Српскиот министер Поповиќ бара враќање на прашањето за Косово во ОН
Европската унија не успеа како модератор да донесе успех во преговорите меѓу Белград и Приштина, сега е вистинскиот момент за враќање на прашањето за Косово „таму каде му е местото“ – во Обединетите нации, изјави министерот без ресор во Владата на Србија задолжен за иновации и технолошки развој Ненад Поповиќ.
Поповиќ, кој е дел од српската делегација во Москва, рече дека може да се каже оти преговорите спонзорирани од ЕУ не успеале и дека е неопходно да се реши проблемот со вклучување на САД, Русија и Кина во ОН.
Тој додаде дека Вучиќ веројатно детално ќе го информира Путин за случувањата минатиот викенд во Косово.