هزاره ګان: افغانستان کې د ویرې په حالت کې ژوند کوو
هزاره ګان وایي، دوی په افغانستان کې د ویرې په حالت کې ژوند کوي او خپل کار روزګار او ژوند یې ډېر محدوده کړی دی. د دوی په خبره اوس چې خپلو امام باړو ته ځي نو په زړه کې ورسره دا اندېښنه هم وي چې ژوندي به کور ته ولاړ شي که نه. په افغانستان کې پر هزاره ګانو د وروستیو بمي حملو ذمه واري داعش ډلې منلې ده. بلخوا طالب چارواکو ویلي چې د هزاره ګانو د امام باړو امنیت ساتل یې په پلان کې شامل دي. پر دې اړه د رویټرز خبري اژانس راپور فرخنده اسد پښتو کړی دی.