Заев очекува кристално чиста препорака од ЕК
![Заев очекува кристално чиста препорака од ЕК](https://gdb.rferl.org/4FB2119E-66F2-4560-AE5D-FD106D08CC6C_cx52_cy4_cw45_w800_h450.jpg)
Премиерот Зоран Заев изјави дека е факт оти го сработиле очекуваното и Македонија навистина заслужува кристално чиста препорака од Брисел во пресрет на објавувањето на извештајот на Европската комисија за напредокот на земјата. Тој по завршувањето на денешното судско рочиште за „Поткуп“ порача дека му се важни зборовите во препораката, кои за нив ќе бидат охрабрување или спротивното. Според него, тоа е важно и за граѓаните и за сите вклучени во реформските процеси.
„После оваа препорака Македонија продолжува со реформите. И навистина ако биде потврдено тоа што е сработено, очекуваме да добиеме кристално чиста препорака. Верувам дека заслужено ќе ја добиеме и тоа ќе биде дополнителна мотивација да продолжиме понатаму со реформите“, изјави Заев.
По објавување на извештајот во посета на Македонија ќе дојдат високата претставничка за надворешна и безбедносна политика Федерика Могерини и еврокомесарот Јоханес Хан.