Новости за 16.04.2018

Српскиот претседател Александар Вучиќ вели дека решението за Косово нема да биде безболно за Србите. „Работите треба да се решаваат со дијалог и со каков и предлог да излезам ќе бидам дочекан на нож, а за секое решение мора да победите на референдум во својата земја“, рече Вучиќ. Тој вели дека планира својата платформа да ја изнесе на крајот на април, но не е сигурен дека така и ќе биде. Вучиќ вели дека не е за тоа конфликтот да се држи замрзнат и да се чека подобро време, оти како што вели не... Читать дальше...

Министерот за надворешни работи, Никола Димитров се надева на иста препорака за отпочнување преговори за членство во Европската унија. Тој вечерва се обрати пред учесниците на регионалната конференција по повод 10-годишнината од формирањето на Европскиот фонд за Балканот што се одржува денеска и утре во Белград. „Во последниот извештај на Фридм хаус за нациите во транзиција беше наведено дека Македонија е земја, кај која е забележан најголем демократски пробив во Европа. Беше кажано земјата е мала... Читать дальше...

Самитот Македонија 2025 е можност за запознавање и вмрежување на претставниците на бизнис секторот од државата со оние од развиените економии.

Лидерите на соседната земја да сфатат дека не може да се преговара преку интервјуа и јавни изјави, изјави шефот на грчката дипломатија, Никос Коѕијас од Луксембург по Советот за надворешни работи на ЕУ. Никос Коѕијас по состанокот со неговите колеги од Унијата, рекол дека освен за ситуацијата во Сирија и нуклеарната програма на Иран, разговарале и за земјите од Западен Балкан, а тој информирал за текот на преговорите со ПЈРМ и со Албанија. „Објаснив каде се наоѓаат нашите преговори со Албанија... Читать дальше...

Земјите-членки на Европската унија сакаат Македонија да добие датум за почеток на преговори најдоцна во јули годинава. Повикувајќи се на дипломатски извори, дописничката на МИА од Брисел, јавува дека бугарското претседателство би сакало датумот да биде доделен во јуни додека со ЕУ се уште претседава Бугарија, но доколку тоа не е можно, најголемиот дел од земјите-членки на ЕУ сакаат датумот да биде доделен најдоцна во јули, под австриско претседателство, „дури и да не е целосно решен спорот за името, но ако е на пат да биде решен“. Читать дальше...

Граѓани и денеска протестираат во општина Ѓорче Петров барајќи безбедни улици за своите деца. Тие втор ден по ред протестираат откако беше прегазено дете на улицата „Борис Сарафов“, која поминува пред основно училиште. Десетгодишното момче има повреди на главата, но е во стабилна состојба. Жителите на оваа општина со години бараат на улицата да се постави соодветна патна сигнализација, оти како што велат по улицата се вози многу брзо и тоа е закана за нивните деца. Од Град Скопје информираа дека набрзо ќе биде поставен семафор.

Мило Ѓукановиќ е новиот претседател на Црна Гора, откако освои 180.274 гласа или 53,9 проценти на вчерашните претседателски избори, соопшти денеска црногорската Државната изборна комисија. Според Комисијата, на изборите гласале 340.462 гласачи, што претставува одѕив од 63,92 отсто.  Шефицата на набљудувачката мисија на ОБСЕ/ОДИХР, Тана де Зулуета изјави денеска дека претседателските избори во Црна Гора протекле мирно со „неколку процедурални неправилности“. Набљудувачите на ОБСЕ/ОДИХР го следеле гласањето на 500 избирачки места. Читать дальше...

По нецели четири години од концертот за деби албумот „Играј“, групата ТЕМПЕРА, во среда на 18 април, во 21 часот, се враќа во скопскиот клуб Станица 26. И не само за да ги промовира четирите нови синглови што ќе се најдат на втората објава планирана за летово, туку и да не потсети колку енергичен и моќен може да биде македонскиот рокенрол кога го свират оние коишто го живеат.

УНИЦЕФ со загриженост ја следи состојбата со насилството врз и меѓу децата во земјата. Неодамнешниот инцидент во кој се вклучени ученици од основното училиште „Гоце Делчев“ во Неготино е неспорен доказ за потребата повторно да се разгледаат начините на кои образовниот систем и целата заедница постапуваат во однос на насилното однесување, истакнува Бенџамин Перкс, претставник на УНИЦЕФ во Македонија. Во писмената изјава за медиумите Перкс наведува дека насилството во училиштата е првенствено одраз на тоа што се случува дома... Читать дальше...

Долниот дом на рускиот Парламент за 15 мај ја закажа седницата на која треба да се разгледува нацрт законот за одговор на американските санкции. Руските власти денеска разговараа за плановите како да им одговорат на Соединетите Американски Држави кои пред 10 дена наметнаа нови санкции за руски тајкуни, безбедносни службеници, политичари и компании, за кои се тврди дека имаат блиски врски со претседателот Владимир Путин. Рускиот предлог-закон за борба против „непријателските дејствија на САД и другите странски држави“... Читать дальше...

На денешното судско рочиште за нападот врз пратеникот Зијадин Села се сослушуваа сведоци. Рочиштето заврши со сведочењето на Игор Јанакиев како сведок на обвинителството. Главната расправа за овој случај ќе продолжи на 18 април.  На сведочењето, Јанакиев рече дека се обидел да го заштити Села од толпата народ. Истакна дека како вработен за обезбедување во МВР, на 27 април бил пред прес-центарот во Собранието и оти заедно со колегите се обиделе да ја спречат топлата да влезе внатре, но оти нивните обиди биле безуспешни. Читать дальше...

Новото договорено сложено име треба да биде и уставно име на соседната земја, рече портпаролот на грчката Влада и министер без ресор на Грција, Димитрис Ѕанакопулос, на денешниот брифинг со новинарите. Тој одговараше на прашањето на дописникот на МИА од Атина во однос на тоа дали Грција би прифатила име што би било само за меѓународна, а не и за внатрешна употреба. „По дефиниција е невозможно. Тоа е контрадикција на терминот, односно не е можно да говориме дека важи за сите и да исклучуваме некој од сите... Читать дальше...

Српскиот министер за надворешни работи Ивица Дачиќ изјави дека ЕУ врз Белград врши континуирано наметнување на обврската за усогласување на надворешната политика во поглед на Русија и приклучување на санкциите. Но, според него, Србијанема да се приклучи кон казнените мерки. Тој порача дека земјата не може така да се однесува кон пријателите, бидејќи тоа не е во нејзин национален интерес.

Ерменските пратеници го номинираа Серж Саркисјан за премиер на земјата и покрај протестите на опозицијата против неговото назначување. Парламентот треба утре да гласа за назначувањето на Саркисјан на функцијата. Саркисјан е поранешен претседател на Ерменија. Опозициски активисти блокираа неколку патишта во Ереван во знак на протест против поставувањето на Саркисјан на премиерската функција.

Премиерот Зоран Заев изјави дека е факт оти го сработиле очекуваното и Македонија навистина заслужува кристално чиста препорака од Брисел во пресрет на објавувањето на извештајот на Европската комисија за напредокот на земјата. Тој по завршувањето на денешното судско рочиште за „Поткуп“ порача дека му се важни зборовите во препораката, кои за нив ќе бидат охрабрување или спротивното. Според него, тоа е важно и за граѓаните и за сите вклучени во реформските процеси. „После оваа препорака Македонија продолжува со реформите. Читать дальше...

Руската амбасада во Македонија денеска на Твитер реагираше дека премиерот Зоран Заев бил погрешно информиран за активностите на протераниот руски дипломат. „Намерно или не, Зоран Заев е погрешно информиран. Протерувањето на нашиот дипломат беше изненадување. Никогаш не сме добиле никакви предупредувања ниту „докази“ за кои зборува премиерот. И натаму сметаме дека овој чин е неоснован и нанесува штета на руско-македонските односи“, напишаа од амбасадата на Твитер. Заев во интервју за телевизијата... Читать дальше...

Генералниот секретар на НАТО Јенс Столтенберг изјави денеска дека воздушните напади врз Сирија кои ги извршија САД, Велика Британија и Франција, ја намалуваат способноста на режимот на претседателот Башар ал Асад да спроведе нови хемиски напади. Според него, со нападите се упатува јасна порака до Асад и до Иран дека употребата на хемиско оружје не е прифатлива и оти сојузниците нема да стојат на страна и немо да набљудуваат.

Во очекување на извештајот на Европската комисија за напредокот на Македонија, работните групи на СДСМ и на ВМРО-ДПМНЕ продолжуваат со усогласување на реформиските закони.

Претстојното објавување на извештајот за напредокот на Македонија од страна на ЕУ, во кој според нашите дописници од Брисел, ќа има препорака за почетокот на преговори, предизвикал бројни коментари од нашите читатели.

Руското државно тело за регулација на медиумите го започна процесот за блокирање на пристапот до Телграм по судската одлука против популарната апликација за пораки од минатата недела. Според соопштението, организацијата ги информирала интернет провајдерите дека тие мораат да го ограничат пристапот до Телеграм. Таквиот чекор ја зголеми загриженоста дека руските власти со таквиот чекор ја ограничуваат слободата на изразување во земјата.

Бегалскиот бран нема да мирува, но според упатените, не се очекува повторување на бегалската криза од 2015 година. Надлежните очекуваат зголемен притисок на граничните премини и апелираат на потребата од постоење на траен систем за заштита.

Високата претставничка за надворешна политика и безбедност на ЕУ, Федерика Могерини изјави денеска дека Западен Балкан претставува стратешки регион за Европа и иако тој се уште не е целосно дел од Унијата, сепак е Европа. Таа порача дека на денешната средба на министрите за надворешни работи на земјите членки на ЕУ во Луксембург ќе бидат разменети мислења за како „подобро да се соработува со партнерите од Западен Балкан за заедничка безбедност и просперитет“. Могерини во наредниот период ќе ги посети Македонија, Албанија, Србија и Црна Гора.

ЕУ денеска за време на затворената средба на Организацијата за забрана за хемиско оружје ги повикала сите земји, особено Русија и Иран да го искористат нивното влијание врз сириските власти со цел да спречат натамошна употреба на хемиско оружје. Организацијата за забрана за хемиско оружје регистрирала повеќе од 390 наводни инциденти за нелегална употреба на отровна муниција во Сирија од 2014 година. Организацијата одржува специјална сесија за нападот со хемиско оружје на 7 април во градот Дума во Сирија.

Рускиот заменик министер за надворешни работи Сергеј Риабков изјави денеска дека неговата земја нема да го одложи усвојувањето на законот кој е одговор на американските санкции. Членовите на долниот дом на Парламентот претходно соопштија дека размислуваат за усвојување на закон со кој ќе му се даде моќ на Кремљ да забрани или ограничи увоз на производи од САД. Според Риабков, властите разговарале за, според нив, злоупотребата на Вашингтон на статусот на доларот како глобална резервна валута.

Опозициски активисти блокираа неколку патишта во главниот град на Ерменија, Ереван во знак на протест против поставувањето на поранешниот претседател Серж Саркисјан на премиерската функција. Демонстрантите исто така блокираа пристап до мост и влезот на метро станица во центарот на градот. Полицијата соопшти дека протестите се нелегални бидејќи им го ограничиле слободното движење на граѓаните.