بلوچستان سیاسي کړکېچ: وزیراعلی جام کمال به له څوکۍ ليرې کړای شي؟
په بلوچستان کې له تېرې څه مودې راهیسې د وزيراعلی جام کمال له څوکيو څخه د ليرې کولو لپاره هلې ځلې ګړندۍ شوې دي. واکمن ګوند بلوچستان عوامي پارټۍ او د اتحاديانو شاوخوا ۱۴ غړيو د اکتوبر پر ۱۱مه نېټه د وزيراعلی پرضد د عدم اعتماد تحريک جمع کړی البته په دې اړه د اسمبلۍ غونډه لاهم رابلل شوې نه ده. بل خوا جام کمال د اکتوبر پر ۱۲مه نېټه په کوټه کې خبرې غونډه کې باور وښود چې د ګوند ځینې مرور غړي يې پخلا کړي دي. د مشال تر رڼا لاندې کې دا کتل شوي چې ایا د واکمن ګوند د اسمبلۍ ځينې غړي او حزب اختلاف به وتوانېږي چې جام کمال له څوکۍ ليرې کړي؟ دا او ورسره تړلې نورې پوښتنې د مشال تر رڼا لاندې بحث کې څېړو.