د نشه يي موادو ۱۰ قاچاقوونکي عدلي او قضايي مرکز ته معرفي شول
د نشه يي موادو د قاچاقو په تور لس تنه له دوسیو سره یوځای عدلي او قضايي مرکز ته معرفي شول.
له نشه يي موادو سره د مبارزې عدلي او قضايي مرکز ویاند خالد موحد ازادي راډیو ته وویل، تېره اوونۍ لس کسان چې د پولیسو او نورو امنیتي ارګانونو له خوا د نشه يي موادو د نهو پېښو په تړاو نیول شوي وو، د نورو څېړنو لپاره عدلي او قضايي مرکز ته معرفي شول.
له نیول شویو کسانو سره درې کیلو ګرامه هیروئین، ۲۵ کیلو ګرامه تاریاک، ۲۳۳ کیلو ګرامه چرس، یو کیلو ګرام شیشه، ۹ لېټره الکولي مشروبات، ۳۹۷ د نشې ګولۍ او ۷۰۰۰ لېټره تېزاب ونیول شول.
ښاغلی موحد وايي، د دې مرکز محکمو په علني غونډو کې یو شمېر تورن کسان په جزاء محکوم کړل.