Новости за 03.02.2021

د روغتیا د نړیوال سازمان څېړونکي د چین ووهان ښار د تحقیقاتو مرکز ته لاړل چې د کرونا ویروس د وبا د خپرېدو په اړه څېړنې وکړي.  دوی نن چهارشنبه (د سلواغې ۱۵مه) د ووهان ویرولوجي انسټیټیوټ وکوت چې معلومات راټول کړي.  د جاپان 'ټي.بي.اېس' راډیو – ټلوېزیون د راپور له مخې، د روغتیا د نړیوال سازمان غړي پیټر دازاک وویل، دوی غواړي چې په دې ځای کې له ټولو کلیدي کسانو سره وویني او مهمې پوښتنې چې باید وشي، ورڅخه وکړي.  په دغه انسټیټیوټ کې وروسته له دې چې په ۲۰۰۳ میلادي کال کې شدیده تنفسي ناروغي خپره شوه،... Читать дальше...

د افغانستان صنعت او سوداګرۍ وزارت وایي، په دې وروستیو کې په بلخ ولایت کې د غوښو د چرګانو تولیدات ډېر شوي دي. د دې وزارت ویاند، فواد احمدي ازادي راډیو ته وویل، په بلخ ولایت کې د غوښې د چرګانو پنځه فابریکې فعالیت کوي چې هره میاشت ۵۰۰ زره غوښین چرګان تولیدوي. د ښاغلي احمدي په خبره، دغه فابریکې په یوه ورځ کې ۴۰ ټنه د چرګانو غوښې د بلخ ولایت او ورڅېرمه سيمو بازارونو ته د خرڅلاو په موخه استوي. نوموړی زیاتوي، د دوی د شمېرنې له مخې، افغانستان د چرګانو د غوښو او هګیو له اړخه ځان بسیاینې ته نږدې شوی... Читать дальше...

د سعودي عربستان په پلازمېنه ریاض کې د بلجیم د سفارت لوکسه ودانۍ د موډلانو د یوې نندارې کوربه وه. دوی د سعودي عربستان د خلکو دودیزې جامې نندارې ته وړاندې کړې، نور حال په دې ویډیو کې:

د ميانمار پوځ د ګل پر ورځ د هېواد کنټرول له هغه څو ساعته وروسته په خپلولاسونو کې کړ چې د انګ سان سوچي په ګډون یې ولسي مشران په حراست کې واخیستل. پوځ ویلي چې د دوي لخوا په وروستيو انتخاباتو کې د درغليو په ادعاوعمل نه دی شوی. نور په دې ویډیويي راپور کې.

د جرمني د بهرنیو چارو وزیر هایکو ماس وايي، نړیوال ځواکونه باید د افغانستان د سولې د پروسې تر بشپړېدو مخکې له دغه هېواده راونه وځي. هغه دا خبره پرون سې شنبه (د سلواغې ۱۴مه) جرمني رسنیو ته په یوه انلاین کنفرانس کې کړې ده. ښاغلی ماس ویلي، په قطر کې د سولې پروسه ډېره پڅ مخته ځي او د اپرېل تر پایه د ده په خبره نتیجه نه ورکوي. امریکا له طالبانو سره د پخواني ولسمشر ډونالډ ټرمپ په دوره کې تړون کړی او له مخې یې تر مې پورې د ځواکونو د ایستلو ژمنه کړې ده. د جرمني د بهرنیو چارو وزیر د امریکا د پخواني... Читать дальше...

د الکسي ناوالنۍ د بند د حکم پر ضد د راوتلو خلکو له ډلې نږدې ۱۴۰۰ کسان نیول شوي دي.  محکمې د مسکو په وخت بېګا شااوخوا اته بجې په ناوالنۍ د دوو کلونو او اتو میاشتو تنفیذي بند حکم وکړ.  پولیسو د دې محاکمې لپاره سخت امنیتي تدابیر نیولي و. د راپورونو له مخې د ناوالني په ملاتړ په راټولو شوېو سلګونو کسانو باندې پولیسو له زور زیاتي کار اخیستی او په هغوی یې د اوسپنیزو ډنډو ګوزارونه کړي دي.   د هغو کسانو له ډلې چې د قاضي د حکم په غبرګون راوتلي وو، یواځې په مسکو کې څه باندې ۱۱ سوه کسان نیول شوي.  ... Читать дальше...

د افغانستان د کرنې اوبو لګونې او مالدارۍ وزارت وایي، په لغمان ولایت کې د بېرې ۴۰۰ هکټاره ځنګلونه جوړ شوي دي. د دې وزارت ویاند اکبر رستمي د چهارشنبې (د سلواغې ۱۵مه) په ورځ  ازادي راډیو ته وویل، د دې نیالګیو د کېښودو لړۍ دوه کاله وړاندې د خوړو نړیوالې ادارې ' WFP' په مرسته پیل شوې چې په یاده موده کې یې ۶۵۰ کسانو ته د کار زمینه برابره کړې ده. ښاغلی رستمي زیاتوي، یاد ځنګلونه د شاتو مچیو د روزنې د صنعت د پرمختګ او د شاتو د تولیداتو د زیاتوالي په پار جوړ شوي دي. د نوموړي په وینا لغمان سره د ننګرهار،... Читать дальше...

د ارزګان چارواکي وايي، تېره شپه شااوخوا دوه نیمې بجې د مرکز ترينکوټ اړوند چنارک سيمه کې وسله والو طالبانو د افغان ځواکونو پر يوې امنيتي قرارګاه موټر بم بريد کړی دی. د ارزګان والي محمد عمر شېرزاد نن چهارشنبه (د سلواغې ۱۵مه) ازادي راډيو ته وویل چې په دې برید کې څلورافغان سرتیري وژل شوي او درې نور ټپیان دي: "چنارک سیمه کې برید د ملي اردو دوه تنه سرتیري، یو ملي پولیس او یو سُنګري وژلی دی او ۳ نور سرتیري یې ټپیان کړي دي." ښاغلی شېرزاد زیاتوي، سیمې ته تازه دمي ځواکونه رسيدلي او وضعیت یې کابو کړی دی. Читать дальше...

د کابل چاپ د نن ورځې په ګڼو کې پر بېلابېلو موضوعاتو بحثونه او تبصرې شوي دي.  هشت صبح هشت صبح ورځپاڼې په خپله سرمقاله کې په افغانستان کې د تاوتریخوالي پر زیاتېدو اندېښنه ښودل شوې ده.  د سرمقالې لیکوال لیکلي، سره له دې چې څو ورځې وړاندې اروپايي ټولنې، د ناټو ملکي استازو، امریکا او څو نورو هېوادونو په افغانستان کې د تاوتریخوالي پر زیاتوالي د اندېښنو ګډه اعلامیه هم خپره کړه، خو له دې سره د تاوتریخوالي بهېر لا هم روان دی. وړاندې په سرمقاله کې راغلي، د افغانستان د سولې په اړه نړیوال بدلون، له... Читать дальше...

د امریکا متحدو ایالتونو او بریتانیا د روسیې د محکمې هغه پریکړه وغندله چې د اپوزیسون مشر الکسي ناوالنۍ ته یې د درې نیمو کلونو بند سزا ورکړې ده.  د امریکا غبرګون د امریکا د بهرنیو چارو وزیر انتوني بلېنکن د روسیې د محکمې دغه پریکړه وغندله او د روسیې له حکومته یې وغوښتل چې الکسي ناوالنۍ دې سمدستي او له قید او شرط پرته خوشې کړي.  ښاغلي بلېنکین په هغه بیان کې چې پرون سې شنبه (د سلواغې ۱۴مه) د بهرنیو چارو وزارت پر وېب پاڼه کې خپور شوی دغه راز د روسیې له حکومته غوښتي چې خپل هغه نور په سلګونو وګړي... Читать дальше...

د افغانستان د بیارغونې پر چارو د امریکا څارونکې ادارې سیګار په خپل نوي راپور کې په افغانستان کې د انتخاباتو سیسټم او ترسره شوي انتخابات له نیمګړتیاوو ډک بللي او وایي، په تېرو ۱۹ کلونو کې نړیوالې ټولنې څه باندې یو میلیارډ ډالر په دې هېواد کې پر دواړو پروسو لګولي، خو مطلوبه نتیجه یې نه ورکړې.  سیګار په دې راپور کې چې پرون سې شنبې (د سلواغې ۱۴مه) یې خپور کړې وایي، متحده ایالات په افغانستان کې له انتخاباتو اته درسونه اخلي. په دغه راپور کې دغه درسونه د دې لپاره په نښه شوي چې د متحدو ایالتونو په پالیسیو... Читать дальше...

د امریکا د پولیسو فدرالي ادارې 'اېف.بي.ای' ویلي چې د ماشومانو د ځورونې په تړاو د یوه مشکوک کس د نیولو لپاره د عملیاتو پر جریان کې د دې ادارې دوه کارکوونکي وژل شوي او درې نور ټپیان شوي دي.  دغه پېښه پرون سې شنبه (د سلواغې ۱۴مه) د امریکا په فلورېډا ایالت کې شوې ده.  د 'اېف.بي.ای' یوه مامور مایکل لېوراک پرون په میامي کې وویل چې تورن کس د خپل کور له داخله د دې ادارې پر مامورینو ډزې وکړې چې په متقابلو ډزو کې په خپله هم ووژل شو.  د وژل شوي تورن کس هویت نه دی په ډاګه شوی.

د یخ پر سر د هاکي نړیوال فدراسیون پریکړه کړې چې د ۲۰۲۱ میلادي کال نړیوالې لوبې دې د لېتوانیا په پلازمېنه رېګا کې ترسره شي.  دغه پریکړه وروسته تردې وشوه چې بېلاروس تېره میاشت په ګډه د دغو لوبو له کوربه توب څخه محروم شو.  د یخ پرسر د هاکي نړیوال فدراسیون په یوه خبرپاڼه کې ویلي چې د سلواک جمهوریت او ډنمارک هم د دې لوبو ګډ کوربه توب ته وړاندیز کړی و، خو دوی د کرونا د وبا خطرونو ته په پام دا غوره وګڼله چې ټول لوبغاړي په ریګا کې دغه لوبې ترسره کړي.   په پام کې ده دغه نړیوالې لوبې د روان میلادي کال په مې او جون میاشتو کې ترسره شي.

روسي ساینس پوهان وایي، ښکاري چې د دې هېواد له خوا جوړ شوی د کرونا ضد 'سپوټنیک وي' واکسین اغېزمن دی.  دغو ساینس پوهانو دا خبره د 'سپوټنیک وي' واکسین په اړه د هغې پرمختللې څېړنې د لومړنۍ نتیجې پر اساس چې د بریتانیا د 'لنسټ' په نوم روغتیایي مجله کې خپره شوې، کړې ده.  څېړونکو ویلي چې د هغې ازموینې له مخې چې تېر کال مني کې یې پر شااوخوا شل زره کسانو ترسره کړ، د 'کووېډ – ۱۹' ناروغۍ پر وړاندې د دغه واکسین مؤثریت په سلو کې شااوخوا ۹۱ دی.  د 'سپوټنیک وي' واکسین د ۲۰۲۰ میلادي کال په اګسټ میاشت کې د روسیې... Читать дальше...

د افغانستان د ملي امنیت سلاکار حمدالله محب وایي، د طالبانو بریدونه باید هر څومره ژر ودرول شي. ښاغلي محب دا خبره پرون سې شنبه (د سلواغې ۱۴مه) په کابل کې د افغانستان لپاره د اروپایي ټولنې له سفیر اندریس وان برانیټ سره په کتنه کې کړې.  د افغانستان د ملي امنیت شورا په یوه ټویټ کې لیکي چې په دې کتنه کې دواړو لورو د سولې په پروسه او په افغانستان کې د امن او ثبات په چارو کې د دې ټولنې د همکارۍ په اړه خبرې وکړې.  دغه راز د افغانستان لپاره د اروپایي ټولنې ځانګړي استازي رولانډ کوبیا هم په دې اړه چې په... Читать дальше...

د افغانستان د بهرنیو چارو وزیر حنیف اتمر د هغه رېلګاډي پروژه چې مزار شریف به د کابل له لارې له پېښور سره نښلوي، د افغانستان لپاره حیاتي وبلله او ویې ویل چې پر دې سربېره به دغه پروژه د افغانستان له لارې د جنوبي اسیا او د مرکزي اسیا د نښلولو خوب په حقیقت بدل کړي.  دغه پروژه پرون سې شنبه (د سلواغې ۱۴مه) په تاشکند کې د امریکا د سفیر او د نړیوالو ادارو د یو شمېر استازیو په حضور کې د افغانستان، پاکستان او ازبکستان ترمنځ لاسلیک شوه.  ښاغلي اتمر تېر ماښام په یوه ټویټ کې لیکلي چې دغه پروژه به د سوداګرۍ،... Читать дальше...

د افغانستان د بشري حقونو خپلواک کمېسیون وایي، هدفي وژنې او پرملکیانو حملې باید سمدستي پای ته ورسول شي.   دغه کمېسیون پرون سې شنبې (د سلواغې ۱۴مه) ناوخته په خپله ټویټرپاڼه کې لیکلي چې پر ملکیانو حملې، په ښکاره جنګي جنایت او د بشریت ضد جرمونو څخه شمېرل کېږي.  پرون په پلازمېنه کابل کې په درې حملو کې لږ تر لږه دوه تنه ووژل شول او اته تنه نور ټپیان شول. په وژل شوېو کې د افغانستان د اصلاح ټولنې د مرکزي شورا مشرمحمد عاطف هم شامل و.  د افغانستان د بشري حقونو خپلواک کمېسیون ویلي چې د دغو حملو عاملان... Читать дальше...

د کندز ښار په امام صاحب بندر کې یو رسټورانټ له پنځوسو کلونو راهیسې خپلو پېرودونکو ته یوازې چاینکي پخوي. دا رستورانټ د چاینکیو په پخولو کې دومره شهرت لري چې ان د بغلان او تخار ولایت څخه ورته خلک ورته ورځي. دا ښايي کندز کې د ګوتو په شمار د پخواني رسټورانټونو څخه یو وي. ودانۍ یې خټینه او زړه او دننه سالون یې له لوګیو ډک، خو تود دی. په دیوالونو یې پخوانۍ منظرې لګېدلې. له لوګیو په ډک سالون کې اخوا دیخوا پر تختونو ناست کسان ښکاري. د دې رسټورانټ ټول پیرودونکي د ژمي په سړه هوا کې د دې ځای د مشهورې چاینکي په خوراک پسې راغلي دي. Читать дальше...