери чечилбей келе жаткан маселе. Өзбекстан менен чек арабызды тактап алып анан Тажикстанга өтөлү дегенбиз. Ал жерде үч талаштуу маселе бар. Читать дальше...

Жогорку Кеңештин мурдагы төрагасы, акын, илимпоз жана ишкер Чыныбай Турсунбековду эскерүү кечеси өтүүдө. Абдылас Малдыбаев атындагы опера жана балет театрында өтүп жаткан иш-чарага белгилүү саясатчылар, коомдук ишмерлер катышууда. Эскерүүгө келген замандаштары коомдук ишмердин жасаган эмгегин белгилеп кайрылуу жасаса, өнөр адамдары анын жазган ыр саптарын окуп, обондуу ырларын аткарышты. Парламенттин мурдагы төрагасы, депутат Чыныбай Турсунбеков 2020-жылдын июль айында 60 жаш курагында дүйнөдөн кайткан. Читать дальше...