Новости за 04.11.2018

د میدان وردګ ولایت د کرنې او اوبو لګولو رئیس وايي، سږ کال د دغه ولایت له باغونو نېږدې ۹۰ زره ټنه مڼې راټولې شوې دي. ولید احمد تسل وايي، که څه هم وچکالۍ د میدان وردګ ولایت حاصلات اغېزمن کړي، خو بیا هم په دغه ولایت کې د مڼو حاصلات مخ په زیاتېدو دي. که څه هم میدان وردګ په افغانستان کې د مڼو د تولید له اړخه مشهور ولایت دی، خو ویل کېږي چې دغه مڼې په نړیوالو مارکېټونو کې ښه بازار نه لري. د افغانستان د سوداګرۍ او صنایعو خونې ویلي چې سږ کال پاکستان هم د نامعلومو دلایلو له امله دغه هېواد ته د افغانستان د مڼو د صادراتو مخه نیولې ده. Читать дальше...

د اسرائيل صدراعظم بنيامين نتانياهو په هغه اعلاميه کې چې د ده دفتر پرون خپره کړې، ويلي چې پر تهران دغه...

د پېښور په قصه خوانۍ بازار کې پخوا ډېرې قهوه خانې وې خو اوس پکې یو څو پاتې دي. په دې قهوه خانو کې به سلګونه کاله پخوا بنډارونه جوړ ول او د شپې مهال به سوداګرو له کیسو او شین چایه خوند اخیست. موږ مو د قصه خوانۍ بازار یوې قهوه خانې ته ورولو.

کابل کې د نادرپښتون واټ د «خیرخوا،زرنګار،اتفاق او کابل» مارکیټونو سلګونو هټیوالو ته پرته له ایرو او سوځېدلو اوسپنو نور څه نه دي ورپاتې. په لاندې انځوریز البوم کې د الکترونیکي توکو او موبایلونو هټیوال وینئ چې له سوځېدلو دوکانونو ایرې او اوسپنې وباسي. دغه انځورونه د ازادۍ راډيو خبریال محمد واصل وصال اخېستي.

په غزني کې روغتیایي چارواکي وايي، که وسله وال طالبان کور په کور ماشومانو ته د پولیو د واکسین د تطبیق...

د افغانستان د بهرنیو چارو وزارت وايي، له روسیې سره په مسکو کې د افغانستان د سولې په اړه د غونډې پر دقیق وخت او څرنګوالي مو افقه نه‎ده شوې.

یو شمېر امریکايي سیاستوال او رسنۍ وايي، هغه امریکايي پوځي چې په کابل کې ظاهراً د یوه نفوذي په حمله کې ووژل شو، د متحدو ایالتونو د یوټا ایالت د شمالي اوګدن ښاروال و. شمالي اوګدن ښار ۱۷ زره نفوس لري. سالټ لېک تریبیون او نورو رسنیو پرون شنبه راپور ورکړ چې د شمالي اوګدن ښاروال ۳۹ کلن برینټ ټایلر له ملي ګارد سره د خدمت په ترڅ کې ووژل شو. د امریکا په سنا جرګه کې د اوټا سناتور او د دې ایالت څو چارواکو د ټایلر وژل کېدا تأیید کړه. ټایلر د سږ کال په جنورۍ کې د یوټا ایالت له ملي ګارد سره افغانستان ته واستول شو. Читать дальше...

د لیکوال په خبره ولسمشر غني غواړي له جګړې ستړو رأيه ورکوونکو ته خپل ځان داسې ور وپېژني چې کولی شي د دغه هېواد ۱۷ کلن بحران ختم کړي.

د اسرائیل صدراعظم بنیامین نتانیاهو د امریکا ولسمشر ډونالډ ټرمپ د ایران پرضد د بندیزونو د لګولو په خاطر وستایه او هغه یې تاریخي وبلل. بنیامین نتانیاهو په یوه بیان کې چې د ده دفتر پرون شنبه خپور کړی، ویلي: "له ولسمشر ټرمپه د دې تاریخي اقدام په خاطر مننه. بندیزونه په رښتیا عملي کېږي." د ایران پر ضد د امریکا بندیزونه په ۲۰۱۵ میلادي کال د ایران د اټمي فعالیتونو د درېدو په بدل کې لغوه شول. ټاکل شوې ده چې د ایران پر ضد د امریکا بندیزونه سر له سبا دوشنبې بیا اجرا شي.

ولسمشر محمد اشرف غني د شنبې په ورځ پکتیکا ولایت ته سفر وکړ او له بېلابېلو قشرونو سره د جلا-جلا کتنو ترڅنګ يې د خلکو په یوه پراخه غونډه کې هم برخه واخېسته.

د افغانستان د انتخاباتي شکایتونو کمېسیون د ټاکنو پر خپلواک کمېسیون تور پورې کوي چې د ولسي جرګې د ټاکنو په ښه مدیریت کې پاتې راغلی دی. د انتخاباتي شکایتونو د کمېسیون غړي او ویاند علي‎رضا روحاني، پرون ازادي راډیو ته وویل: "له‎دې امله، د ولسي جرګې انتخابات له متعدوو او جدي ستونزو سره ترسره شوو، له موږ سره تر ۱۱ زره زیات شکایتونه ثبت شوي دي." روحاني دا خبرې د ولسي جرګې د ټاکنو د ابتدايي پایلو د اعلان په اړه د ټاکنو د خپلواک کمېسیون د تازه پرېکړې په اړه په غبرګون کې وکړې. د ټاکنو خپلواک کمېسیون... Читать дальше...

د عراق د بهرنیو چارو وزارت د امریکا په وړاندې په یوه نادر عکس العمل کې ویلي چې د ګاونډي ایران په اړه د امریکا ټویټري پیغام له ډیپلوماټیکو نورمونو وتلی او د عراق په کورنیو چارو کې لاسوهنه ګڼل کېږي. د عراق د بهرنیو چارو وزارت په یوه خبرپاڼه کې چې پرون شنبه یې خپره کړې ده، په بغداد کې د امریکا له سفارته غوښتي چې له خپلې ټویټرپاڼې څخه تبصره لېرې کړي، په راتلونکې کې هم له دا ډول څرګندونو ډډه وکړي او نړیوال قانون رعایت کړي. په هغه ټویټري تبصره کې چې د اکتوبر په دېرشمه خپره شوې او لاهم لیدل کېږي، د... Читать дальше...

د افغانستان ولسمشر محمداشرف غني پر وسله‎والو طالبانو غږ وکړ چې له جګړې لاس واخلي او د خپل وطن حق ومني. ولسمشر غني پرون شنبه د نوومبر۳مه، پکتیکا ته ولاړ . هغه په پکتیکا کې ولسي غونډې ته وویل: "د دې وطن غېږ ډېره لویه ده، د وطن مور ومنئ! خپل پلار ومنئ! له پلار او موره نه‎شئ بېلېدلای خو له بهرنیانو ځان بېل کړئ. " اشرف غني په پکتکیا کې وویل چې د سولې لپاره سیاست نه‎کوي او د هرې بیې پرې کولو ته تیار دي. ولسمشر غني وویل چې سوله د ټولو افغانانو غوښتنه ده او زور ته نه‎شي تسلیمېدلای. خو وسله‎والو... Читать дальше...

په پاکستان کې د مذهب سپکاوي له توره پاکه شوې اسيه بي یي خاوند عاشق مسيح له برتانيي، امريکا او کېنېډا د سر پناه درخواست کړی او ويلي يې دي چې د حکومت او تحريک لبيک ترمنځ معاهدې وروسته د ده کورنۍ غړو ژوند په خطر کې دی.

د افغانستان د بهرنیو چارو وزارت وايي، له روسیې سره په مسکو کې د افغانستان د سولې په اړه د غونډې پر جزئیاتو لا موافقې ته نه‎دي رسېدلي. د بهرنیو چارو وزارت ویاند صبغت الله احمدي پرون شنبې ازادي راډیو ته وویل: "زموږ خبرې لا جریان لري، موږ تر اوسه له روسیې سره پر دې چې د مسکو غونډه څه وخت او څرنګه وشي موافقه نه‎ده کړې، زموږ بحثونه جریان لري." د روسیې حکومت پرون، شنبه د نوومبر۳مه، وویل چې د افغانستان حکومت او طالبانو موافقه کړې چې په مسکو کې به د افغانستان د سولې په اړه په را روانه غونډه کې ګډون وکړي. Читать дальше...

د ایران ستر مذهبي مشر ایت‎الله علي خامنه اي ویلي چې پر ایران د اقتصادي بندیزونو لګولو پریکړه د امریکا یوه ناکامه هڅه ده. خامنه اي پرون، شنبه د نوومبر ۳مه، په تهران کې وویل: "نننۍ امریکا تر هغې امریکا چې ۴۰ کاله مخکې انقلاب بریالی شو، ډېره کمزورې ده، د امریکا قدرت په ځوړ کې دی، دا مهمه خبره ده." دا په‎داسې حال کې ده چې د امریکا متحدایالات به د نوومبر په پینځمه پر ایران خپل اقتصادي بندیزونه چې د اټمي موافقې پر اساس کم شوي وو، له سره ولګوي. د اسرائیل صدراعظم، بنیامین نتانیاهو دا مریکا د پرېکړې هرکلی کړی دی. Читать дальше...

د پاکستان صدراعظم، عمران خان د جمعیت علماء اسلام ډلې د مشر، مولانا سمیع الحق قتل غندلی او د هغه د قاتلانو د نیولو غږ یې کړی دی.

په ازبکستان کې یو پېژندل شوی تجار، غفور رحیموف چې له تنظیم شوېو جرمونو سره د ارتباط په تړاو تورن دی، په هغه هېواد کې د اماتور بوکس فدراسیون مشر ټاکل شوی دی. له دې سره اندېښنې زیاتې شوې دي چې د ازبکستان د بوکس فدراسیون ښايي د المپیک له سیالیو منع شي. رحیموف پرون شنبه د نوومبر ۳مه، د ازبکستان د بوکس فدراسیون له ۱۳۴ رأیو ۸۶ رأیې وګټلې . رحیموف د هیروئین له قاچاق سره د تړاو په تور د امریکا د خزانې وزارت د بندیزونو په لېست کې دی. د بندیزونو پر اساس، دامریکا وګړي او شرکتونه له رحیموف سره له اړیکو منع دي، خو رحیموف دا تورونه ردوي.

د سوريې د جګړې له امله بې ځایه شوېو کورنیو ته چې د اردن سرحد ته نېږدې د رکبان په نوم کمپ کې پرتې دي، د مرستې مواد ورسېدل. ملګرو ملتونو او د سرې میاشتې ټولنې پرون شنبه د نوومبر۳مه، وویل چې د سوریې په جنوب ختيځ کې یې ۵۰ زره کسانو ته د مرستې مواد ور رسولې دي. د دې ادارو په ګډ بیان کې ویل شوي چې د خوراکي موادو ۷۸ لارۍ سیمې ته لېږدول شوي دي. د روان میلادي کال د جنورۍ له میاشتې راهیسې دا اول وار دی چې د سوریې کډوالو ته د مرستې مواد رسېدلي دي. ملګري ملتونه وايي، د رکبان په کمپ کې ۸۰ فیصده کډوال ښځې او ماشومان دي.

د لومړۍ نړیوالې جګړې د پای ته رسېدو د سلمې کالیزې د لمانځلو مراسم چې یوه اوونۍ به دوام وکړي نن یکشنبه په فرانسه کې پیلېږي. اټکل کېږي چې د نړۍ شاوخوا ۸۰ مشران به په دې مراسمو کې ګډون وکړي. د فرانسې ولسمشر ایمانوئل مکرون د دغو مراسمو کوربه دی. مراسم د فرانسې په هغو برخو کې جوړېږي چې د جګړې میدانونه وو او زرګونه تنه په خټینو سنګرونو کې د متحدینو او جرمني پوځیانو ترمنځ په اوږده جګړه کې ووژل شول.