Новости за 21.10.2018

Договорот за уништување и забрана на производство на проектили со кус и среден дострел (ИНФ) очигледно ги ограничува плановите на Вашингтон да оствари целосна доминација, изјави денеска заменикот-министер за надворешни работи на Русија Сергеј Рјабков, коментирајќи ја изјавата на американскиот претседател Доналд Трамп дека САД ќе се повлечат од тој Договор со Русија. “На прв поглед можам да кажам дека очигледно овој договор и создава на Америка проблеми за остварување целосна доминација во воената сфера”, изјави Рјабков. Читать дальше...

Премиерот Зоран Заев денеска изјави дека се надева оти за помалку од 15 дена ќе бидат готови нацрт амандамните и ќе бидат изработени заедно со опозицијата. "Парламентот ни даде не повеќе од 15 дена на Владата да ги изготви амандманите. Но доколку ја следевте јавната дебата, јас им ветив на пратениците дека ќе имаме инклузивен процескаде што ние од владата ќе дојдеме во Парламентот со отприлика скицираните очекувања од самите амандмани согласно договорот од Преспа и ќе седнеме заедно власта иопозицијата да ги направиме нацрт-амандамните"... Читать дальше...

Српскиот министер за одбрана Александар Вулин во интервју за весникот „Политика“, изјави дека на идејата за разграничувањето со „Голема Албанија“ најмногу се противат Црна Гора и Македонија. “Процесот на решавањето на националното прашање на Србите ќе започне кога ќе бидеме раздвоени од Албанците. Време е Србија да почне да мисли само за себе и за својот народ”, порача Вулин, додавајќи дека „што побргу биде воспоставено јасно разграничување со „Голема Албанија“, Србија се повеќе ќе има можности... Читать дальше...

Најмалку 17 лица загинале,а многумина биле повредени откако патнички воз излета од шините во источниот дел на Тајван, соопштија властите.. Администрацијата на железничката станица во Тајван соопшти дека повеќе од 132 лица, биле повредени во несреќата во североисточната област Јилан. Во возот кој се движел со голема брзина имало вкупно 366 лица, а сите осум вагони од него излетале од шините, а пет се превртеле. Спасувачките екипи проверуваат дали некој е заробен. Се уште не се знае што ја предизвикало несреќата.

Од Тихиот Океан кон Мексико се движат две тропски бури, од кои едната би можела да прерасне во ураган пред да пристигне до копното, соопшти денеска американскиот Национален центар за урагани. Првата бура, Вила, за која постои опасност да прерасне во ураган, се наоѓа на околу 400 километри југозападно од мексиканскиот град Манзаниљо. Во жариштето на Вила, која е 21 бура во овогодишната сезона на урагани во Америка, дуваат ветрови со брзина од 110 километри на час. Според Центарот, се очекува Вила... Читать дальше...

Позицијата дека кога договорот од Преспа ќе дојде во грчкиот парламент, Независни Грци ќе ја напуштат Владата, уште еднаш ја повтори коалицискиот партнер и министер за одбрана на Грција Панос Каменос, говорејќи во Солун пред членовите на Национален совет на неговата партија, во отчетот за четиригодишното учество во Владата. "Нашата соработка со Владата, нашиот престој во Владата ќе биде се додека не дојде „нож до коска“, односно додека да дојде договорот во грчкиот Парламент, каде што чесно и јасно... Читать дальше...

Група од околу 10 лица, кусо по 6 часот утрово по локално време, со чекани и бои ја нападнале Амбасадата на Канада во Атина, нанесувајќи материјална штета на објектот. Како што јави дописничката на МИА од Атина, искршени се прозорци и фрлени бои на фасадата на објектот.. Одговорноста за нападот, преку соопштение објавено на анархистички сајт, презеде групата Рубикон. Во соопштението опширно и детално, членовите на анархистичката група ги објаснуваат причините за нападот. “Многу рударски компании... Читать дальше...

Најмалку 11 лица, од кои шест деца, загинаа денеска при експлозија на бомба поставена крај пат во источната авганистанска провинција Нангархар. Досега никој не презеде одговорност за нападот, но се претпоставуваа дека тој е дело на талибанските бунтовници или џихадистичката група Исламска држава, кои се активни во Нангархар. Нападот се случува на вториот ден од парламентарните избори во Авганистан, откако вчера, на првиот ден од гласањето, при околку 200 напади и други инциденти загинаа најмалку 38 лица, а над сто беа повредени.

Пратениците презедоа одговорност и испишаа нова шанса во историјата на Македонија, сакам да им честитам на сите за заедничкиот напредок и за тоа што најпосле земјата се извлекува од калта, изјави на денешната прес конференција министерката за одбрана Радмила Шекеринска. „Историскиот глас на пратениците, во исто време беше глас против изолација но и против несигурност. За поздравување е таа одговорност да се стават сите работи настрана и да се даде глас за иднината. Сега е моментот поделбите да... Читать дальше...

Во Полска денеска се одржуваат регионални избори, на кои се очекува најмногу гласови да добијат кандидатите на владејачката десничарска евроскептична партија Право и правда, чии националиситчка реторика и правосудни реформи доведоа до тензии во односите меѓу Варшава и Брисел. ПиС дојде на власт во 2015 година со ветување за издвојување поголеми средства за социјални програми, за заштита на традиционалните вредност и за поголемо влијание на државата во економијата. И покрај обвинувањата од ЕУ дека... Читать дальше...

По одлуката на Собранието за почеток на уставните измени, реагираше и Руската Федерација преку твитер профилот на Руската амбасада во Скопје. Русија испрати порака дека ја признала Македонија под нејзиното уставно име и дека тој став не го менува. „Русија ја призна Република Македонија под нејзиното уставно име пред повеќе од 26 години и својот став не го менува”, пишува на официјалниот твитер-профил на Руската амбасада во Скопје.

Турските власти во реонот на градот Едрене приведоа 122 мигранти, кои планирале илегално да преминат од Турција во Грција или Бугарија. Мигрантите, по потекло од Сирија, Авганистан и Алжир, биле откриени во неколку преноќишта и хостели во Едрене и блискиот град Калеичи. Полициската акција била спроведена по добиените информации дека поголем број илегални мигранти се сместиле во преноќишта и хотели во реонот на Едрене, кој се наоѓа во близина на тромеѓето на границите на Турција, Грција и Бугарија. Читать дальше...

Втор ден парламентарни избори во Авганистан, откако стотици гласачки места беа затворени на првиот ден од гласањето поради технички и безбедносни прашања. Гласањето треба да продолжи во 401 гласачки центар. Надлежните власти соопштија дека околу 3 милиони Авганистанци од скоро 9 милиони регистрирани гласачи гласале на околу 4.500 избирачки места вчера. Гласањето беше проследено со бројни милитантни напади во кои беа убиени или повредени десетици луѓе, но и со неколку хаотични сцени на избирачките места поради технички и организациски проблеми. Читать дальше...

Американскиот претседател Доналд Трамп синоќа соопшти дека САД ќе се повлечат од Договорот со Русија за ликвидирање на ракети од среден дострел, затоа што, како што рече, Москва ја прекршува спогодбата. “ Русија го крши Договорот. Тие го кршат со години. САД нема да им дозволат и натаму да го кршат нуклеарниот договор”, изјави Трамп на митинг во градот Елко во американската сојузна држава Невада, во пресрет на изборите за Конгресот на САД. Договорот е склучен во 1987 година меѓу САД и тогашниот Советски Сојуз, чиј правен наследник е Русија.

Можеби има такви фабрики кои ги договорила претходната влада, а ние сме ги завршиле, но најголем дел од инвестициите сме ги договориле ние, вели министерот за странски инвестиции Аднан Ќахил во неделното интервју на Радио Слободна Европа.

Политичката неизвесност засега не се одразува врз странските инвеститори, но ако продолжи веројатно ќе има последици. Од друга страна, ако влеземе во НАТО и почнеме преговори со ЕУ, заинтересираноста на инвеститорите ќе се зголеми, вели министерот задолжен за привлекување странски инвестиции, Аднан Ќахил, во неделното интервју на Радио Слободна Европа.

Времето претпладне ќе биде променливо облачно, а попладне ќе има локални врнежи од дожд. Ќе дува слаб до умерен ветер од североисточен правец. Минималната температура ќе биде од 3 до 12 степени, а максималната од 16 до 23 степени. Во Скопје времето ќе биде променливо облачно околу пладне, а попладне повторно ќе има локални врнежи од дожд. Температурата ќе се движи од 9 до 18 степени. Во наредните денови времето ќе биде променливо и постудено со повремени локални врнежи од дожд, а на повисоките планини со услови за снег, особено в среда.