Новости за 20.04.2018

Владата преземала некои мерки за истражување, гонење и казнување на претставници кои извршиле злоупотреби, вклучително полицајци виновни за употреба на прекумерна сила, но „неказнивоста останува широко распространет проблем“, се наведува во најновиот извештај на Стејт департментот на САД за почитувањето на човековите права во 2017 година

Нај значајни прашања во однос на човековите права во Македонија се во насока на извештаите за тортура од страна на затворските чувари, мешањето во приватноста, насилството против новинарите, недостаток на независност во судството и насилството против лицата на ЛГБТИ заедницата, се вели во новиот извештај на Стејт департментот на САД почитувањет на човековите права земјава во 2017 година. Во извештајот во кој се проучени практиките за почитувањето на човековите права на 200 земји, во однос на Македонија... Читать дальше...

Повеќе од 180 луѓе се уапсени во ерменскиот главен град Ереван, соопштија властите, откако полицијата се обиде да ги запре поддржувачите на опозицијата да ги блокираат улиците во протестот против изборот на поранешниот претседател Серж Саркисијан за премиер. Илјадници демонстранти денеска осми ден по ред излегоа на улиците на главниот град противејќи се на како што велат, обидот на Саркисијан обидот да го задржи своето влијание врз власта по неговото десетгодишно владеење како претседател кое заврши пред две недели.

Демократската партија на САД поднесе тужба против руската Влада, изборната кампања на претседателот Доналд Трамп и организацијата Викиликс, обвинувајќи ги за заговор за нарушување на претседателската изборна кампања на САД во 2016 година и за наколонување на изборите кон Трамп. Во тужбата, поднесена денеска во федералниот окружен суд во Менхетен, се тврди дека високи претставници на кампањата на Трамп биле во заговор со руската Влада и нејзината агенција за шпионирање, да и наштетат на претседателската... Читать дальше...

Турскиот Парламент денеска го одобри предлогот на претседателот на Турција Реџеп Тајип Ердоган за одржување предвремени претседателски и парламентарни избори на 24 јуни.  Предлогот на Ердоган го поддржа 386 пратеници од сите политички партии, со исклучок на членовите на курдската Народна демократска партија (ХДП), кои ја напуштија собраниската сала пред гласањето.  Редовен термин за одржување на изборите беше ноември 2019 година.

Киргистанскиот Парламент го потврди назначувањето на Мухамедали Абилгазиев на премиерската функција по еден ден откако беше соборен сојузникот на поранешниот претседател Алмазбек Атамбаев. Во новиот кабинет на Абилгазиев има нови функционери, но и дел од претходната влада на Сапар Исаков. Претседателот Соронбаи Јиенбеков ја распушти владата на Исаков откако пратениците не и изгласаа доверба.

Дваесетина дена по објавувањето на соопштението на Министерството за култура, во кое се известува за поништувањето на Конкурсот за откуп на нови композиции за 2017 година, со реакција се јави група македонски музички автори. Тие бараат да се преиспита одлуката и Министерството да ги преземе обврските пропишани во конкурсот.

Министерката за одбрана Радмила Шекеринска од 26 април до 2 мај ќе престојува во официјална посета на Соединетите Американски Држави. Посетата се реализира на покана на секретарот за одбрана на САД Џејмс Матис со кого таа ќе се сретне на први мај. Ова е прва посета на вакво високо ниво по 2012 година, а од министерството за одбрана велат дека особено е важно што таа се случува пред престојниот состанок на министрите за одбрана на земјите-членки на НАТО и самитот на Алијансата во јуни. Покрај со Матис... Читать дальше...

Романскиот претседател Клаус Јоханис упати остри критики за плановите на владејачката партија за преместување на амбасадата на земјата во Израел од Тел Авив во Ерусалим. Неговиот кабинет соопшти дека Јоханис не бил консултиран ниту информиран во процесот. Шефот на Социјалдемократската партија Ливиу Драгнеа изјави дека одлуката за преместување на амбасадата била донесена и оти процедурите се во тек. Според Јоханис, одлуката не била заснована врз цврста и широка анализа.

Портпаролот на Владата, Миле Бошњаковски на денешната прес-конференција потврди дека до крајот на месецот ќе има нова средба на шефовите на дипломатиите на Македонија и на Грција, Никола Димитров и Никос Коѕијас. Но, тој истакна дека датумот за средбата се уште не е утврден. „Се уште сме големи оптимисти, како што најавија и премиерот и министерот за надворешни работи на Република Македонија, бараме и очекуваме да најдеме решение што ќе биде достоинствено за сите граѓани“, изјави Бошњаковски. ... Читать дальше...

Неколку еколошки здруженија испратија допис до премиерот Зоран Заев во кој бараат да се прогласи мораториум на сите крајбрежни и урбани трансформации во Охридскиот регион. Еколошкото здружение „Фронт 21/42“, граѓанската иницијатива „Охрид SOS“, и Центарот за истражување и информирање за животната средина „Еко-свест“ се повикуваат на извештајот на Реактивната мониторинг мисија на УНЕСКО и Комитетот за светско наследство на УНЕСКО од 2017 година во која се препорачува таква мерка. Според организациите... Читать дальше...

Голем дел од центарот на Берлин, вклучително и главната железничка станица беа евакуирани денеска со цел да се деактивира бомба од Втората Светска Војна. Полицијата ги евакуирала сите згради во радиус од осумстотини метри, а во прекин е и градскиот сообраќај во тој реон. Британската бомба тешка 500 килограми беше откриена за време на изведување на градежни работи во зграда во текот на оваа недела. По повеќе од 70 години од крајот на војната во Германија се уште се пронаоѓаат повеќе од 2000 тони на бомби и муниција секоја година.

По сликите на насилство меѓу ученици, кои ја загрижија јавноста, психолози и социјолози велат дека тоа е аларм за општеството. Тие велат дека одговорност треба да има и препорачуваат семјството и училиштето поактивно да се вклучат во воспитување на децата.

Претседателот Ѓорге Иванов денеска изјави дека вистинскиот збор што му е најпотребен на регионот во полето на безбедноста е партнерство што се постигнува со градење доверба заради веродостојни податоци, заеднички операции и заштита на информацијата. Тој на отворањето на состанокот на директорите на Агенциите за разузнавање од земјите учеснички во Процесот Брдо-Бриони во Скопје истакна и дека иднината на регионот е во Европската Унија, но од некои земји членки има мешани пораки за замор од проширувањето. Читать дальше...

Ерменската полиција уапсила најмалку 65 демонстранти кои ги блокираат улиците низ главниот град Ереван против назначувањето на поранешниот претседател на државата Серж Саркисјан на премиерската функција. Протестите се одвиваат осми ден по ред. Вчера над 100 демонстранти кои се обидуваа да го блокираат влезот во владината зграда беа уапсени по судирите со полицијата. Опозицијата го обвинува Саркисијан, кој долго време беше претседател на Ерменија дека го променил политичкиот систем на земјата од... Читать дальше...

Неделникот Фокус пишува дека Македонија повторно тргна кон Европа преку Софија, но и преку Атина, па прашува - Ќе стигне ли конечно во Брисел?. Капитал го анализира спорот со Грција за името и пишува дека за Грците е многу битно да имаат стабилен северен сосед.

Претседателот на грчкиот Парламент, Никос Вуцис изјави дека е во интерес на неговата земја изнаоѓање заемно прифатливо решение за спорот за името, заведено во Уставот и за севкупна употреба. Според него, со тоа ќе се гарантира и ќе се охрабрува една нова ера во односите на народите, не само во економијата, туку и во сите прашања што ги засегаат. Тој при поздравното обраќање на промоцијата на книгата „10+1 прашања и одговори за македонското прашање“, порача дека било загубено драгоцено времево минатото за решавање на спорот. Читать дальше...

Рускиот министер за надворешни работи Сергеј Лавров сугерираше дека неговата земја можеби ќе го снабди режимот на сирискиот претседател Башар ал Асад со ракетен одбранбен систем со висока прецизност С-300. Тој во интервју за новинската агенција РИА порача дека Русија во минатото не го направила тоа поради противењето на западните земји. Според него, во услови на воздушните ракетни напади врз Сирија, неговата земја повеќе нема морална обврска да се држи до ветувањето. САД, Британија и Франција истрелаа... Читать дальше...

Нова средба на шефовите на дипломатите на Македонија и на Грција Никола Димитров и Никос Коѕијас со медијаторот на ОН Метју Нимиц ќе се одржи на 25 април во Виена, јавија грчки медиуми. Се уште нема официјална потврда или демант за средбата. Медиумите објавуваат дека многу веројатно е новите разговори да се однесуваат на временскиот период за решавање на спорот за името.  Коѕијас за време на посетата на Охрид истакна дека со Димитров ќе оствари средба на 3 и 4 мај во Солун, како и една недела подоцна во Сунио... Читать дальше...

Американските власти го повикаа новиот претседател на Куба Мигел Дијас Канел да ја оконча „репресијата“ на островот, осудувајќи ја „недемократската транзиција на власт“ во таа земја. „Разочарани сме што кубанската влада избра да ги замолчи независните гласови, да го задржи репресивниот монопол на моќта и да не му дозволи на сопствениот народ слободни, фер и мирни избори“, изјави портпаролката на Стејт депратментот Хедер Ноерт. Канел е избран за наследник на кубанскиот претседател Раул Кастро со што... Читать дальше...

Процесот за решавање на спорот за името е од исклучителна важност за идната стабилност на земјата и регионот, вели амбасадорот на Полска во Македонија, Јацек Мултановски. Експерти велат дека со зголеменото руско влијание, ќе расте и поддршката на Западот за решавање на прашањето за името.

Европскиот комесар за економски прашања Пјер Московиси ја исклучи можноста од евентуално продолжување на финансиската помош на Грција, Тој оцени дека нема сомневање и неизвесност за крај на програмата за помош ова лето. „Датумот 20 август останува во сила“, изјави Московиси по пролетното заседвање на ММФ во Вашингтон. Неодамна германскиот весник „Зидојче цајтунг“ пренесе дека кредиторите планирале продолжување на програмата за финансиска помош на Грција. Оваа земја од 2010 година мина низ неколку програми на ММФ.

Русија нема да предложи да биде домаќин на очекуваната средба меѓу американскиот претседател Доналд Трамп и севернокорејскиот лидер Ким Џонг Ун. Ова денеска го изјави шефот на руската дипломатија Сергеј Лавров. Претседателот Трамп претходно рече дека се подготвувала негова средба со Ким Џонг Ун со цел да бидат намалени тензиите на Корејскиот полустров. Ваквата средба, според Лавров, би била чекор подалеку од воено решение на ситуацијата.

Фондацијата „Отворено општество“ на Џорџ Сорос ќе ја затвори канцеларијата во Будимпешта и ќе се пресели во Берлин, пишува австрискиот весник „Ди Пресе“. Унгарскиот премиер Виктор Орбан ја нападна работата на американскиот милијардер со унгарско потекло, обвинувајќи го за мешање во внатрешните работи на земјата и за помагање на опозицијата. Орбан се залага за построга легислатива за работата на невладините организации, потег што е критикуван од меѓународната заедница.

Двете Кореи, пред самитот на нивните лидери следната недела, разговараат за мировен договор кој би можел и официјално да стави крај на воената состојба. Таа технички трае по Корејската војна од 1950 до 1953 година која заврши со примирје, но не и договор.