د ولسي جرګې لپاره د کاندیدانو کمپاین نن رسمآ پیل شو
د افغانستان د ولسي جرګې لپاره د کاندیدانو انتخاباتي کمپاین نن رسما پیل شو.
د انتخاباتو د خپلواک کمیسیون مالي او اداري مرستیال معاذالله دولتي تېره شپه آزادۍ راډیو ته وویل، کاندیدان د تلې تر ۲۵ نیټې وخت لري چې انتخاباتي کمپاینونه وکړي.
ښاغلي دولتي زیاته کړه چې کاندیدان باید اړوندو قوانینو ته درناوی وکړي:
"ټول کاندیدان باید په انتخاباتي کمپاینونو کې د انتخاباتو قانون او مقررات په پام کې ونیسي او غاړه ورته کېږدي."
ښاغلي دولتي په عین حال کې له امنیتي ارګانونو څخه غوښتنه وکړه چې د کمپاینونو پرمهال د ولسي جرګې د کاندیدانو امنیت خوندي کړي.
د ولسي جرګې انتخابات د روانې تلې د میاشتې په ۲۸مه نېټه په پام کې دي.