Новости за 10.05.2021

بریتانیا اعلان وکړ چې په انګلستان کې د کرونا ویروس له کبله لګول شوي محدودیتونه نور هم کموي. د بریتانیا حکومت پرون یکشنبه وویل، د کرونا ضد واکسین د تطبیق بریالی کمپاین په دغه هېواد کې په کرونا ویروس د خلکو د مړه کېدو پېښې کمې کړې دي. د بریتانیا صدراعظم بورېس جانسون به په دې اړه نن دوشنبه نور جزئیات ورکړي.  بریتانیا په څلورو مرحلو کې لګول شوی قرنطین په تدریجي ډول راکم کړ. په بریتانیا کې په ټوله کې په کرونا ویروس د اخته کسانو شمېر له څلورو ملیونو او څلورنیمو لکو اوښتی دی.

‏‎کابل چاپ ورځ پاڼو په خپلو نننیو ګڼو کې بېلابېل موضوعات خپاره کړي دي. ‏‎هشت صبح هشت صبح ورځپاڼې د طالبانو له لوري د اختر په درې ورځو کې د اوربند په مسئلې بحث کړی او لیکلي دي چې طالبانو په داسې حال کې د اوربند اعلان وکړ چې تېره یوه میاشت د افغانستان لپاره خونړۍ وه. د مطلب لیکوال ټینګار کړی او لیکلي یې دي که طالبان له دې امله شکایت کوي چې د دوی او امریکا ترمنځ د دوحې د توافق له مخې د بهرنیو ځواکونو په مهالوېش کې نقض راغلی په خبره‌یې امریکا او افغان حکومت هم باید دا طالبانو ته څرګنده کړي چې... Читать дальше...

د عراق په کربلا کې د یوه وتلي فعال تر وژل کېدو وروسته عراقي مظاهره‌چیانو پرون هڅه وکړه چې د شیعه‌ګانو په دغه سپېڅلي ځای کې د ایران قونسلګرۍ ته اور واچوي. ایهاب وزني چې د ۲۰۱۹م کال په اکټوبر میاشت کې په عراق کې د حکومت ضد اعتراضونو د تنظیموونکي په توګه مشهور و، وخت ناوخت‌یې پر اداري فساد، په ایران پورې د تړلو  ملېشه‌وو او په عراق کې یې د ایران د نفوذ په اړه انتقادونه کول. دی د شنبې ناوخته له خپل کور دباندې د نامعلومو موټرسایکل سپرو وسله‌والو په حمله کې ووژل شو. د عراق د بشري حقونو خپلواک کمېسیون... Читать дальше...

د ملګرو ملتونو سرمنشي له اسرائیل غوښتنه وکړه چې تر ډېره حده له زغم څخه کار واخلي او د سوله‌ییزو غونډو د ازادۍ حق ته درناوی وکړي. د ملګرو ملتونو یوه ویاند پرون یکشنبه وویل چې سرمنشي انتونیو ګوترش په اشغال شوي ختیځ بیت‌المقدس او له خپلو کورونو د فلسطیني کورنیو د احتمالي اخراج په اړه ژوره اندېښنه ښوولې ده. د فلسطیني مظاهره‌چیانو او اسرائیلي پولیسو په نښتو کې لږترلږه ۱۰۰ تنه فلسطینیان ټپيان شوي دي. دا خبره د فلسطین د سره صلیب کمېټې چارواکو پرون یکشنبه رسنیو ته کړې ده. نښتې د مسلمانانو د درېیم... Читать дальше...

د افغانستان دفاع وزارت وايي، د هوايي ځواک یوې څرخي الوتکې د کندهار په ارغستان ولسوالۍ کې اضطراري ناسته کړې ده. دغه وزارت په یوه اعلامیه کې ویلي، دغه الوتکه تېره شپه د هوا د خرابوالي له کبله اضطراري ناستې ته مجبوره شوه. د وزارت په حواله، په پېښه کې دوو پیلوټانو ته کوم زیان نه‌دی اوښتی. د دغې الوتکې نوعیت نه‌دی روښانه شوی. خو د کندهار په هوايي لواء کې يوې سرچينې ازادي راډیو ته وویل چې دغې الوتکې د کندهار هوايي ډګر ته نږدې د ارغستان ولسوالۍ په (جګ نري) په سیمه کې د تخنيکي ستونزې له امله بېړنۍ ناسته کړې او يو پيلوټ ټپي شوی دی.

حزب التحریر، هغه ګوند چې د افغانستان له پولو ور هاخوا ټوله نړۍ کې د یوه اسلامي خلافت جوړېدل غواړي او د اوسنیو حکومتونو له‌خوا جوړ شوي قوانین له اسلامي تفکر سره په ټکر کې بولي او نه یې مني. دا ګوند ۶۸ کاله وړاندې د تقي‌الدین النبهاني له‌خوا په فلسطین کې جوړ شو، خو وروسته یې لمن ډېرو اسلامي هېوادونو ته وغځېده، اوس يې دې وروستیو کې د تاجکیستان، ازبیکستان، اندونیزیا، بنګله‌دېش او ترکیې په ګډون په ډېرو اسلامي هېوادونو کې پر فعالیت بندیز لګېدلی. افغانستان کې د حزب التحریر فعالیت حزب التحریر په... Читать дальше...

نیویارک پوسټ نیویارک پوسټ ورځپاڼه د کابل په دشت برچي سیمه کې د نجونو پر یوه ښوونځي د خونړي برید په اړه لیکي، افغان ولسمشر اشرف غني د دغه برید ملامتي پر وسله‌والو طالبانو چې د ورځپاڼې په وینا د ښځو او نجونو له زده‌کړې سره مخالف دي، واچوله خو دې ډلې دغه برید وغانده او ویې‌ویل چې په‌کې لاس نه‌لري. د دغه برید چې تر ۵۰ ډېر کسان په‌کې ووژل شول او له ۱۰۰ هم زیات ټپیان شول، مسؤلیت تر اوسه کومې ډلې نه‌دی اخیستی، خو له دې مخکې د اسلامي دولت ډلې یا داعش چې په دې سیمه کې پر شیعه‌ګانو ډېری حملې کړي، مسؤلیت اخیستی دی. Читать дальше...

د زابل په شهر صفا ولسوالۍ کې د مسافرو پر یوه ۴۰۴ موټر د سړک غاړې ماین چاودنې د ښځو او ماشومانو په ګډون ۱۱ کسان وژلي او ۲۷ نور یې ټپیان کړي دي. د زابل د والي ویاند ګل اسلام سیال ازادي راډیو ته پېښه تأییدوي او وايي چې د دوشنبې په شپه شااوخوا دوه بجې د یوه خصوصي ترانسپورټي شرکت پر یوه ۴۰۴ موټر د زابل په شهر صفا ولسوالۍ کې د سړک غاړې دوو پرله‌پسې خښ شویو ماینونو چاودنه کړې ده. د سیال په وینا دغه موټر له کابله-کندهار ته پر لاره وو. سیال وویل: "له بده مرغه د هېواد او سولې د دښمنانو له‌خوا د شهر... Читать дальше...

د اسلامي همکارۍ سازمان د یوې اعلامیې په خپرولو سره د کابل ښار په دشت برچي سیمه کې د شنبې ورځې برید په کلکو ټکو غندلی او هغه‌یې یوه ترهګریزه پېښه یاده کړې. دا د هغو لسګونو نړیوالو غبرګونو په ډله کې دی چې پرون ناوخته راغلي. د دغه سازمان رئیس یوسف بن احمد العثیمین ویلي چې دا ډول بریدونه د منلو وړ نه‌دي. هغه د اسلامي همکارۍ سازمان په استازیتوب له ترهګرۍ سره په مبارزه کې له افغانانو سره خپل یووالی ښودلی. په دې برید کې چې د سیدالشهدا نجونو ښوونځي مخ ته وشو د رسمي شمېرو له مخې له ۵۰ زیات کسان وژل شوي او تر ۱۰۰ زیات ټپیان دي. Читать дальше...

د کابل په دشت برچي کې د شنبې ورځې او په لوګر کې د خونړي برید په خاطر افغان ولسمشر سې شنبه ملي ماتم اعلان کړی. ولسمشر محمد اشرف غني یکشنبه وویل چې د مړو او ټپیانو له کورنیو سره په غم او درد کې ځان شریک بولي او په همدې خاطر د سې شنبې په ورځ د ملي ماتم او سراسري فاتحې اعلان کوي. ښاغلي غني وویل: "په لوګر کې په بې‌ګناه محصلینو او په کابل کې پر معصومو زده‌کوونکو د ترهګریزو بریدونو د شهیدانو د درناوي لپاره د همدې اوونۍ سې شنبې ورځ د ملي ماتم اعلان کوم. د دې غمجنې پېښې د شهیدانو د روح لپاره به د ارګ... Читать дальше...

ایران د سره صلیب له نړیوالې کمېټې غوښتي چې هلته د مېشتو افغان کډوالو لپاره د کرونا دوه ملیون دوزه واکسین ورکړي. ایراني رسنیو دا خبره د ایران د سره صلیب کمېټې د مشر کریم همتي په حواله خپره کړې ده. همتي ویلي اوس وخت له دوو ملیونو تر درېیو ملیونو پورې افغانان په ایران کې هستوګن دي چې د کرونا واکسین ته اړتیا لري. د ایران د سره صلیب کمېټې مشر زیاته کړې چې د سره صلیب له نړیوالې کمېټې یې رسماً د دغو افغان کډوالو د واکسینولو لپاره د دوه ملیون دوزه کرونا واکسین غوښتنه کړې، خو تر اوسه‌یې مثبت ځواب نه‌دی ترلاسه کړی. Читать дальше...

د فلسطیني مظاهره‌چیانو او اسرائیلي پولیسو په نښتو کې لږترلږه ۱۰۰ تنه فلسطینیان ټپيان شوي دي. دا خبره د فلسطین د سره صلیب کمېټې چارواکو پرون یکشنبه رسنیو ته کړې ده. نښتې د مسلمانانو د درېیم تر ټولو سپېڅلي ځای او پر هغه ځمکه د فلسطینیانو د کورونو خالي کولو پر سر پیدا شوې چې یهودان‌یې د ملکیت دعوه کوي. پولیسو د زرګونه فلسطینیانو پر ضد ربړي مرمۍ، اوښکې بهوونکی ګاز او ګنګسوونکي لاسي بمونه کارولي دي. د اسرائیل پولیسو بیا ویلي چې د دوی ۱۷ تنه هم ټپیان شوي دي. د نړۍ د کاتولیک عیسویانو رهبر پاپ... Читать дальше...

د سعودي عربستان د ښځو د حقونو مخکښه فعاله لجين الهذلول د کورنیو چارو وزارت د پوښتنو لپاره احضار کړې ده. د لجین خور په خپل ټویټر دا خبر ورکړی دی. لجین درې میاشتې مخکې له زندانه خوشې شوې وه. لجین الهذلول په سعودي کې د ښځو لپاره د موټر چلونې د حق لپاره پراخه مبارزه کړې ده او هم‌یې په دغه هېواد کې ښځو ته په لږه ونډه نیوکې کړي. دا مخکښه فعاله په ۲۰۱۸ کال کې له ګڼو نورو ښځو سره په ګډه زنداني شوې وه.

د برازیل ولسمشر ژایر بولسونارو د مور د ورځې په درنښت د موټرسایکل چلونې په یوه سیالۍ کې ګډون وکړ. دا سیالي په پلازمېنه برازیلیا کې پرون ترسره شوې. ولسمشر بولسونارو له ولسمشرۍ ماڼۍ الوورادا ووت او د سلګونه موټرسایکل چلوونکو په ملتیا یې د ښار په منځ کې شاوخوا یو ساعت موټرسایکل وچلاوه. د برازیل په ولسمشر د کرونا ویروس د مخنیوي په برخه کې تُندې نیوکې کېږي ځکه هلته د کرونا له لاسه د مړو شمېر نږدې څلور لکه او ۲۰ زرو کسانو ته پورته شوی دی. خو د راپورونو له مخې ولسمشر بولسونارو د موټرسایکل چلونې په... Читать дальше...

طالبانو اعلان کړی چې د اختر په درېیو ورځو کې خپل بریدونه دروي.  د دې ډلې له‌خوا یکشنبه ناوخته د اختر د درېیو ورځو د اوربند په عنوان یوه اعلامیه خپره شوې.  په اعلامیه کې د طالبانو مشرتابه په خپلو جنګیالیو غږ کړی چې د کوچني اختر په شپو ورځو کې هېوادوالو ته د امن او ډاډ فضا برابره کړي او د اختر له لومړۍ تر درېیمې د افغان ځواکونو په وړاندې هر ډول تعرضي عملیات ودروي. د دې ډلې په اعلامیه کې دا هم راغلي چې که په طالبانو برید وشو له ځان به دفاع وکړي. د طالبانو او افغان حکومت له‌خوا تېرو اخترونو کې... Читать дальше...