Новости за 02.01.2021

Вазорати тандурустии Тоҷикистон рӯзи 2-уми январ эълон кард, ки дар як рӯзи гузашта  чор ҳолати нави гирифторӣ ба КОВИД-19 сабт шудааст. Аз ин пеш, ду рӯз пайи ҳам Вазорати тандурустӣ хабар дода буд, ки ҳеҷ ҳолати нави гирифторӣ ба коронавирус сабт накардааст. Ҳарчанд, мақомот нагуфтанд, ки дар он ду рӯз чанд касро ташхис кардаанд. Дар умум, ба иттилои расмӣ аз охири моҳи апрели 2020 то 2-уми январи имсол 13300 нафар ба бемории ҳамагир мубтало шуда, 90 кас ҷони худро аз даст додаанд. Вазорати тандурустӣ мегӯяд, 1239 нафар шифо ёфтаанд. Читать дальше...

Дар шаҳри Бохтари вилояти Хатлон беш аз 700 саги дайду ё бесоҳибро безарар гардонидаанд. Онҳоро аввал парронда, сипас оташ задаанд. Мақомот мегӯянд, аксари ин сагҳо беморанд ва имкони сирояти бемориашон ба сокинон вуҷуд дорад. Ҳомиёни ҳуқуқи ҳайвонот борҳо чунин шеваи бархӯрд ба сагонро дар Тоҷикистон бераҳмӣ унвон кардаанд. Зафар Ғиёсов, сардори Идораи хоҷагии коммуналии Бохтар гуфт, ки сагҳои дайдуро бар асоси шикояти раисони маҳаллаҳо нобуд кардаанд.  Ӯ гуфт, ки феълан макони махсусе барои... Читать дальше...

Шоми 2-уми декабр дар ҳудуди вилояти Мухтори Кӯҳистони Бадахшони Тоҷикистон заминларзаи 4,5 дараҷа бо ченаки ҷадвали Рихтер сабт шудааст. Тибқи иттилои Маркази зилзилашиносии Амрико, маркази заминларза 31 километр дуртар аз шаҳри Хоруғ, дар ҳудуди ноҳия Шуғнон будааст. Ҳанӯз маълум нест, ки заминларза харобие дар пай дошт, ё на. Тоҷикистон дар яке аз минтақаҳои зилзилахези қораи Осиё ҷойгир аст. Дар гузашта бар асари зилзила дар гӯшаҳои кишвар чандин хона вайрон шудааст. Аз ҷумла рӯзи 4-уми... Читать дальше...

Чорвопарварон дар вилояти Суғд, шимоли Тоҷикистон, дар остонаи соли 2021, ки аз рӯйи мучал "Соли бақар" номида мешавад, намунаи говҳои хушзотро ба намоиш гузоштанд.

Чорвопарварон дар вилояти Суғд, шимоли Тоҷикистон дар остонаи соли 2021, ки аз рӯйи мучал "Соли бақар" номида мешавад, намунаи говҳои хушзотро ба намоиш гузоштанд.

Ширкати олмонии дорусозии “BioNTech” гуфтааст, ки истеҳсоли воксинаи зидди COVID-19-ро бештар мекунад, то мушкили дастрасӣ ба воксина камтар шавад. Угур Шоҳин, муассиси “BioNTech”  ба нашрияи “Der Spiegel”-и Олмон гуфтааст, дар ҳоле ки ҳанӯз ширкатҳои дигар иҷозаи комили истифодаи воксинаро надоранд, холигоҳ дида мешавад ва бояд онро бо истеҳсоли бештар пур кунанд. “BioNTech”, воксинаи худро дар ҳамкорӣ бо ширкати амрикоии Pfizer таҳия кардааст. Онро моҳи гузашта Иттиҳоди Аврупо барои истифода тасдиқ кард ва инчунин дар Бритониё... Читать дальше...

Дар Қазоқистон пас аз ду даҳсолаи моратория ҳукми қатлро пурра бекор карданд. Дар ин бора рӯзи 2-уми январи соли равон сомонаи президенти Қазоқистон хабар додааст. Қосимҷомарт Тоқаев, президенти ин кишвар санади бекор кардани ҳукми қатлро имзо кардааст. Соли 2003 мақомоти қазоқ гуфта буданд, ки муваққатан иҷрои ҳукми қатлро бозмедоранд. Моратория маънии муваққатан боз доштани иҷрои ҳукми қатлро дошт ва дар қонунгузории Қазоқистон то кунун моддаҳое мавҷуд буданд, ки барои терроризм ва ҷиноятҳои ҷангӣ ҳукми қатл пешбинӣ мекарданд. Читать дальше...

Мақомоти Покистон ваъда доданд, ки маъбади харобшудаи ҳиндуҳоро дубора бозсозӣ мекунанд. Рӯзи 31-уми декабр издиҳоми пурхашме маъбади кӯҳани ҳиндуҳоро дар вилояти Хайбар Пахтунхоҳ оташ заданд. Пулис 14 нафарро бо гумони даст доштан дар ин ҳамла боздошт кард. Пулиси ноҳияи Карак дар вилояти қабиланишини Хайбар Пахтунхоҳ гуфт, ки амалиёт барои боздошти дигар касоне, ки дар ҳамла ба маъбад нақш доштанд, идома дорад. Пулиси ноҳияи Карак гуфт, муллоҳои маҳаллӣ бештар аз 1000 нафарро ташвиқ кардаанд... Читать дальше...

Шабакаи телевизионии “Варзиш” натиҷаи назарпурсӣ миёни корбарони сомонаашро дар бораи беҳтарин варзишгари соли 2020 нашр кардааст

Маҳпора Киромова, рӯзноманигор ва муаллифи мустанади "Мардикор" мегӯяд, бояд нигоҳи ҷомеа бахусус мардон ба мақоми зан тағйир ёбад ва боло бурдани нақши занон дар сатҳи шиор боқӣ намонад.

Маҳпора Киромова, рӯзноманигор ва муаллифи мустанади "Мардикор" мегӯяд, бояд нигоҳи ҷомеа, бахусус мардон ба мақоми зан тағйир ёбад ва боло бурдани нақши занон дар сатҳи шиор боқӣ намонад.

Кумитаи миллии олимпии Тоҷикистон хабар дод, ки Бозиҳои соҳилии Осиё дар шаҳри Саняи Чин ба далели пандемияи коронавирус бори дуюм мавқуф гузошта шуд

Мошине, ки зоҳиран дар дохили он маводи тарканда ҷойгир шуда буд, дар наздикии пойгоҳи Русия дар вилояти Раққаи Сурия таркидааст. Дар ин бора расонаҳои маҳаллӣ хабар додаанд. Гуруҳи “Ҳуррас ал-Дин”-и марбут ба созмони тундрави “Ал-Қоида” масъулияти ин ҳамларо бар душ гирифтааст. Созмони нозири ҳуқуқи инсон, ки дар Бритониё қароргоҳ дорад ва ҷанги Сурияро пайгирӣ мекунад, аз “захмӣ шудани чанд сарбози рус” хабар додааст. “Ду мард мошинро дар назди пойгоҳи низомӣ гузоштанд ва худ аз он поён шуда, сӯи пойгоҳ тир паррондаанд. Читать дальше...

Ҳусейн Саломӣ, фармондеҳи Сипоҳи посдорони инқилоби исломии Эрон мегӯяд, кишвараш омодаи посух ба ҳама гуна фишорҳои низомии Иёлоти Муттаҳидаи Амрико аст. Ин паём дар остонаи солгарди қатли Қосим Сулаймонӣ, фармондеҳи Сипоҳи посдорон садо дод. Генерал Ҳусейн Саломӣ гуфт, ки Эрон "мушкиле, нигаронӣ ва ё тарсу ҳарос аз бархӯрд бо ягон қудрат"-ро надорад. Ин фармондеҳи эронӣ рӯзи 1-уми январ дар маросими ёдбуди Қосим Сулаймонӣ дар Донишгоҳи Теҳрон суханронӣ кард. Аз ин пештар Иброҳим Раисӣ, раиси Додгоҳи Эрон гуфт... Читать дальше...

Аз сабти сироят ба шакли нави коронавирус, ки бори аввал дар Бритониё ба қайд гирифта шуд, дар 33 кишвари дигари дунё низ хабар доданд. Ин шакли коронавирус ба он фарқ мекунад, ки бо суръати баланд дар миёни аҳолӣ паҳн мешавад. Бритониёи Кабир дубора ҳолати фавқулода ҷорӣ кард ва мактабҳои ибтидоиро дар Лондон баст. Аксари кишварҳои дунё парвоз ба Бритониёро қатъ карданд. Дар ҳоле чунин тасмим гирифта шуд, ки дар чор рӯзи охир дар Бритониё 50 ҳазор нафарӣ ба коронавирус сироят ёфтанд. Дар... Читать дальше...

Муҳаммадюсуф Исмоилов, хабарнигори зиндонии тоҷик дар маҳбас нигарон аст, ки ҷуброни зарари мақомот муайян кардаро пардохтааст, вале ҷазояшро сабук накарданд.

На танҳо дар Тоҷикистон, балки дар тамоми дунё ҳамагирии коронавирус дар соли 2020 муносибати байни шаҳрвандон ва ҳукуматҳоро мавриди имтиҳон қарор дод.