Новости за 03.01.2021

Ҳазорон нафар аз ироқиён рӯзи 3-уми январ дар майдони Таҳрир дар маркази шаҳри Бағдод ҷамъ омада ва аз қатли як генерали баландрутбаи Эрон ва як фармондеҳи ниманизомиёни шиамазҳаб дар рӯзи 3-уми январи соли гузашта эътироз карданд. Дар он рӯз Қосим Сулаймонӣ, фармондеҳи неруҳои Қудси Сипоҳи Посдорони Инқилоби Исломии Эрон ҳамроҳ бо Абдумаҳдӣ-ал-Муҳандис, муовини раҳбари гуруҳи Ҳашд ал-Шаъабӣ бо чанде аз дигар шиамазҳабони тарафдори Эрон дар натиҷаи зарбаи мушакии ҳавопаймоҳои бидуни сарнишини Амрико дар Бағдод кушта шуданд. Читать дальше...

Овозхони шинохтаи тоҷик дар бораи сахтиҳои соли 2020 суҳбат кард ва ҳам дар бораи онкӣ чӣ гуна худро хушбахт эҳсос мекунад.

Парвин Юсуфӣ, овозхони шинохтаи тоҷик мегӯяд, дар соли 2020 мисли бисёре аз мардуми дунё тарсид, вале на барои худаш, балки барои модар ва дигар наздиконаш, ки мабодо ба бемории СОVID-19 гирифтор нашаванд. Ӯ дар остонаи соли нави милодӣ дар суҳбат бо Радиои Озодӣ гуфт, бинобар бемории ҳамагири COVID-19 соли 2020 соли сахте барои аксарияти мардум дар ҷаҳон буд. Парвин Юсуфӣ афзуд: “Ман барои хешу таборон барои наздиконам тарс доштам, барои модарам, барои хоҳаронам, додаронам, ҷиянҳоям, лекин барои худам наметарсидам.” Ба қавли овозхон... Читать дальше...

Ҳукумати Қазоқистон ба тамом ҳукми қатлро аз қонунҳои кишвар бардоштааст. Дафтари раёсати ҷумҳурӣ рӯзи 2-уми январ хабар дод, ки раиси ҷумҳур Қосимҷомарт Тоқаев, бо имзои санаде Қазоқистонро ба Протоколи дуввуми Паймони Байналмилалии Ҳуқуқи Маданӣ ва Сиёсӣ ҳамроҳ кард, ки аъзои он бояд ҳукми қатлро комилан аз байн бардоранд. Дар Қазоқистон соли 2002 дар иҷрои ҳукми қатл мораторий эълон карданд, вале гунаҳкорон ба терроризм аз он истисно буданд. Соли 2016 Руслан Куликбоев, ки ба тирборон кардани мардум дар Алмаато гунаҳкор дониста шуд... Читать дальше...

Кишварҳои саросари дунё барои роҳ надодан ба сирояти бештари коронавирус маҳдудиятҳои гаштугузор ва фаъолиятҳои иқтисодиро зиёд мекунанд. Айни замон ваксиназӣ ба зидди бемории СOVID-19 дар Аврупо, Амрико ва дигар гушаҳои ҷаҳон идома дорад. Нигаронӣ ҳоло аз сирояти навъи нави коронавирус зиёд мешавад, ки зуд сироят мекунад ва дар даҳҳо кишвар хуруҷ кардааст. Беморӣ то кунун 1. 8 миллион нафарро дар саросари ҷаҳон куштааст ва мақомоти баъзе аз кишварҳо гуфтаанд, мумкин аст, аҳвол бадтар шавад. Матбуоти Олмон рӯзи 2-уми январ гузориш дод... Читать дальше...

Дар натиҷаи як ҳамлаи ифротгароёни исломӣ дар Нигер камаш 70 нафар кушта шудаанд. Алкоче Алҳудо, вазири умури дохилии Нигер рӯзи 2-уми январ гуфт, ифротгароён сокинони ду деҳаи наздик ба марзи Малӣ бо номи Чоммбангоу ва Зарумдариро қатл кардаанд. Ҳеч гуруҳе масъулияти хунрезиро бар душ нагирифтааст. Мақомоти амниятии ин кишвари фақири африқоӣ гуфтаанд, ки теъдоди қурбониён на камтар аз 70 нафар аст. Тундравони исломӣ, ки бо Ал-қоида робита доранд ва ҳам гуруҳи ба ном Давлати исломӣ солҳост, ки Нигер... Читать дальше...

Мақомоти расмӣ мегӯянд, афроди мусаллаҳ дар Вилояти Балучистони Покистон 11 конкани шиамазҳабҳро рабуда ва сипас куштаанд. Нурулло, сухангӯи пулиси инҷо рӯзи 3-уми январ гуфт, ки «дар ҳамлаи шаби гузашта камаш 11 нафар ба ҳалокат расидаанд.» Ҳодиса дар наздикии кони ангишти Моч дар 48 километрии шаҳри Кветта, маркази маъмурии Вилояти Балучистон рух додааст. Ба гуфтаи Муҳаммад Алӣ Ҷатоӣ, яке аз фармондеҳони неруҳои ниманизомӣ дар минтақа, афроди мусаллаҳ коргаронро ба яке аз куҳҳои атроф бурда, тирборон кардаанд. Читать дальше...

Гуруҳе аз вакилони Ҳизби ҷумҳурихоҳ бо раҳбарии Тед Круз вакил аз иёлати Тексаси Амрико гуфтаанд, ки монеи тасдиқи раъйи ҳайатҳои интихоботӣ мешаванд, ки аксарияташон Ҷо Байденро раиси ҷумҳур баргузиданд.

Раҳматулло Фузайлов ба ҷои Алиёр Ашӯрмамадов ба вазифаи мураббии нави клуби футболи "Истаравшан" таъин карда шуд

10 сол пеш дар рӯзи 3-уми январ Муҳаммадраҳими Сайдар нависандаи тоҷик ва хабарнигори собиқи Радиои Озодӣ дар Русия даргузашт. Ӯ дар умри кӯтоҳи хеш кори зиёду мондагореро бар ҷой гузоштааст. Дар ин видео дӯстону азизонаш аз некиҳову осори Сайдар мегӯянд.

Пас аз қатли бераҳмонаи Искандари Хатлонӣ, шоири шинохта ва хабарнигори Радиои Озодӣ дар Маскав дар соли 2000-ум, Муҳамадраҳими Сайдар нависанда ва хабарнигори дигари тоҷик барои кор дар радио ба ҷойи ӯ омад. Бехабар аз он ки, ки пас аз даҳ соли дигар мисли Искандари Хатлонӣ дар он мулки ғарибӣ ҷон медиҳад ва турбати сардаш ба ватан бармегардад. То он ки Муҳаммадраҳими Сайдар ба Радиои Озодӣ дар Маскав ба кор биёяд, чандин сол буд дар Русия ранҷи ғарибӣ мекашид, то луқмаи ноне барои худу хонаводааш пайдо кунад. Читать дальше...

Соли 2020 ҳам Аврупо дар қаламраваш бо терроризм мубориза бурд ва Иттиҳоди Аврупо қарор кард, ки дар дохили ҷомеаи худ бо ифротгароӣ, аз ҷумла, ифротгароӣ тавассути интернет мубориза барад.