Во понеделник почнува пратеничката расправа за уставните измени
Од Собранието на Република Македонија за МИА информираат дека 61. седница ќе се одржи во понеделник на 15 октомври во 11 часот, а по нејзиното завршување ќе започне 60. седница.
Почетокот на Комисијата за уставни прашања, како што велат од Кабинетот на претседателот Талат Џафери, најверојатно ќе биде исто така во понеделник. Комисијата за Предлогот за пристапување кон уставни измени може да расправа 10 дена, по што Извештајот од неа повторно треба да се најде на пленарна седница.