Новости за 27.04.2021

Дар Русия рейдҳои мақомоти  интизомӣ бо ҳадафи  тафтиши ҳуҷҷатҳои муҳоҷирон идома дорад. Кормандои пулис дар шаҳри Санкт-Петербург гуфтанд, ки дар доираи ин амалиёт 16 манзилеро ошкор кардаанд, ки дар он муҳоҷирони ғайриқонунӣ зиндагӣ мекунанд.  Дар маҷмӯъ 2 ҳазор манзил дар вилояти Ленинград санҷида шудааст. 36 муҳоҷире, ки дар ин хонаҳо зиндагӣ мекарданд, боздошт шуданд ва нисбати онҳо парванда дар заминаи убури ғайриқонунии марз боз шудааст. Бо сабаби пандемияи коронавирус, ки аз марти соли 2020 ба ин сӯ идома дорад... Читать дальше...

Иттиҳоди Аврупо ва ИМА рӯзи 26-уми апрел дар як изҳорот ақидаҳо дар бораи таҳрир кардани хатҳои марзи Балкани Ғарбиро рад карданд. Дар як пешниҳоди ғайрирасмӣ барҳам додани қаламравҳои кунунии Боснияву Ҳерсоговина ва ба ҳам пайваст кардани Косово ва Албания садо додааст. Як санад, ки ба дасти мақомоти аврупоӣ расидааст, пешниҳод мекунад, ки бахше аз қаламравҳои Босния бо Сербия ва Хорватия ҳамроҳ карда шаванд, то ки, ба қавли ин матн, барои ҳамоиши минтақавӣ дар Иттиҳоди Аврупо мусоидат шавад. Хабаргузории Reuters мегӯяд... Читать дальше...

Идораи танзими дорувори Бразилия аз ворид кардани воксинаи русии Sputnik V барои эмкунӣ бар зидди COVID-19 даст кашид ва гуфт,  “хатари эҳтимолӣ” дар заминаи амният, сифат ва фоиданокии ин воксина  вуҷуд дошта метавонад. Дар як овоздиҳии пинҳонӣ дар идораи танзими дорувори Бразилия бо номи Anvisa, ки рӯзи 26-уми апрел баргузор шуд, ҳама аъзои он зидди тасдиқи воксинаи русӣ  назар доданд. Ин дар ҳолест, ки Бразилия бо мавҷи дуюми коронавирус дастбагиребон аст. Як узви шӯрои Anvisa гуфт, ки бар асоси санадҳо ва маълумоти дарёфтии санҷишӣ... Читать дальше...

Саида Рустамова, устоди собиқадори мусиқиро дар Тоҷикистон бо як фармони "нодир" аз ҷойи кори пешинааш ронданд. Ба ӯ гуфтанд, ки Паёми солонаи президентро ба порлумон гӯш накардааст ва ба ин далел ҳаққи дар Коллеҷи ҷумҳуриявии хореографии ба номи Малика Собирова кор карданро надорад.

Ҷаласаи навбатии Созмони Паймони Амнияти Дастаҷамъаӣ (СПАД) бо раёсати Тоҷикистон дар шаҳри Душанбе баргузор мешавад. Дар ин чаҳорчӯба имруз, 27-уми апрел дар "Кохи афсарон" мулоқоти вазирони дифои кишварҳои ин паймони низомӣ дар назар гирифта шудааст. Ба иттилои бахши иттилооти СПАД, рӯзи 29-уми апрел котибони Шӯрои амнияти СПАД ҷамъ меоянд.  Дар назар аст, ки дар маросими ифтитоҳи ин ҳамоиш раиси ҷумҳури Тоҷикистон Эмомалӣ Раҳмон суханронӣ кунад. Ҷаласаҳои баъдиро вазири дифои Тоҷикистон генерал-полковник Шералӣ Мирзо раҳбарӣ хоҳад кард. Читать дальше...

Ситодҳои мухолифи ҳукумати Русия Алексей Навалний дар минтақаҳои гуногуни он кишвар рӯзи душанбе хабар доданд, ки фаъолияти худро муваққатан қатъ мекунанд. Ин дар ҳолест, ки додситонии Москва расман фаъолияти ситодҳои Навалнийро, то қарори додгоҳ дар бораи эътирофи тундгаро будани он ситодҳо, манъ кард. Ҷонибдорони Навалний гуфтанд, дигар наметавонанд дар шакли пешин фаъолият кунанд, зеро барои кормандони ситодҳо хатарнок аст. Ситодҳо ҳамчунин саҳифаҳои худро дар шабакаҳои иҷтимоӣ пок мекунанд. Читать дальше...

Кумитаи умури иҷтимоӣ, маориф, илм, фарҳанг ва тандурустии порлумони Қирғизистони пешниҳоди аз вазифа сабукдуш кардани вазири тандурустии он кишвар Олимқодир Бейшеналиевро ба баррасӣ мегузорад. Чунин тасмим дар порлумони Қирғизистон рӯзи 26-уми апрел гирифта шуд. Вакилон аз он нигаронӣ карданд, ки Бейшеналиев бори севум ҳангоми баррасии масоили бахши тандурустӣ ба порлумон ҳозир нашуд. Қарор аст, имрӯз, 27-уми апрел масъалаи сабукдуш кардани Бейшеналиев аз вазифаи ишғол кардааш баррасӣ шавад. Читать дальше...

Шуруъ аз 1-уми май дар вилояти Қазоқистони Ғарбии Қазоқистон дубора постгоҳ гузошта мешавад. Сарпизишки беҳдоштии ин минтақа гуфтааст, ба далели ворид шудани ноҳияҳои вилоят ба минтақаи "сурх"-и паҳншавии вабои коронавирус, равуо ба ин вилоят маҳдуд мешавад. Танҳо кормандони хадамоти фаврӣ ва онҳое, ки кори зарур доранд, ҳаққи убур аз постгоҳҳоро хоҳанд дошт. Айни замон дар вилояти Қазоқистон Ғарбӣ маҳдудияти гашту гузори шабона амал мекунад. Сокинон иҷозат надоранд, ки аз соати 12 шаб то 6 субҳ кӯчагардӣ кунанд. Читать дальше...

Дар мақолаи пешинаи худ Адиб Холид, устоди Донишгоҳи Карлтон дар Нортсфилди Миннесота (ИМА) шароити таърихии рӯ задани ҷунбиши Ҷадидияро тасвир кард. Дар бахши дувуми ин матлаб ӯ талош кардааст, мафҳумҳои "миллат" ва "ватан"-ро дар низоми андешаҳои ҷадидҳои Осиёи Марказӣ озмоиш кунад. Он ҳам дар ҳоле ки мафҳуми аввал дар ин ҷо нав ва мафҳуми дувум маҳдуд буд. Агар Шумо дар ин бобат фикру ақидае доред, хоҳишмандем, барои "Блогистон" бинависед. Адиб Холид. Ҷадидон, миллат ва ватан Бедор шав имруз... Читать дальше...