САД со поддршка за евроинтеграциите на Македонија и решавање на името
„Со Владата работиме на спроведување на судските реформи и владеењето на правото, слободата на медиумите и одговорно владеење. САД остануваат верен пријател и партнер на Македонија и ја подржуваме евроатлантската иднина на земјата“, наведуваат за МИА од Стејт департментот.
САД посочуваат и дека очекуваат разрешување на спорот за името меѓу Грција и Македонија.
„Ги охрабруваме двете земји да демонстрираат потребна флексибилност и креативност за да се најде заеднички прифатливо решение во интерес на безбедноста, економскиот развој и мирот во регионот“, истакнуваат од Стејт департментот.