Новости за 18.04.2018

Вечерва во Скопје се одржа неформална вечера со премиерите на земјите од Западен Балкан. Домаќини се премиерот Зоран Заев и високата претставничка за надворешни работи и безбедносна политика на ЕУ и потпретседателка на Европската Комисија, Федерика Могерини. На вечерата присутни се премиерите на Албанија Еди Рама, на Србија Ана Брнабиќ, на Косово Рамуш Харадинај, на Црна Гора Душко Марковиќ и на Босна и Херцеговина Денис Звиздиќ. Учесниците, како што се наведува во владиното соопштение, на вечерата разговарале за состојбата во регионот... Читать дальше...

Илјадници Ерменци се собраа на плоштадот, барајќи да продолжат со протестите  по изборот на поранешниот  претседател Серж Саркисијан за премиер. На митингот предводен од лидерот на опозицијата, Никол Пашинијан,  полицијата уапси десетици демонстранти додека се обидуваа да ги блокираат улиците и да го прекинат сообраќајот. Полицијата   со штитови застана по улицата во непосредна близина на плоштадот за да обезбеди непречен сообраќај. Демонстрантите одржаа краток протест пред канцеларијата на градоначалникот... Читать дальше...

Товарните возила кои транзитираат низ Битола веќе нема да мора да влегуваат во центарот на градот. После речиси година и половина, обиколницата повторно е пуштена во употреба.

Претседателот Ѓорге Иванов денеска ја прими високата претставничка на ЕУ за надворешни работи и безбедносна политика, Федерика Могерини. Од кабинетот на Иванов соопштија дека на средбата Иванов ја поздрави обновената препорака на Европската Комисија за отворање на пристапни преговори со Македонија "Деблокирањето на интегративните процеси преку одредувањето на датум за почеток на пристапните преговори, позитивно ќе влијае врз реформските процеси и врз целата општествено-политичка состојба во Република Македонија“, соопшти Кабинетот на Иванов. Читать дальше...

Високата претставничка на Европската унија на денешната прес-конференција со премиерот Зоран Заев рече дека може да се слави половина ден, а потоа да се вратат на работа. Таа ја пофали Македонија за постигнатиот успех и добиената препорака за преговори за ЕУ и е оптимист за спорот со Грција.

Со премиерата на новиот македонски игран филм „Година на мајмунот“ од Владимир Блажевски, в четврток, на 19 април, ќе започне 21 Скопски филмски фестивал. На ова издание на манифестацијата ќе бидат прикажани повеќе од 50 филмови, ќе бидат одржани неколку работилници, ќе се случи промоцијата на програмата „Квир фокус“ со филмови што одбиваат да бидат невидливи, се очекуваат и бројни гости, а предвидена е и ретроспектива на големиот Алфред Хичкок.

Шефот на Организацијата за забрана на употребата на хемиското оружје Ахмет Узумку  вели дека останува нејасно кога тимот  од меѓународни експерти може да го посети сирискиот град Дума за да го испита смртоносниот  напад со хемиско оружје. Узумку, го даде својот коментар денеска , откако експертите за безбедност на ОН беа пресретнати со пукање  во градот. Западните држави ја обвинија сириската влада за хемискиот напад на 7 април во Дума, во близина на Дамаск, каде што Светската здравствена организација соопшти дека 43 лица загинаа. Читать дальше...

По инцидентот во српското Собрание, кога лидерот на радикалите Војислав Шешељ ја пцуеше хрватаската делегација и го газеше хрватското знаме, хрватската делегација предводена од претседателот на Саборот, Гордан Јандроковиќ одлучи да го откаже состанок со министерката за европски интеграции Јадранка Јоксимовиќ и се повлече во Амбасадата на Хрватската во Белград. Од Хрватската Влада информираа дека по телефонскиот разговорот на премиерот Андреј Пленковиќ со претседателот на Саборот Гордан Јандроковиќ... Читать дальше...

Премиерот Зоран Заев и високата претставничка на ЕУ за надворешни работи и безбедносна политика, Федерика Могерини денеска во Скопје ќе бидат домаќини на заедничката вечера на лидерите од регионот. На вечерата  ќе присуствуваат премиерите на Албанија, Еди Рама, на Косово, Рамуш Харадинај, на Србија, Ана Брнабиќ, на Црна Гора, Душко Марковиќ, и на Босна и Хрцеговина, Денис Звиздиќ. Некои од премиерите веќе се во Скопје и присуствуваат на Дигиталниот самит, а останатите се очекува да пристигнат подоцна. Читать дальше...

Ја носам добата вест дека ЕК препорача почеток на преговорите за членство. Се вративе назад на добрата патека. Можете да славите и потоа да се вратите на работа,изјави високата претставничка за надворешна политика и безбедност на ЕУ Федерика Могерини на заедничката прес конференција во Владата со премиерот Зоран Заев.  Могерини рече дека времето што е пред Македонија треба да се искористи позитивно и храбро, што се однесува за спорот за името и најавите од Грција дека не може да се реши спорот до јуни. Читать дальше...

Претседателот на Кривичниот суд, Иван Џолев на денешниот брифинг со новинарите изјави дека судот нема законски пропусти во врска со Фејзи Азири, обвинет во случајот „Монструм“. Азири, кој издржува затворска казна за нелегална трговија со оружје во штипскиот затвор од Министерството за правда до 28 февруари добил прекин на издржувањето поради болест. На 21 февруари, како што рече Џолев, Азири поднел барање за продолжување на прекинот на издржување на затворската казна, но до крајот на февруари немало... Читать дальше...

Иран ќе произведува  или ќе купува  оружје кое  е  потребно за  одбрана на регионот од "инвазивни сили", но  нема  да биде на штета на соседите , рече претседателот Хасан Рохани на воената парада во Техеран на Денот на националната армија. "Му кажуваме на светот дека ќе произведеме или ќе купиме  оружје какво што ни треба, и нема да чекаме  одобрување", рече Рохани . "Сакаме пријателски и братски односи со нашите соседи и им кажуваме дека нашето оружје, нашата опрема, нашите проектили, нашите авиони... Читать дальше...

Турскиот претседател Реџеп Тајип Ердоган денеска соопшти дека на 24 јуни во Турција ќе се одржат предвремни претседателски и парламентарни избори. Објавувајќи ја одлуката, Ердоган  рече дека Турција итно треба да се префрли на извршно претседателство. Следните парламентарни и претседателски избори требаше да се одржат во ноември 2019 година. Турција се префрла од парламентарен систем на претседателски, во кој претседателот ќе има поголема моќ. Измените ќе стапат на сила по изборите.

Романското обвинителство официјално го обвини поранешниот претседател Јон Илиеску за злосторства против човештвото тврдејќи дека тој ја дели одговорноста за смртта на повеќе од 1100 лица за време на антикомунистичкиот револт во декември 1989 година. Илиеску, кој има 88 години се појави во обвинителството, но не даде коментар за случајот. Илиеску ја презема власта во земјата на 22 декември 1989 година од комунистичкиот диктатор Николае Чаушеску. Според обвинителството, Илиеску и неговите соработници... Читать дальше...

Претседателот на Европски совет, Доналд Туск од 24 до 28 април ќе ги посети земјите од Западен Балкан. Неговата посета е во рамки на подготовките за Самитот ЕУ-Западен Балкан, што ќе се одржи на 17 мај во Софија. Туск планира да ги посети Македонија, Албанија, Босна и Херцеговина, Косово, Србија и Црна Гора.  Туск во денешниот говор пред Европскиот парламент порача дека пораката е јасна дека ЕУ ќе продолжи да биде најдоверлив партнер во целиот регион. Самитот, според него, би требало да биде потврда за европската перспектива на регионот... Читать дальше...

Американскиот претседател Доналд Трамп потврди дека директорот на ЦИА, Мак Помпео се сретнал со лидерот на Северна Кореја, Ким Џонг Ун во минатата недела и посочи дека во тек се плановите за одржување на самит. „Средбата на Помпео со Џонг Ун во Северна Кореја помина мазно и се формираа добри односи. Деталите за самитот се разработуваат. Денуклеаризацијата ќе биде одлична работа за светот, но и за Северна Кореја“, напиша Трамп на Твитер.

Лидерот на ДУИ, Али Ахмети по денешната средба со еврокомесарот Јоханес Хан изјави дека оценките од извештајот на ЕК за напредокот на Македонија не биле неочекуван успех. Но, според него, тоа треба да ги поттикне сите да дадат поголем придонес во спроведувањето на значајни реформи за почнување на преговори со ЕУ. Тој порача дека со климата што ја имаат создадено и со комуникацијата меѓу власта и опозицијата работите ќе земат правилен тек. Во однос на спорот за името Ахмети порача дека се работи... Читать дальше...

Шефот на грчката дипломатија, Никос Коѕијас во интервју за грчкото радио 247 изјави дека е очигледно оти Македонија во јуни нема да влезе во НАТО. Според него, за да се ратификува евентуален договор за името ќе треба да поминат многу процедури, најпрвин спроведување на референдум, а потоа и негово усвојување во Собранието и тоа ќе трае до есен. Во однос на преговорите тој посочи дека идентитетот е прашање на самоопределување, а за националноста ќе се користи новото име, односно во пасошите ќе стои „државјанин на таа и таа земја... Читать дальше...

Судот денеска донесе одлука да ја одвои постапката за поранешната министерка за внатрешни работи Гордана Јанкулоска, која е обвинета во случајот на СЈО „Тенк“, кој се однесува за набавката на луксузниот мерцедес од 600 илјади евра. Нејзината одбрана претходно го достави лекарското оправдување во кое е наведено дека Јанкулоска имала ризична бременост. Во случајот обвинети се и поранешниот премиер Никола Груевски и поранешниот помошник министер во МВР, Ѓоко Поповски.

Четири лица се хоспитализирани откако ученик ги нападнал со нож во школо во рускиот регион Башкортостан. Локални медиуми јавија дека ученикот кој биле деветто одделение прободел девојче кое скокнало од прозорец на вториот кат за да се спаси и притоа преживеало. Напаѓачот повредил уште две девојчиња и наставник и запалил една училница.

Авторитарниот лидер Илхам Алиев положи свечена заклетва на неговиот четврт мандат како претседател на Азербејџан по лесна победа на изборите кои беа бојкотирани од страна на опозицијата и критикувани од меѓународните набљудувачи. 56 годишниот Алиев стана шеф на државата во 2003 година пред смртта на неговиот татко. Централната изборна комисија соопшти дека Алиев освоил 86,1 процент од гласовите на изборите на 11 април и со тоа обезбеди нов мандат во траење од 7 години. Меѓународни набљудувачи соопштија... Читать дальше...

Македонија е домаќин на првиот Дигитален самит за Западен Балкан 2018 кој се одржува во Скопје. Претставници на владите од регионот, на ЕУ, на невладините организации и бизнис секторот дебатираат за потребата и предностите на дигиталната трансформација на опшествата во современиот живот.

Шефот на македонската дипломатија, Никола Димитров во интервју за францускиот весник „Ла Кроа“ изјави дека во идеално сценарио, решение за спорот со името може да се постигне во наредните два до три месеци. Според него, итноста за решение е диктирана од европскиот воз. Тој порачува дека две европски земји кои споделуваат еден географски регион, треба да можат да најдат достоинствен начин преку кој ќе се прави разлика без да се повреди идентитетот и достоинството на македонскиот народ. Димитров... Читать дальше...

Грчкото министерство за надворешни работи во однос на извештајот на ЕК за напредокот на Македонија денеска соопшти дека реформите и решавање на прашањето за името се главните предуслови за интеграција во ЕУ. Треба да биде јасно, наведуваат од министерството, дека одлуките не ги носи Комисијата, туку Советот на ЕУ каде Грција јасно ги има формулирано своите позиции. Според министерството, Македонија има долг пат којшто треба да го изоди за да го пополни јазот создаден од назадувањето во последните... Читать дальше...

Еден патник загинал, а еден е повреден кога моторот на авион кој патувал од Далас за Њујорк експлодирал и се распаднал во воздухот. Авионот Боинг 737-700 кој превезувал 149 патници итно слетал во Филаделфија. 43 годишната Џенифер Риордан е првата жртва предизвикана од несреќа на американски комерцијален лет од 2009 година.