ارګ وايي ډېر ژر به د خوست د صنعتي پارک جوړولو چارې پیل شي
ولسمشر محمد اشرف غني وايي، حکومت د خوست د صنعتي پارک جوړېدو ته چمتو دی.
د ولسمشرۍ ماڼۍ په دې اړه په یوې خپرې خبرپاڼه کې راغلي چې ښاغلي غني د خوست د صنعتي پارک د جوړېدو په اړه د یاد ولایت له یو شمېر مشرانو سره په ارګ کې په دې اړه مفصلې خبرې درلودې.
ولسمشر غني دغه مشرانو ته په وینا کې ویلي چې مالي وزارت به د خوست د صنعتي پارک د جوړولو لګښت ورکړي او په نږدې راتلونکي کې به برېښنا هم ورسېږي.
د خوست سوداګرو او اوسېدونکو بیا ولسشمر غني ته په هغه ولایت کې د صنعتي پارک د ځمکو له غصب څخه شکایت کړی او په دې برخه کې يي د حکومت پر پاملرنې ټينګار کړی.