Новости за 12.05.2019

د کندهار په معروف ولسوالۍ کې د وسله والې جګړې په نتيجه کې ١٣ وسله وال وژل شوي دي. چارواکي وايي چې دغه جګړه تېره شپه د معروف ولسوالۍ په نادرخان سيمه کې شوې ده. د کندهار د امنيې قوماندانۍ وياند جمال ناصر بارکزي ازادي راډيو ته وويل: "د پوليسو او د دښمن ترمنځ مخامخ جګړه شوې چې دښمن ته ډېره مرګ ژوبله اوښتې ده چې ١٣ تنه يې وژل شوي او ٩ تنه يې ټپيان شوي دي." ښاغلى بارکزى وايي چې په دې جګړه کې پوليسو ته کوم زيان نه دى اوښتى. وسله والو طالبانو تر اوسه په دې اړه رسنیو ته څه نه دي ویلي.

د نورستان کامدیش او برګي‌مټال ولسوالیو اوسیدونکي وایي، دواړو ولسوالیو ته د غځېدلي سړک په اوږدو کې څو ځایه وسله‌والو طالبانو ...

نامعلومو وسله‌والو نن یکشنبه د بغلان د ملي امنیت د ریاست اوپراتيفي مرستيال عبدالغفور محمود وواژه. د بغلان د ولايتي شورا رئيس صفدر محسني نن ازادي راډيو ته وويل چې عبدالغفور محمود نن سهار د مرکزي بغلان په مربوطاتو کې وژل شوى دى: "د کندز له‌خوا را روان و چې د چهارشنبه تپې په پل قندهاريا کې د دښمن له کمين سره مخامخ شوى، دى له خپل يوه سرتېري سره ټپي شوى، کله چې يې روغتون ته رساو، اوپراتيفي مرستيال غفور خان شهيد شو." وسله‌والو طالبانو د دې پېښې په اړه څه نه دي ويلي. دا په‌داسې حال کې ده چې پرون... Читать дальше...

د سولې عالي شورا د دارالانشاء مشر په جرمني او هندوستان کې د افغانستان د سولې په اړه خبرې کوي. د سولې عالي شورا نن په يوه اعلاميه کې ويلي چې محمد عمر داوودزى نن د يوه هيئت په مشرۍ جرمني ته روان شو، وروسته به هندوستان ته ځي. په اعلاميه کې ويل شوي چې ښاغلى داوودزى به په جرمني او هندوستان کې د افغانستان د سولې پر مسئله بحثونه وکړي.

په بلخ کې سوداګرې ښځې د برښنا د صرفیې له لوړېدو شکایت لري. د دغه ولایت د سوداګرۍ او صنایعو خونې رئیس شېر احمد سپاهي زاده نن په دې اړه ازادي راډیو ته وویل: "د ولسمشر د لارښوونې له مخې د صنعتي پارکونو او تولیدي فابریکو برښنا کیلو واټ له ۱۶ افغانۍ او ۷۰ پولو څخه ۶ افغانۍ او ۷۰ پولو ته راښکته شوې، خو دغه ښځې خپله د برق صرفیه کیلو واټ له ۱۷ تر ۱۶ افغانیو تحویلوي." نوموړي وویل چې حکومت باید دې موضوع ته پام وکړي، که نه نو د دغه ولایت د سوداګرو ښځو پر کاروبار به ښه اغېز ونه لري. د معلوماتو له مخې،... Читать дальше...

په بامیان ولایت کې د کرنې او مالدارۍ وزارت له خوا د کرنیزو پورونو ورکړه پیل شوې ده. د دغه وزارت ویاند اکبر رستمي نن ازادي راډیو ته وویل چې ټاکل شوې چې د دغه پروګرام له لارې د ۱۵۲ ميلیونه افغانیو په ارزښت کرنیز مواد د نوموړي ولایت په کروندګرو ووېشل شي. دی وایي: "کروندګر چې خپل د خوښې وړ کښت ټاکي، مونږ همغه امکانات ورته برابروو، مثلاً په بامیانو ولایت کې د کچالو کښت ډېر دی، مونږ ورته د کچالو تخم او کېمیاوي سره برابروو، دوی بیا کولای شي چې تر حاصل پورته کولو وروسته کرار کرار دا پور پرې کړي." ... Читать дальше...

په دغو تنظیمونو کې، الانفال ټرسټ، الحمد ټرسټ، اداره خدمت خلق، اداره دعوت الارشاد، مسجد ویلفیر ټرسټ، المدینه فاونډېشن

د افغانستان د ملي امنیت ریاست وايي، د جوزجان ولایت د فیض اباد ولسوالۍ لپاره د طالبانو نومول شوی ولسوال نیول شوی دی. د ملي امنیت ریاست نن یکشنبه په یوه خبرپاڼه کې ویلي چې د دې ریاست د خاصې قطعې ځواکونو په یو لړ عملیاتو کې مولوي عبیدالله د جوزجان ولایت په مرکز شبرغان کې ونیوه. په خبرپاڼه کې همداراز ویل شوي چې مولوي عبیدالله د ترورېستي حملو لپاره شبرغان ښار ته ورغلی و چې د ملي امنیت ځواکونو وپېژانده او ویې نیوه. طالبانو په دې اړه تر دې دمه څه نه دي ویلي.

د کندهار ولایتي چارواکي وایي، عبدالسلام د داعش ډلې له لېکو سره د يو ځای کېدونکو کسانو سره د ليدني لپاره کندهار ته راغلی و او اصلي د کونړ اوسېدونکی دی چې پاکستان ته د اوښتو پر مهال په کندهار کې نېول شوی.

د ترکیې د ولسمشر رجب طیب اردوغان یو منتقد خبریال سخت وهل شوی او اوس په روغتون کې دی. د راپورونو له مخې د ینیچاغ ورځپاڼې خبریال عوض سلیم دیمیراغ په یوه ټلوېزیوني خپرونه کې له ګډون کولو وروسته د خپل کور مخته د پنځو تنو له لوري د بېسبال په ډنډو وډبول شو. حمله کوونکي د دې خبریال له وهلو وروسته وتښتېدل. تراوسه پورې څرګنده نه‌ده چې دیمیراغ ولې وهل شوی دی خو په وروستیو کې د اردوغان او د هغه د مخالفانو ترمنځ د استانبول د مارچ د ۳۱مې نېټې د انتخاباتو پر سر ترینګلتیا زیاته شوې ده. د ترکیې ولسمشر د... Читать дальше...

په لیتوانیا کې نن یکشنبه خلک د ولسمشرۍ د انتخاباتو کاندیدانو ته رأیې ورکوي. ۹ تنه د ولسمشرۍ د څوکۍ لپاره کاندیدان دي. د انتخاباتو ګټونکی به د اوسنۍ ولسمشرې دالیا ګرای باوسکایتې ځای ونیسي چې د ولسمشرۍ دوه دورې یې پوره شوې دي. په دې هېواد کې هم د افغانستان او یو شمېر نورو هېوادونو په شان که هېڅ کاندید په سلو کې پنځوس جمع یو رأیې ونه ګټلې، د دوو مخکښو کاندیدانو ترمنځ بل پړاو انتخابات کېږي. د بل پړاو انتخاباتو لپاره د روانې مې میاشتې ۲۶ مه نېټه په پام کې نیول شوې ده. لیتوانیا د اروپا په شمال... Читать дальше...

د هدفي وژنو په لړ کې نامعلومو وسله والو نن یکشنبه د بغلان د ملي امنیت د ریاست یو چارواکی وواژه. یوې امنیتي سرچینې چې نه یې غوښتل نوم یې یاد شي، ازادي راډیو ته وویل چې د بغلان د ملي امنیت د ریاست اوپراتیفي مرستیال عبدالغفور محمود نن سهار د دوشي ولسوالۍ په کېلګي کې ووژل شو. سرچینې وویل چې نوموړی د دولت د وسله والو مخالفانو له لوري ویشتل شوی دی. د پېښې نور جزیات نشته او تراوسه پورې د دولت وسله والو مخالفانو په دې اړه څه نه دي ویلي. پرون په کابل کې د ولسي جرګې د کلتوري او دیني کمېسیون سلاکاره... Читать дальше...

د ایران ولسمشر حسن روحاني له اقتصادي ستونزو سره د مقابلې لپاره د خپل هېواد د سیاسي ډلو ترمنځ د یووالي غوښتنه وکړه. روحاني دا غوښتنه په داسې حال کې وکړه چې د امریکا بندیزونو پر ایران اقتصادي فشار زیات کړی دی. د ایران د دولتي خبري اژانس ایرنا د راپور له مخې، حسن روحاني پرون شنبه وویل: "د دښمنانو له لوري فشار زموږ د اسلامي انقلاب په تاریخ کې بې ساری جنګ دی." ده د بېلابېلو ډلو فعالانو ته په وینا کې همداراز وویل: "نن نه شو ویلای چې ایا د جنګ (د ایران – عراق جنګ) تر کلونو ښه که بد شرایط دي، خو... Читать дальше...

د یمن له لوېدیځه د ورکړای شویو راپورونو له مخې، د ایران له ملاتړه برخمنو یاغیانو د سور سمندرګي په غاړه له دوو بندرونو وتل پیل کړي دي. دوی د دغو بندرونو په درېیو مرکزونو کې دېره وو. حوثي یاغیانو ویلي وو چې د سویډن په ستاکوهلم کې د دسمبر د میاشتې د سولې له جوړجاړې سره سم به له دغو مرکزونو ووځي. خو د یمن حکومت حوثي یاغیان د یوې نوې دسیسې په پیلولو تورن کړي دي. ملګروملتو پرون شنبه وویل چې د سورسمندرګي په غاړه له بندري مرکزونو څخه د حوثي یاغیانو د وتلو بهیر څاري. دا سیمې له ۲۰۱۴ میلادي کال راهیسې د حوثي یاغیانو په کنټرول کې دي.

د کابل پولیس وايي، د ولسي جرګې د یوې سلاکارې او د ټلوېزیوني خپرونو د کوربنې مینې منګل د قضیې په اړه پلټنې دوام لري. د کابل د امنیه قوماندانۍ ویاند فردوس فرامرز تېر ماښام ازادي راډیو ته وویل، د مېرمن منګل پلار د هغې په قتل کې پر یو چا ادعا لري او دوی له هماغه کس څخه تحقیقات کوي. مینه منګل پرون سهار د کابل په کارته‌نو سیمه کې د وسله‌والو موټر سایکل سپرو له لوري وویشتل شوه. د پېښې شاهدان وايي، دوه تنه پر موټرسایکل سپاره وو، لومړی یې هوايي ډزې وکړې او بیا یې مینه منګل وویشته. پولیس وايي، ممکن د هغې پخوانی مېړه په‌دې پېښه کې لاس ولري. Читать дальше...

د کابل چاپ ورځپاڼو په خپلو نننیو ګڼو کې د افغانستان د سولې پروسې، د کابل د ولسي جرګې د ټاکنو د پایلو ځنډېدو او د خبریالې مینې منګل د وژل کېدو په تړاو یو شمېر لیکنې او تبصرې خپرې کړي دي.

په سمنګان کې یو سیمه‌ییز چارواکی وايي، طالبانو په یو برید کې د دره صوف پایین ولسوالۍ کې د ولسي پاڅون د یو قوماندان د کورنۍ څلور غړي وژلي دي. د دره صوف پایین ولسوال عبدالیقین احمدي نن ازادي راډیو ته وویل، طالبانو تېره شپه د دې قوماندان پر کور برید وکړ. د نوموړي په وینا برید کې درې ښځې او یو ماشوم وژل شوي. د احمدي په وینا په‌دې برید کې لس تنه نور چې ښځې او ماشومان په‌کې شامل دي ټپیان شوې دي. وسلهءوالو طالبانو تر اوسه په‌دې اړه څه نه‌دي ویلي.

د امریکا متحدو ایالاتونو د دفاع پخوانی وزیر وایي، که امريکايي پوځیان ناڅاپه له افغانستانه ووځي، دا واقعي خطر شته چې طالبان بیا پر دغه هېواد ولکه ټینګه کړي. رابرټ ګېټس پرون د امریکا له «CBC News» ټلوېزیون سره په مرکه کې وویل، امریکا باید له افغانستانه د پوځيانو تر ایستلو مخکې دا یقیني کړي چې د افغانستان حکومت ثابت دی. ښاغلي ګېټس د امریکايي پوځیانو د وتلو په صورت کې د ښځو د حقونو پر کمزوري کېدو هم اندېښنه وښوده. رابرټ ګېټس له ۲۰۰۶میلادي کال څخه تر ۲۰۱۱ میلادي کاله پورې د امریکا د دفاع وزیر و. Читать дальше...

د افغانستان د کورنيو چارو وزارت وايي، په هېواد کې يې د هدفي وژنو د مخنيوي هڅې چټکې کړي دي. په کابل او څو ولايتونو کې د وروستيو هدفي وژنو له کبله ديني عالمان، ځينې بانفوذ کسان او تحصيل کړي ځوانان په نښه شوي دي. پرون شنبه په کابل کې د ټلوېزيوني خپرونو يوه پخوانۍ ويانده او د ولسي جرګې د فرهنګي او ديني چارو کمېسيون سلاکاره مينه منګل ووژل شوه. د کورنيو چارو وزارت وياند نصرت رحيمي بيا وايي، دوى د دغسې وژنو د مخنيوي هڅې کړي دي: "د افغانستان په ګوټ- ګوټ او کابل کې هدفي وژنې کمې شوي دي. زموږ هڅه هم... Читать дальше...

ډیلي مېل بیا د مینه‌منګل د وژنې په اړه په خپل مطلب کې لیکي چې دا لا معلومه نه‌ده چې دا خبریاله د تروریستي برید ښکار شوې...

د ملي امنیت ځواکونوپه کندهار کې د داعش ډلې د جلب و جذب قوماندان نيولی.

د بلوچستان د ازادۍ پوځ په نوم د بلوڅانو يوې بېلتون غوښتونکې ډلې، د پاکستان د بلوچستان ايالات په ګوادر کې پر يوه عصري هوټل...

د ملکيانو د خونديتوب او عدالت غوښتنې ډله له وسلوالو طالبانو غواړي، چې د سولې مذاکرو له ګرمېدو سره سم جګړه ودروي.

په پکتیکا کې چارواکي د لس طالب وسله‌والو د وژلو ادعا کوي. د پکتیکا د امنیه قوماندانۍ ویاند شامحمد ارین ازادي راډیو ته وویل، تېره شپه د برمل په ولسوالۍ کې د وسله‌والو طالبانو پر یو مرکز هوايي برید کې لس وسله‌وال وژل شوي دي. وسله‌والو طالبانو په‌دې اړه کومه تبصره نه‌ده کړې.

د افغانستان دفاع وزارت د پنټاګون وروستۍ پرېکړه چې د افغان امنيتي ځواکونو په میليونونو ډالره بودجه يې ګرځولې، جدي نه ګڼي.