Shtatë raste të reja me koronavirus në Kosovë
![Shtatë raste të reja me koronavirus në Kosovë](https://gdb.rferl.org/237A959C-0CE9-4941-BE9E-754B188F196A_w800_h450.jpg)
Instituti Kombëtar i Shëndetit Publik ka regjistruar të shtunën shtatë raste të reja me koronavirusin e ri, pas kryerjes së 306 testeve.
"Rastet pozitive janë raste kontakti nga: komuna e Prizrenit 3 raste (sipas vendbanimit:1 rast Gërnçar, 1 rast Jabllanicë dhe 1 rast Prizren), komuna e Vushtrrisë 3 raste (sipas vendbanimit: 3 raste Vushtrri) dhe 1 rast me vendbanim në Prishtinë", është thënë në njoftim.
Po të shtunën është bërë e ditur se nga sëmundja, Covid-19, që shkakton ky virus, janë shëruar tre pacientë, duke e çuar numrin total në 785.
Marrë parasysh të dhënat e fundit, në Kosovë deri më tani janë regjistruar 1,032 raste me koronavirus.
Prej tyre, 29 pacientë kanë vdekur.
Për më shumë lajme rreth koronavirusit përcilleni blogun e Radios Evropa e Lirë.