Новости за 27.10.2018

Лидерите на Русија, Франција и Германија денеска пристигнаа во Истанбул на самит за Сирија на кој ќе се обидат да ги постават темелите за воспоставување на мирот во таа земја. Турскиот претседател Реџеп Таип Ердоган во улога на домаќин на самитот ги пречека претседателите на Русија и на Франција, Владимир Путин и Емануел Макрон и германската канцеларка Ангела Меркел. За главно несогласување меѓу четворицата лидери се смета поделениот став за сирискиот претседател Башар Ал Асад. Него го поддржуваат Русија и Иран... Читать дальше...

СДСМ денеска на прес конференција покажа документи со кои, како што тврдат, се докажувало дека лидерот на опозициската партија Христијан Мицкоски учествувал во како што ги нарекуваат “шеми со неговиот ментор Никола Груевски”.  Пратеникот од СДСМ Костадин Костадинов рече дека Мицкоски е еден од сопствениците на компанијата „Енерготек ДОО Скопје“, основана во мај 2014 година. Таа компанија, тврди Костадинов, заедно со компанијата „Минка ДА“, основале конзорциум „МИНКА - ЕНЕРГОТЕК ДОО“ Скопје. “Овој конзорциум... Читать дальше...

Министерството за здравство го почна процесот за промена на Законот за прекинување на бременоста, информираа денеска од министерството. Од таму наведуваат дека по повеќе месечните консулатиции со претставници на граѓанските организации, целосно инклузивно и отворено ги прифатиле забелешките на сите засегнати страни, како и препораките на меѓународните организации и Светската здравствена организација. “Волјата на жената ќе биде на прво место. Се измените на Законот се укинува задолжителното советување и чекање од 3 дена... Читать дальше...

До март следната година, доколку, како што се чини се заврши со процесот на уставна ревизија, Договорот од Преспа ќе дојде во грчкиот Парламент и немам никаков сомнеж дека ќе биде ратификуван, вели алтернативниот министер за надворешни работи на Грција, Јоргос Катругалос, во интервју за грчкиот весник „Реал њуз“. Како што јави дописничката на МИА од Атина, тој го коментира и гласањето во македонското Собрание и одлуката донесена со двотретинско мнозинство за почеток на уставни промени. “Тоа е... Читать дальше...

Српскиот министер за надворешни работи Ивица Дачиќ изјави дека ЕУ покажала двојни стандарди со недавањето дозвола за изградбата на гасоводот Северен поток, но не и за изградбата на Јужен поток. На Меѓународната конференција за енергетска безбедност на евроазискиот простор во Белград, Дачиќ истакна дека Србија сака да соработува со сите во областа на енергетиката, како и за други прашања на меѓународната соработка и истакна дека Србија, за жал, не можела да го изгради Јужен поток, бидејќи овој проект... Читать дальше...

Лидерот на најголемата албанска опозициска сила, Демократската партија, Љуљзим Баша, во првичната реакција по оставката на министерот за внатрешни работи Фатмир Џафај, оцени дека тоа е почеток на падот на ковладеењето на Еди Рама со криминалот. Тој додаде дека заминувањето на Џафај, кој, како што наведува, е единствен прв човек на полиција во Европа, чиј брат е нарко шверцер, претставува „значаен чекор на опозицијата во прочистувење на политиката од криминалот“. Албанската опозиција со месеци... Читать дальше...

Секторот за внатрешни работи Битола - Одделение за криминалистичка полиција до ОЈО Битола поднел кривична пријава против лицето Л.Ј. (46) од Битола поради постоење основи на сомнение за сторено кривично дело „примање поткуп“, соопшти портпаролот на МВР Тони Ангеловски на денешната прес конференција. Тој рече дека пријавениот кој билвработен во Министерство за земјоделство, шумарство и водостопанство како командир на шумска полиција – Битола во повеќе наврати побарал поткуп од лице од Демир Хисар... Читать дальше...

Лидерите на Турција, Русија, Франција и Германија денеска се среќаваат во Истанбул, на самит на кој се дискутира за безбедносни и политички прашања поврзани со Сирија. Тие се среќаваат со надеж дека ќе најдат одржливо решение за седум годишната граѓанска војна во Сирија во која загинаа околу 400 000 луѓе, а милиони се раселени.Турскиот претседател Реџеп Таип Ердоган им е домаќин на рускиот претседател Владимир Путин, германската канцеларка Ангела Меркел и на францускиот претседател Емануел Макрон. Читать дальше...

Албанскиот премиер Еди Рама денеска соопшти дека министерот за внатрешни работи Фатмир Џафај поднел оставка. Рама на Твитер напиша дека ја прифатил оставката на Џафај, но не наведе други детали. На местото на Џафај именуван е поранешниот воен претставник Сандера Леши. Неговиот избор треба да биде одобрен од претседателот на Албанија и од Парламентот. Рама истакна дека Леши „ќе донесе нова позитивна енергија“.

Градоначалникот на општина Аеродром Златко Марин во интервју за агенцијата МИА вели дека за зградата кај Мајчин дом за чија изградба има големо противење од населението, прават темелни анализи на можностите за наоѓање решение како да се спречи градењето. Решението што го бараат, вели тој, е во две насоки- наоѓање заменска парцела или преку обесштетување. Но, сепак Марин нагласува дека според досегашните анализи сумите се огромни и општината не располага со такви средства. Од тоа што досега го имале пресметано... Читать дальше...

Министерот за одбрана на Соединетите Американски Држави Џим Матис на меѓународната безбедносна конференција што се одржува во Манама, главниот град на Бахреин, рече дека убиството на саудискиот новинар Џамал Кашоги ја “подрива регионалната стабилност”. Матис предупреди и дека Стејт Департментот ќе преземе понатамошни мерки како одговор на убиството. Ако се земе предвид дека мирот и почитувањето на човековите права е во наш заеднички интерес, рече Матис, убиството на Кашоги во едно дипломатско опкружување треба сите нас да не загрижи. Читать дальше...

Детектирањето на тигрестиот комарец во општините Богданци, Дојран и Гевгелија предизвика вознемиреност кај населението поради опасноста од болестите што може да ги пренесе, но место за паника нема, вели епидемиологот д-р Сашко Олумчев од подрачната единица на Центарот за јавно здравје во Гевгелија. Европскиот тип на тигрест комарец кој може да ја пренесе опасната зика вирусна треска откриена во земји од нашето опкружување, особено во Грција како земја од посебен јавно здравствен интерес за нас... Читать дальше...

Во јужната авганистанска провинција Кандахар денеска се одржуваат парламентарни избори. Тие се одржуваат една недела по гласањето во 32 од 34 провинции во земјата. До одложувањето дојде поради убиството на шефот на полицијата во Каднахар генералот Абдул Разик кој беше убиен од Талибанци два дена пред националните избори. Убиството на Разик предизвика несигурност во земјата па илјадници војници беа испратени на гласачките места за да осигураат безбедност за гласачите. На денешните избори право на глас имаат повеќе од 550 000 гласачи... Читать дальше...

Изготвувањето на нацрт амандманите, дејствувањето на новата пратеничка група во Собранието, намалување на бројот на пратеници во ВМРО-ДПМНЕ…остануваат на агендата и викендов. Иако беше најавено останува неизвесно кога нацрт – амандманите на Уставот ќе бидат доставени до Собранието. Портпаролот на Владата Миле Бошњаковски вчера попладне за МИА изјави дека уште траат координациите околу усогласувањето за измените на Уставот. “Во оној момент кога тие ќе бидат во пишана форма ќе бидат јавно објавени... Читать дальше...

Во 3:00 часот по полноќ завршува летното сметање на времето и почнува зимското, при што со поместување на часовникот за еден час наназад времето во 3:00 часот ќе се смета како 2:00 часот, информира Бирото за метрологија. Одлуката за денот и моментот на завршувањето на летното сметање на времето во 2018 година е објавена во Службен весник на Република Македонија број 52 од 22 март 2018 година. Стрелките вечерва ќе се поместат и во земјите на Европа, каде што, пак, неодамна е усвоена одлуката да се укине промената на времето... Читать дальше...

Времето денеска ќе биде сончево со мала, а во западните делови со умерена облачност. Ќе дува умерен, повремено засилен ветер од јужен правец. Минималната температура ќе се движи од минус два до пет, а максималната ќе достигне од 20 до 26 степени. Во Скопје слично време, сончево со мала до умерена облачност и со умерен ветер од југоисточен правец. Температурата ќе се движи од еден до 24 степени. Под влијание на јужно струење следува период на топло време со умерен, повремено засилен југоисточен ветер. Читать дальше...

Дебатата за декриминализација на канабисот во земјава е отворена веќе некое време. Активистите ја поздравуваат иницијативата за измени на актуелното решение кое дозволува употреба за медицински цели. Но дали, македонското општество е подготвено за легализација на марихуаната за рекреативни цели?