Вучиќ од Москва - Состојбата на Балканот е многу сложена

Српскиот претседател Александар Вучиќ, на почетокот на денешната средба со рускиот претседател Владимир Путин, изјави дека се уште е далеку решението за спорот за Косово.

„Состојбата на западниот Балкан е многу сложена. Србија, како држава, секојдневно се соочува со бројни провокации. И покрај нашите напори да постигнеме компромис и да го поддржиме мирот и стабилноста, многу сме далеку од какво било решение за Косово и Метохија“, изјави Вучиќ.

Тој вели дека Србија останува посветена на принципот на воена неутралност, односно дека нема да бара членство во НАТО.

Рускиот претседател изрази задоволство од посетата на Вучиќ и додаде дека „сигурно ќе имаме за што да разговараме во врска со состојбата во регионот“.