Mbi 6 milionë të infektuar në botë nga koronavirusi

Numri i rasteve të prekura me koronavirus në gjithë botën e ka tejkaluar shifrën 6 milionë të shtunën, sipas të dhënave të Universitetit John Hopkins.

Amerika Latine ka raportuar 50,000 viktima nga ky virus, raporton Reuters.

Shtetet si Brazili, Kili dhe Meksika, janë duke u përpjekur të ndalin hovin e përhapjes më të madhe të virusit, i cili shpërtheu në Kinë në shkurt para se të përhapej në masë të madhe në Evropë dhe Shtetet e Bashkuara.

Virusi COVID-19 që prek organet respiratore, ka marrë jetërat e 360,000 personave në botë, e që numri pritet të jetë edhe më i madh për shkak se testimet po vazhdojnë.

Rastet e para u shënuan në Vuhan të Kinës më 10 janar, ndërsa deri më 1 prill, bota arrti 1 milion raste të prekura.

Përkundër rritjes së vazhdueshme të të infekruarve, shumë shtete janë duke hapur shkollat dhe vendet e punës, pas shumë javëve në izolim për të parandaluar përhapjen, por që ka shkaktuar dëme të mëdha ekonomike.