Новости за 17.11.2018

د امریکا د استخباراتو مرکزي اداره (سي. ای. اې) دې نتیجې ته رسېدلې ده چې د سعودي عربستان ولیعهد محمد بن سلمان د خبریال جمال خاشقجي د وژلو امر ورکړی و. دا خبره واشنګتن پوسټ ورځپاڼې د یوه امریکایي چارواکي په وینا پرون خپره کړه، خو ریاض دا ادعا رد کړې ده. سعودي خبریال جمال خاشقجي ته په دې سترګه کتل کېدل چې دی د ولیعهد محمد بن سلمان منتقد دی. خاشقجي د امریکا په متحد ایالتونو کې ژوند کاوه او د واشنګتن پوسټ لپاره یې کار کاوه، دی د اکتوبر په دوهمه په استانبول کې د سعودي عربستان قونسلګرۍ ته ورغی او بیا ووژل شو.

د دفاع وزارت ویاند غفور احمد جاوید وايي، افغان ځواکونه له جګړې سره په یو وخت کې د پوځي ښوونې او روزنې پروګرام هم ....

د افغانستان دفاع وزارت وايي، د جګړې په ډګر کې يې د افغان سرتېرو د مرګ ژوبلې د مخنيوي لپاره نوې ستراتيژي جوړه کړې ده. د دغه وزارت وياند غفور احمد جاوېد ازادي راډيو ته وويل: "پر دې ستراتیژۍ له تېرو دوو درېیو میاشتو راهیسې کار پیل شوی دی، په ځینو سیمو کې یو شمېر کوچنۍ پوستې چې ستراتیژیک اهمیت یې نه درلود، هغې سیمې ته نېږدې په بل ځای کې په بېس بدلې شوي، لوی بیسونه څو ګټې لري، یو دا چې ریزرف قوتونه به ولرو، بل تهاجمي عملیات به زیات شي او ترڅنګ یې موږ په خپل وخت ملاتړ کولای شو او د کومانډو او د هوايي... Читать дальше...

افغان حکومت وايي، هڅه کوي چې په افغانستان کې له وچکالۍ ځپلو افغانانو سره د مرستې لپاره د جنيوا په کنفرانس کې د مرستندويو هېوادونو همکاري جلب کړي. د خوړو نړيوال پروګرام يا (WFP) وايي، هغه درې ميليونه او پنځه لکه افغانان چې وچکالۍ ځپلي، عاجلو غذايي او نورو مرستو ته اړتيا لري. په جنيوا کې د دې ادارې وياند پرون وويل، روانې وچکالۍ د افغانستان په شمال لوېديځ کې ٢٠ ولايتونه ځپلي دي. د پېښو په وړاندې د مبارزې په چارو کې د دولت وزير نجيب اقا فهيم پرون ازادي راډيو ته وويل: "په پام کې ده چې دا موضوع... Читать дальше...

د امريکا يوه فډرال قاضي سپينې ماڼۍ ته سپارښتنه کړې چې د CNN ټلويزيوني شبکې خبريال جيم اکوستا ته بېرته مطبوعاتي اعتبارليک ورکړي. قاضي تيموثي کيلې پرون دغه لنډمهاله حکم ورکړ چې له مخې يې د ټرمپ له ادارې غوښتل شوي، اوکوستا ته چې له سپينې ماڼۍ يې راپورونه ورکول، بېرته اجازه ورکړي چې سم د لاسه سپينې ماڼۍ ته د راپور ورکولو لپاره د داخلېدو جواز ولري. د ټرمپ ادارې ويلي چې د قاضي حکم به ومني او اکوستا ته به د لنډې مودې لپاره سپينې ماڼۍ ته د داخلېدو مطبوعاتي اعتبارليک ورکړي. د CNN او د دې شبکې د خبريال... Читать дальше...

د ترکيې پوليسو ١٣ تنه فعالان، خبريالان او اکاډميک شخصيتونه نيولي دي. پر دوى تور پورې دى چې د بشري حقونو له فعال عثمان کوالا سره ارتباط لري. کوالا د هغو ادعاوو له کبله په زندان کې دى چې ويل کېږي، د ٢٠١٣ میلادي کال د اعتراضونو په مرسته يې د حکومت د نسکورولو هڅه کړې وه. د بشري حقونو مشهور فعال عثمان کوالا چې تېر کال زندان ته اچول شوى، پنځه کاله مخکې په ملي سطحه د اعتراضونو د تنظيم په تور محاکمې ته انتظار دى. د ترکيې حکومت وايي، هغو اعتراضونو د ٢٠١٦ میلادي کال د جولاى مياشتې ناکامې کودتا ته لار هواره کړه. Читать дальше...

د امريکا د متحدو ايالتونو ولسمشر ډونالد ټرمپ وايي، ده د ځانګړي پلټونکي رابرټ مولر د پوښتنو ځوابونه په ليکلي بڼه بشپړ کړي دي. ښاغلى مولر د امريکا د ٢٠١٦ میلادي کال د جمهوري رياست په انتخاباتو کې د روسيې دخالت څېړي. ټرمپ پرون په واشنګټن کې خبريالانو ته وويل، د مولر پوښتنو ته يې په اسانۍ ځوابونه ليکلي دي. ده وويل: "دا ورځنۍ پوښتنې وې چې ما ځواب کړې، د هغو لپاره مدافع وکيلانو ته اړتيا نه لرم." ولسمشر ډونالد ټرمپ ونه ويل چې دغه ځوابونه به کله رابرټ مولر ته سپاري. هغه خپلې پخوانۍ څرګندونې بيا... Читать дальше...

د پاکستان پولیس وایي، په کراچۍ ښار کې بمي چاودنې دوه تنه وژلي او پنځه نور یې ټپیان کړي دي. دا چاودنه پرون د مالیر په سیمه کې وشوه. پولیس وایي چې د سړک د غاړې بم له یوه بازار سره نېږدې وچاودېد. د دوو ټپیانو روغتیایي وضعیت نازک ښودل شوی دی. د دې چاودنې مسؤلیت تر اوسه چا په غاړه نه دی اخیستی. کراچۍ د پاکستان په جنوب کې د سند ایالت مرکز او هغه ځای دی چې هلته غیر قانوني افراطي مسلمان وسله وال فعاله دي.

د بلخ د محلي سینما لوبغاړی قدوس فرهمند د نامعلومو وسله والو کسانو په حمله کې ووژل شو. د بلخ ولایت د خُلم ولسوال تاج محمد رحیمي ازادي راډیو ته وويل چې پېښه پرون جمعه ماسپښين د خُلم ولسوالۍ په مربوطاتو کې شوې ده. رحیمي وويل چې د هنرمندانو یوه ډله امنيتي ارګانونو ته له خبر ورکولو پرته خُلم ولسوالۍ ته د یوه سینمايي پروګرام لپاره تللې وه. ده وویل: "دوى په سيمه کې هنري کارونه درلودل، پر موټرسايکل سپرو دوو نامعلومو کسانو غوښتل چې د دوى ټيليفونونه او نور شيان واخلي، يوازې د فرهمند کوچنى ټيليفون پاتې... Читать дальше...

د پاکستان د حکومت يو چارواکى چې پرون سهار يې د ورکېدو خبر ورکړل شوى و، په يوه ويډيويي پيغام کې ...

د افغانستان د سولې لپاره د امريکا متحدو ايالتونو د بهرنيو چارو وزارت ځانګړى استازى هڅه کوي څو ډاډمنه ...

د چارسدې تنګۍ شېرپاو امنه بي بي په خپل لګښت د خپل کلي ایسوګۍ ماشومانو ته زده کړې ښيي. که څه هم د خيبر پښتونخوا حکومت په صوبه کې بېړنی تعليمي حالت اعلان کړی دی خو لاهم بېشمېره ماشومان پر ډاګ زده کړې کوي. ويډيو : شبير احمد جان ايډيټ: ګل اياز