Новости за 26.10.2021

Президент Садыр Жапаров 25-октябрда өзүнө караштуу Коррупцияга каршы ишкердик кеңештин курамын бекитти. Буга байланыштуу аталган кеңештин баш катчысы Нурипа Муканова "Азаттыкка" маек курду. Ал кеңештин алгачкы жыйынга чогулганда каралчу негизги маселелердин бири жер тилкелерин трансформациялоого байланыштуу жагдай болорун билдирди. Ошондой эле паракорчулукту ооздуктоо үчүн стратегия жазылып жатканын маалымдады.

27-октябрда балдар жана аялуу жаштар арасында "Адам сатуунун алдын алуу жана ага каршы күрөшүү боюнча социалдык өнөктөштүктү чыңдоо” аттуу тегерек стол өтөт. Талкууга президенттин балдардын укуктары боюнча ыйгарым укуктуу өкүлү Жыпара Рысбекова, Эмгек жана социалдык өнүгүү министрлигинин, прокуратуранын, Ички иштер министрлигинин, эл аралык жана бейөкмөт уюмдардын өкүлдөрү катышат. Расмий маалымат боюнча Кыргызстанда кулчулукка сатылгандардын көпчүлүгү мигранттар. Өлкөдө бир жылда жарандардын... Читать дальше...

Ирактагы атайын лагерлерден мекенине кайтарылган балдар бакчага жана мектепке бара баштады. Бишкекте жана Чүйдө тамакка ууланып, эки күндөн бери дарыгерлерге кайрылгандар 179га жетти. Украинада эпидемиологиялык абал курчуп баратат.

Ирактагы атайын лагерлерден мекенине кайтарылган балдар бакчага жана мектепке бара баштады. Бишкекте жана Чүйдө тамакка ууланып, эки күндөн бери дарыгерлерге кайрылгандар 179га жетти. Украинада эпидемиологиялык абал курчуп баратат.

Орусиянын Өзгөчө кырдаалдар министрлиги билдиргендей, жарылуу Татарстандын Набержные Челны шаарындагы беш кабаттуу турак жайда 25-октябрга караган түнү болгон. Андан 22 жаштагы аял каза тапты, алты батир кыйрап, 32 адам эвакуацияланган. Жарылуу тартылган видеодо жогорку эки кабаттын чатыры жана бир бөлүгү урап түшкөнүн көрүүгө болот. Урандылар жакын жердеги имараттарга жана көчөдөгү автоунааларга зыян келтирген. Окуя боюнча Тергөө комитети кылмыш ишин козгоду. Газдын жарылуусу Орусияда түтүктөрдүн жана инфраструктуранын эскиргенинен... Читать дальше...

Быйыл 16-сентябрь күнү Тажикстандын Жийделик айылына жакын жерден кармалган Кыргызстандын жараны Саидакмат Артыковдун туугандары маалымат жыйын өткөрүштү. Алар тууганын бошотууга жардам берүүнү өтүнүп, кыргыз бийлигине кайрылуу жасашты. Алардын айтымында, Саидакмат Артыков Тажикстандын аймагындагы Жийделик айылында туулуп, чоңойгон. Кийин Кыргызстандын жарандыгын алып, туулган айылына барып келип турган. 15-сентябрда күйөө баласынан кабар алуу үчүн коңшу өлкөгө барып ошол боюнча чыккан эмес. Жакындарынын айтымында... Читать дальше...

Жалал-Абад облусунун Сузак райондук Ички иштер башкармалыгы Барпы айылындагы үй-бүлөгө атайын кызматтын башчысы Камчыбек Ташиев ачкычын тапшырган үй жеке ишкер тарабынан курулганын билдирди. Сузак райондук милициясы тараткан маалыматка ылайык, жеке ишкер Абдимиталип Мамытов жана айыл тургундары муктаж болгон Муратовдордун үй-бүлөсүнө төрт бөлмөлүү үй куруп беришкен. Камчыбек Ташиев ошол учурда айылда болгондуктан үйдүн ачкычын тапшырууну суранып кайрылышкан. Буга чейин социалдык тармакка Камчыбек... Читать дальше...

Түркия Батыштын он элчисин өлкөдөн чыгаруудан баш тартты. Бул тууралуу түрк лидери Режеп Тайып Эрдоган Анкарадагы маалымат жыйынында билдирди. Буга чейин Канада, Франция, Финляндия, Дания, Германия, Голландия, Жаңы Зеландия, Норвегия, Швеция жана АКШнын элчилери Түркиянын ички иштерине кийлигишпей турганын Твиттер баракчалары аркылуу жазышкан. Түркиянын президенти Режеп Тайып Эрдоган 23-октябрда Тышкы иштер министрлигине батыштын он элчисин өлкөдөн чыгарууну тапшырган. Жогорудагы мамлекеттердин... Читать дальше...

Түркия менен Азербайжандын президенттери Режеп Тайып Эрдоган менен Илхам Алиев Тоолуу Карабакка жакын Физули шаарында жаңыдан курулган эл аралык аэропорттун ачылышына катышты. Эл аралык аба майданы сегиз айда, эң кыска мөөнөттө курулуп, бүткөрүлдү. Ал былтыр 44 күндүк согуштан кийин ноябрь айында кол коюлган элдешүү келишиминин алкагында Бакунун көзөмөлүнө өткөн Тоолуу Карабак менен чектеш райондун борбору Физули шаарында жайгашкан. Аэропорттун бир конуу тилкеси бар, анын терминалы 200 жүргүнчүгө ылайыкталган. Читать дальше...

Кыргызстан 31-октябрда Шотландиянын Глазго шаарында өтө турган Бириккен Улуттар Уюмунун алкактык конвенциясына улуттук милдеттенмени сунуштайт. Бул тууралуу БУУнун Кыргызстандагы өкүлчүлүгү кабарлады. 26-октябрда тышкы иштер министринин орун басары Азизбек Мадмаров, Климаттык каржылоо боюнча борборунун директору Дастан Абдылдаев, Улуу Британиянын Кыргызстандагы элчиси Чарльз Гаррет жана БУУнун Өнүктүрүү программасынын туруктуу өкүлү Луиз Чемберлендин катышуусу менен Конвенцияга сунушталчу "Улуттук... Читать дальше...

Түштүк Кореянын тарыхында алгачкы жолу демократиялык эркин атаандаштыктагы шайлоону жеңип президент болгон Ро Дэ У 89 жаш курагында Сеулдун госпиталында узакка созулган оорудан кайтыш болду. Ал расмий түрдө жеке коррупциялык иши үчүн кечирим сурап, улуттук телеберүүдөн сүйлөгөн. Андан соң ал пара алганы жана аскердик төңкөрүшкө катышканы үчүн 25 жылга эркинен ажыратылган. Анын өлүмү тууралуу Рёнхап агенттиги кабарлады. Ро кесиби боюнча аскер адамы. Ал 1953-жылы корей жана вьетнам согуштарына катышкан. Читать дальше...

Кыргызстандын Акыйкатчысынын кеңсеси жана USAID уюму жарандарга акысыз юридикалык жардам берүү боюнча кызматташтыкты бекемдейт. Жарандарга укуктук жардам көрсөтүү боюнча 115 шыр байланыш кызматын колдоо, юридикалык көмөк көрсөтүү мүмкүнчүлүгү кеңейтилет. Бул максатта Омбудсмен институту, USAID уюмунун "Жигердүү жарандар" долбоору жана "Фергана өрөөнүнүн чек арасыз юристтери" коомдук бирикмеси ортосундагы өз ара түшүнүшүү меморандумуна 26-октябрда кол коюлду. 2021-2022-жылдар аралыгында 115 байланыш... Читать дальше...

Нидерланддардын Апелляциялык соту Крым жарым аралын Орусия аннексиялап алгандан кийин 2014-жылы Голландиядагы музейге убактылуу сактоого берилген байыркы артефакттардын кенчине ээлик кылуу укугу боюнча ишти карады. Алардын арасында “скифтердин алтыны” деген жалаң алтындан жасалган баш кийим экспонат дагы бар. Экспонаттардын ар бири бир килограммдан ашуун таза алтындан турат. Бул байыркы артефакттардын үчөө Крымдагы музейлерден жана бирөө Киевдеги музейден алынып, Амстердамдагы Аллард Пирсон атындагы музейдин көргөзмөсүнө коюлган болчу. Читать дальше...

Казакстан Ооганстандагы мурдагы бийликтин учурунда сот, тергөөчү, депутат сыяктуу мамлекеттик кызматтарда иштеген аялдар жана алардын үй-бүлө мүчөлөрү үчүнчү өлкөгө чыгып кетүү үчүн транзиттик коридор менен камсыздоо маселесин чечти. Бул тууралуу Казакстандын тышкы иштер министрлигинин маалымат кызматы кабарлады. "Казакстан гуманитардык тармактагы эл аралык милдеттемелерди аткарууга ынтызар экенин эске алуу менен мамлекет башчысы ооган аялдарына жана алардын үй-бүлө мүчөлөрүнө транзиттик коридор берүү чечимин кабыл алды"... Читать дальше...

Ички иштер министрлигинин Баңгизаттарды мыйзамсыз жүгүртүүгө каршы күрөшүү кызматынын Баткен облус боюнча башкармалыгы тарабынан баңгизатын саткан чет элдик жаран кармалган. Шектүү Баткен облусунун Жаштык айылынын аймагында Тажикстан менен чектешкен башкы жолдо баңгизаттарды жеткирүүнү уюштуруп, сатууну көздөгөн. Бул тууралуу аталган министрликтин маалымат кызматы билдирди. Ыкчам иликтөө иш-чаралары маалында кармалган киши Тажикстандын жараны экени аныкталган. Тинтүү учурунда жанынан 9,5 килограмм... Читать дальше...

Украинада коронавирус инфекциясына байланышкан эпидемилогиялык абал күндөн-күнгө начарлап баратат. 26-октябрдагы маалыматка караганда, бир суткада COVID-19 илдетинен 734 киши кайтыш болду. Бул бир күндүк эң жогорку көрсөткүч. Орусияда медкызматкерлер тартыш болуп жатат.

Дүйнөдөгү аялдардын коопсуздугу жана бакубаттыгы боюнча глобалдык индексте (WPS) Кыргызстан аялдар үчүн Борбор Азиядагы эң кооптуу өлкө экенин көрүүгө болот. Дүйнөдөгү аялдардын коопсуздугу жана бакубаттыгы боюнча глобалдык индексте Кыргызстан 97-орунга түштү. Аялдар үчүн өтө кооптуу өлкөлөрдүн катарында Ооганстан, Сирия, Йемен, Пакистан жана Ирак бар. Финляндия, Норвегия, Дания менен Люксембург аялдар үчүн эң коопсуз өлкөлөр деп табылган. Аталган индекске 170 өлкөдөгү аялдардын абалы камтылган. Читать дальше...

"Талибан" (Кыргызстанда ишмердигине тыюу салынган) Ооганстанда бийлигин орнотуу учурундагы башаламандыкта кыргызстандыктарды Кабулдан Бишкекке кайтаруу иштерин жүргүзгөн элчиликтин кызматкери Нурлан Орузбаев мекенине эс алууга келди. Ал ооган элинин бүгүнкү жашоосу, мекендештерди үйүнө жөнөтүүдөгү тобокелчиликтер тууралуу маек курду. - Ооганстанды "Талибан" башкарып жатканына эки жарым айдай болуп калды. Бүгүн акыбал, элдин турмушу кандай? Адегенде, ошол тууралуу кеп кылалы. - Азыркы учурда Ооганстанда... Читать дальше...

Кыргызстанда кайрадан Санариптик өнүктүрүү министрлиги деген мекеме түзүлдү. Бүгүн, 26-октябрда президент Садыр Жапаров өзүнүн буга чейинки айрым чечимдерин өзгөртүү тууралуу жарлыкка кол коюп, Министрлер кабинетинин курамына Санариптик өнүктүрүү министрлигин кошту. Мамлекет башчынын маалымат кызматы билдиргендей, министрлик санариптештирүү жана электрондук башкаруу жаатындагы мамлекеттик саясатты иштеп чыгуу жана жүзөгө ашыруу менен алектенет. Министрдин милдетин аткаруучу болуп буга чейинки жетекчиси Дастан Догоев дайындалды. Читать дальше...

Казакстандын соту жарандык активист, “тыюу салынган уюмга мүчө болуу” деген берене менен соттолгон Уласбек Ахметовдун жазасын катаалдаштырды. Бул тууралуу Казакстандын адам укугу бюросу кабарлады. Алматы шаардык сотунун аппеляциялык коллегиясы Ахметовду жатак абактан катуу тартиптеги түрмөгө которуу жана жаза мөөнөтүн эки айга узартуу боюнча прокуратуранын өтүнүчүн канааттандырды. Жарандык активист Уласбек Ахметов жана аны менен бирге түрмөгө түшкөн 13 адам буга чейин БУУнун адам укугу комитетине... Читать дальше...

Быйылкы күздүн көркү өзгөчө. Айланадагы алтын түс суктандырып, ошол эле учурда кусалантат дагы.

Октябрдын аягы - күз Бишкекти кызгылт сары түскө боёп турган кез.

26-октябрда Жалал-Абад шаарында Баткен согушу аяктаганынын 21 жылдыгы белгиленди. Согушта курман болгондорду эскерүү иш-чарасына калаа жетекчилиги жана Баткен согушунун ардагерлери, апаатта каза болгондордун жакындары катышты. Баткен согушуна Жалал-Абад шаарынан 84 жоокер барып, 12си курман болгон. Жергиликтүү бийлик жыл сайын алардын үй-бүлөсүнө акчалай жардамын берип келет. Быйыл бул максатта шаар казынасынан 84 миң сом акча бөлүндү. «Өзбекстан ислам кыймылынын» (ӨИК) террордук согушкерлери... Читать дальше...

Пакистан менен Кытайдын лидерлери 26-октябрда эл аралык коомчулукка биргелешкен кайрылуу жасап, алдыдагы кышта азык-түлүк жана дары-дармек тартыштыгына дуушар болгон Ооганстанга тез арада гуманитардык жана экономикалык жардам көрсөтүүгө чакырды. Билдирүүдө Пакистандын премьер-министри Имран Хан менен Кытайдын төрагасы Си Цзиньпин телефон аркылуу сүйлөшүп, Ооганстандагы кырдаалды талкуулап, ал жакта жашаган адамдардын тартып жаткан азабын жеңилдетүү менен туруксуздуктун алдын алуу маселесин сүйлөшкөнү жазылды. Читать дальше...

Грек-рим күрөшүнөн Россиянын капитаны өзүнүн Instagram баракчасына Айсулуу менен түшкөн сүрөтүн коюп, аны "Кыргызстандын сыймыгы!" деп атаган.