د اکوادور یوه زندان کې شخړه؛ پولیسو یې کنټرول بېرته لاس کې واخېست
پولیسو په اکوادور کې د هغه محبس کنټرول بېرته په لاس کې واخېست چې د بندیانو تر منځ د څو ورځنۍ بلوا په نتیجه کې ۱۱۸ کسان ووژل.
د مخدره موادو د دوو قاچاقي ډلو د بندیانو ترمنځ په زندان کې د برلاسۍ په سر دعوې دا لویه شخړه رامنځته کړې وه.
د سېپټمبر له ۸مې تر دېرشمې پورې د اکوادور په بندري ښار ګوایاکېل کې د زندان کنټرول د بندیانو په لاس کې وو.
د پولیسو په خبره په دې موده کې د بندیانو د دوو ډلو تر منځ د جګړو له امله د وژل شویو ۱۱۸ زندانیانو له ډلې د لږ تر لږه شپږو سرونه غوڅ شوي و.
چارواکو دا د لاتینې امریکا د زندانونو د بلوا او جګړو یوه تر خونړۍ هغه بللې ده.
د ګوایاکېل د محبس شاوخوا د وژل شویو بندیانو کورنۍ ور ټولې وې څو خپل جسدونه یوسي.