مسکو سوریې ته د دفاعي راکټي سېستم د ورکولو بهیر پیل کړ
سرګي لاوروف تېره ورځ ناوخته د ملګرو ملتونو په مقر کې د خبرو پر مهال وویل چې د روسیې د پوځي الوتکې تر سقوط وروسته، د روسیې د ولسمشر ولادیمیر پوتین په سپارښتنه د دغو راکټونو د ورکولو بهیر پیل شو.
د روسیې د بهرنیو چارو وزیر وویل، دا تدابیر په سوریې کې د روسي سرتېرو د بشپړ خوندیتوب لپاره نیول شوي دي.
تر دې وړاندې واشنګټن او اسرائیل د دغه اقدام په اړه مسکو ته خبرداری ورکړی و.