فنلند له افغانستان څخه د ۵۰ کسانو د ایستلو هڅه کوي
فنلند هڅه کوي چې له افغانستان څخه ۵۰ کسان وباسي.
د فنلند د بهرنیو چارو وزیر پیکا هاویستو ویلي چې هېواد یې غواړي دا کسان په مصون ډول له افغانستان څخه خپل هېواد ته ولېږدوي.
په دې ډله کې ۳۰ فنلندي اتباع شامل دي او اټکل شوې چې ۲۰ تنه نور به هغه وګړي وي چې د فنلند د دایمي اقامت سندونه لري.
فنلند د اګسټ میاشتې له ۱۱مې نېټې راورسته تر دې دمه له افغانستان څخه کابو ۴۰۰ کسان ایستلي دي.