د لبنان له جګړو یوشمېر بې ځایه شوي نن بیرته خپلو مېنو ته ستنېږي
په لبنان کې د جګړو له کبله یو شمېر بېځایه شوي نن جمعه ( د حمل ۲۸مه) بیرته خپلو کورونو ته ستنېږي.دا په داسې حال کې ده چې نن د لبنان او اسراییل ترمنځ لس ورځنی اوربند نافذ شوی او ډېر خلک د ویرې له کبله خپلو مېنو ته زړه نه ښه کوي.د امریکا ولسمشر ډونالد ټرمپ پرون د لبنان او اسراییل ترمنځ د اوربند د هوکړې خبر ورکړ.ټرمپ وویل چې د " معنا لرونکو خبرو" لپاره به د اسراییل صدر اعظم بنیامین نتنیاهو او د لبنان ولسمشر جوزف عون سپینې ماڼۍ ته وغواړي.لبنان په ۱۹۴۸ کال کې د اسراییل له جوړښته را په دې خوا له اسراییل سره په جګړه کې ښکېل دی.