Новости за 23.04.2018

Работена како прва годинашна претстава на МНТ која е поддржана од Министерството за култура за 2018, во соработка со „Контрапункт“ и со поддршка од општина Центар, утревечер на 24 април, премиерно ќе биде изведена „Дух“ од Дејан Дуковски, во режија на Срѓан Јаниќијевиќ. Според нејзините творци, станува збор за проект преполн со силни емоции и со хумор во кој секој од нас ќе ја почувствува болката, ќе се препознае и ќе сака да стане дел од решението на проблемот со кој живееме.

Висока делегација од истакнати дипломати, предводена од поранешниот генерален секретар на НАТО Лорд Робертсон, утре ќе престојува во Скопје. Делегацијата ќе биде примена од премиерот Зоран Заев, соопшти попладнево неговиот Кабинет. Во делегацијата ќе бидат и Росен Плевнелиев, поранешен претседател на Република Бугарија, Лордот Кристофер Геијд, поранешен приватен секретар на Кралицата на Обединетото Кралство и член на Горниот Дом на британскиот парламент, Роберт Гелбарт, амбасадор и член на Атлантскиот Совет... Читать дальше...

Европскиот комесар за проширување и соседска политика Јоханес Хан истакна дека Европската комисија со Стратегијата за проширување нацртала јасен пат кон посилна и поширока Унија. „Со Стратегијата за проширување зацртавме јасен пат кон посилна и поширока Унија и во детали е наведено што одделни држави мора да направат. Сега на ред е лидерите од тие држави да ја преземат топката и да трчаат со неа,“ наведе Хан претставувајќи го Пакетот проширување пред пратеници од Надворешнополитичкиот одбор на ЕП. Читать дальше...

Британскиот принц Вилијам и неговата сопруга Кејт, војвотката од Кембиџ, денеска го добија своето трето дете. Парот и нивниот син предмалку ја напуштија болницата Св. Марија во центарот на Лондон, по што семејството се упати кон нивната резиденција во Лондон, Кенсингтон Палас. "Би сакале да им се заблагодариме на сите вработени во болницата за грижата и третманот што го добија кралските височества. Исто така, би сакале да им се заблагодариме на сите за нивните топли желби", се вели во пораката на Бакингамската Палата на Твитер. Читать дальше...

Од новиот концесионер на Дебарското Езеро треба да се побара да го забрани стопанскиот риболов во езерото, оти рибниот фонд е намален, велат од риболовното друштво Трофта.

Првиот вицепремиер на Ерменија Карен Карапетјан ќе ја извршува должноста премиер по оставката на Серж Саркијан. Одлуката е соопштена попладнево, по вонредната седница на Кабинетот на министри, со која претседаваше Карапетјан, се вели во соопштението на владината прес-служба. Тој цитираше повеќе закони, меѓу кои и законот за структурата и овластувањата на Владата, според кој доколку премиерот е отсутен или е спречен да ги извршува неговите обврски, неговите работни задачи ги извршува првиот потпретседател. Читать дальше...

Несогласувањата околу нуклеарниот договор меѓу Иран и шест светски сили во 2015 година се очекува да бидат важен дел од државната посета на францускиот претседател Емануел Макрон оваа недела во САД. Макрон денеска пристигна во Вашингтон на тридневна посета додека американскиот претседател Доналд Трамп го постави 12 мај како краен рок за да го подобри или да го укине договорот, со кој Иран ќе добие олеснување од санкциите, за возврат на ограничувањата на нејзината атомска програма. Другите сили во договорот Британија... Читать дальше...

Францускиот претседател Емануел Макрон денеска во телефонски разговор му порачал на неговиот руски колега Владимир Путин дека е посветен на јакнење на дијалогот меѓу завојуваните страни во Сирија. Макрон изразил желба да соработува со Русија заради „кредибилен политички процес“, но и заради „интензивирање на доставата на хуманитарната помош за цивилите“. Тоа е прв телефонски разговор меѓу Макрон и Путин од нападите на Соединетите Држави, Велика Британија и Франција на Сирија на 14 април. Макрон денеска ја започнува официјалната посета на САД... Читать дальше...

Меѓународниот монетарен фонд ќе ја преиспита улогата на развиените земји во корупцијата, ќе го процени економското влијание на слабото управување и ќе даде политички препораки. ММФ соопшти дека истовремено ќе го заостри следењето на корупцијата во земјите на кои дава заеми. „Во рамки на ревидираниот систем за управување ширум светот, ММФ ќе ги оцени областите како што се управување со буџетот, надзорот врз финансискиот сектор, контроли на централните банки, пазарната регулатива и владеењето на правото,“... Читать дальше...

Шефовите на дипломатите на Македонија и на Грција Никола Димитров и Никос Коѕијас на 25 април, в среда попладне ќе имаат состанок со медијаторот на Обединетите нации за спорот со името, Метју Нимиц, потврдија од министерството за надворешни работи и Обединетите Нации. Грчкиот информативен портал Ин минатата недела објави дека новата средба се планира под голема тајност, но индиректно ја поврзува и со изјавата на Коѕијас за радиото 247 дека не може да се постигне договор до јулскиот НАТО Самит. Никола Димитров и Никос Коѕијас... Читать дальше...

Кривичниот совет при Основниот суд Скопје 1 денеска му го укина притворот на Митко Чавков и ја прифати дадената гаранција во недвижен имот како мерка за негово присуство во судската постапка за настаните од 27 април минатата година во Собранието на Република Македонија. Како што се наведува во соопштението од Кривичниот Суд, на Чавков му е одземена патната исправа и има обврска еднаш неделно да се јавува во Судот. Поранешниот министер за внатрешни работи Митко Чавков беше вратен во притвор на 28 март... Читать дальше...

Специјалната јавна обвинителка Катица Јанева шест месечниот извештај на СЈО за периодот од 15 септември до 15 март во среда ќе го презентира пред собраниската Комисија за политички систем и односи меѓу заедниците. Комисијата требаше денеска да расправа за извештајот, но седницата беше прекината, а продолжението е закажано за среда. Освен извештајот на СЈО во среда ќе бидат разгледани и годишните извештаи на Народниот правобранител, на Дирекцијата за заштита на лични податоци, како и на Агенцијата за администрација.

Ерменскиот премиер Серж Саркисјан поднесе оставка од функцијата, која беше објавена на неговата веб страна. Неговата оставка доаѓа за време на протестите на опозицијата и неколку часа по ослободувањето од притвор на лидерот на опозицијата Никол Пашинијан. Опозицијата единаесет денови по ред протестира за повлекување на Саркисјан од функцијата. Саркисјан беше избран на функцијата од ерменскиот Парламент на 17 април откако отслужи два мандати како шеф на државата. Неговиот наследник Армен Саркисјан... Читать дальше...

Рускиот министер за надворешни работи Сергеј Лавров изјави дека властите се уште не донеле одлука за тоа дали да испорачаат ракетен одбранбен систем С-300 на Сирија. Тој за време на посетата на Пекинг истакна дека ќе треба да се почека на одлуката на руското и сириското лидерство. Лавров претходно во интервју за новинската агенција РИА порача дека Русија во минатото не го направила тоа поради противењето на западните земји. Тој порача дека во услови на воздушните ракетни напади врз Сирија, неговата... Читать дальше...

Делницата Демир Капија – Смоквица, која е во должина од 28,2 километри денеска беше пуштена во употреба, при што патувањето на тој потег по автопатот „Пријателство“ ќе се скрати за 25 минути. На свеченоста беше истакнато дека на делницата се очекува годишно да поминат по 730.000 возила, а побрзото и побезбедно патување треба да придонесе за развој на економијата и поголема соработка на регионот и негова интеграција со европскиот пазар. На отворањето на делницата присуствуваа премиерот Зоран Заев... Читать дальше...

Ерменскиот опозициски лидер Никол Пашинијан бил ослободен од притвор и им се приклучил на демонстрантите во центарот на главниот град Ереван. Еден од демонстрантите отворил и шише со вино и му понудил од пијачката на Пашинијан, кој беше уапсен ден претходно по неуспешните разговори со премиерот Серж Саркисјан. Демонстрантите бараат повлекување на Саркисјан од премиерската функција.

Министерот за внатрешни работи, Оливер Спасовски денеска изјави дека мора да бидат максимално одговорни во однос на начинот на кој се трошат парите на граѓаните, одговарајќи на прашање во врска со Извештајот на Стејт департментот во кој се нотира постоење корупција во Македонија на различни нивоа. Според него, ако се земат в предвид бројките, дека за 111 проценти е нотирано зголемување на злоупотреба на службената положба и овластување во однос на претходно, тоа значи дека отвориле широк фронт на борба против корупцијата. Читать дальше...

В среда во Виена најверојатно ќе има нова средба на министрите за надворешни работи на Македонија и на Грција со посредникот во спорот за името Метју Нимиц. Аналитичари се оптимисти за можно решение до јуни.

Потребно е воведување на нов систем кој ќе овозможи независно функционирање на судовите, велат познавачи, додaвајќи дека за тоа клучна е политичката волја. Коментарите доаѓаат по оценките на Стејт департменентот и Европската комисија дека се потребни реформи за обезбедување независност на судството.

Директорот на Телеграм, Павел Дуров повика на нови протести во Русија поради напорите на властите за блокирање на апликацијата за пораки. Дуров кој ја напушти земјата во 2014 поради притисоци им се заблагодари на Русите кои на 22 април фрлаа хартиени авиончиња од нивните прозорци во знак на поддршка на Телеграм. Логото на апликацијата е хартиен авион. „Наредната акција на 29 април в недела“, напиша тој на Фејсбук. Телеграм одбива да сподели податоци за нејзините корисници и покрај барањето на руските власти.

Воениот лидер на босанските Срби Радован Караџиќ ја поднесе жалбата за неговата 40-годишна затворска казна пред судиите на Обединетите нации во Хаг. Тој тврди дека неговата пресуда треба да биде поништена поради правни грешки и бара ново судење. 72-годишниот Караџиќ беше осуден во 2016 година за геноцид, воени злосторства и злосторства против човештвото извршени во поранешна Југославија, вклучително и масакрот во Сребреница во 1995 година. Повеќе од 100.000 луѓе беа убиени, а околу 2.2 милиона... Читать дальше...

Белгискиот суд го осуди Салах Абдесалам, на 20 години казна затвор за обид за терористичко убиство на полицајци за време на престрелката во Брисел во 2016 година. Пресудата не е поврзана со нападите во Париз во 2015 година при кои загинаа 130 лица и за кои исто така е осомничен Абдесалам. Неговиот соработник Софиен Ајари, 24 годишен Тунижанец исто така доби  казна затвор до 20 години за обид на убиство на белгиски и француски полицајци кои извршија рација во нивното засолниште во Брисел во март, 2016 година. Читать дальше...

Кинеските власти соопштија дека 32 кинески туристи, загинале во сообраќајна несреќа во Северна Кореја. Според властите, двајца туристи се тешко повредени. Кинески медиуми објавија видео од автобусот со кој се превезувале туристите. Кина е најголемиот трговски партнер на Северна Кореја. Кинезите се едни од најчестите посетители на изолираната држава.

Иран ја забрани употребата на биткоинот и другите криптовалути во банките и финансиските институции. Одлуката била донесена во декември од страна на владиниот комитет за перење на пари, а сега стапува на сила. Според соопштението, забраната била неопходна поради тоа што сите криптовалути имаат капацитет да бидат употребени за перење на пари и за финансирање на тероризам.

Фановите на РСЕ коментираат за членството на Македонија во ЕУ, за тоа што е подобро за земјата - НАТО или Русија, а коментираат и за тоа каков јавен превоз му е потребен на Скопје.