Новости за 22.06.2023

Мақомоти Туркия гуфтанд, як узви созмони террористии "Давлати исломӣ"-ро рӯзи 22-юми июн дар Истанбул дастгир карданд.

Мактаби рақами 71 дар ноҳияи Шоҳмансури шаҳри Душанбе сӯхтааст.

Мактаби рақами 71 дар ноҳияи Шоҳмансури шаҳри Душанбе сӯхтааст. Ба иттилои корбарони Радиои Озодӣ, ҳодиса шоми 22-юми июн рӯй дод. Сабаби сӯхтор дақиқ нест. Мақомот расман дар ин бора хабар надоданд. Навор аз корбарон аст.

Дар Тоҷикистон назарҳо ба қонуни нави Русия, ки даъват шудани маҳбусонро ба хидмат дар артиши ин кишвар ё ширкати онҳоро дар ҷанг заминаи ҳуқуқӣ медиҳад, гуногунанд. Махсусан аз пайомадҳои ин қонун барои муҳоҷирони меҳнатии тоҷик изҳори нигаронӣ мешавад.

Дар Тоҷикистон назарҳо ба қонуни нави Русия, ки даъват шудани маҳбусонро ба хидмат дар артиши ин кишвар ё ширкати онҳоро дар ҷанг заминаи ҳуқуқӣ медиҳад, гуногунанд. Махсусан аз пайомадҳои ин қонун барои муҳоҷирони меҳнатии тоҷик изҳори нигаронӣ мешавад.

Марди боздоштшуда дар шаҳри Чашмаи Туркия иқрор шудааст, ки чаҳор шаҳрванди Туркманистонро рӯзи 13-уми июн дар "заминаи рашк" кушт.

Радиои Озодӣ ҳар рӯз чанд навор ё номае мегирад, ки дар ин ё он минтақаи Русия муҳоҷирон боздошт ва латукӯб шудаанд ё аз тарси сарбозони ОМОН ба ҷангалу даштҳо гурехтаанд. Аслан ба сари онҳо чӣ омадааст ва ин амалиёти зидди муҳоҷирон дар Русия чӣ ҳадаф дорад ва ба чӣ натиҷаҳо мерасонад?

Як вакили порлумони Қазоқистон аз Додситонии кулли он кишвар пурсидааст, ки чӣ гуна Кайрат Сотиболдӣ, бародарзодаи зиндонии президенти пешини Қазоқистон, тавонистааст ба Нурсултон Назарбоев қаср "туҳфа" кунад.

Даҳҳо талабгори ҳаҷҷи фарзӣ рӯзи 22-юми июн дар назди Кумитаи дини Тоҷикистон ҷамъ омаданд. Онҳо мегӯянд, тамоми зинаҳоро гузаштанду харҷи сафарро пардохтанд, вале ҳанӯз номашон дар рӯйхати мусофирон ба Арабистони Саудӣ нест. Чаро?

Сорбон Абдураҳимзода, шаҳрванди Тоҷикистонро, ки ба нақли пайвандонаш ба "лайк"-гузорӣ дар зери навиштаҳои мухолифони ҳукумат гумонбар аст, аз Лаҳистон (Полша) ба Булғористон бурдаанд.

Сардори Хадамоти сиёсати иттилоотии дастгоҳи иҷрояии президенти Қирғизистон рӯзи 22-юми июн таҳқиқоти "Checkit Media"-ро дар бораи “фабрикаи ҷавоб” шарҳ дод. Дар таҳқиқот аз Дайирбек Орунбеков ном гирифтаанд.

Даҳҳо талабгори ҳаҷҷи фарзӣ рӯзи 22-юми июн дар назди Кумитаи дини Тоҷикистон ҷамъ омаданд.

Раёсати корҳои дохилии вилоят рӯзи 21-уми июн хабар дод, ки зани 33-сола аз ноҳияи Бобоҷон Ғафуров ҳангоми ба панҷ ҳазор сомонӣ фурӯхтани духтари сесолааш дар шаҳри Бӯстон боздошт шуд.

Тоҷикистон дар моҳи майи имсол ба миқдори рекордӣ ба Чин гелос содирот кардааст.

Ҷиноҳҳои порлумонии "Ата Журт Киргизстан", "Ишеним" ва "Мекенчил" пешниҳод кардаанд, ки муовини раиси Девони вазирони Қирғизистон Эдил Байсалов аз мақом барканор карда шавад.

Бахтиннисо Иззатуллоева мегӯяд, соле пеш аз шавҳар ҷудо шуд ва ду писарро дар ихтиёри амаку бибияш гузошту ба Русия рафт. "Вале ба ҷойи меҳрубонӣ азияту латукӯб кардаанд," – даъво дорад ӯ. Ҷониби дигар мегӯяд, "яке аз кӯдакон беодоб аст".

Як сокини Душанбе мехоҳад, ки мақомот назорат ва тарбияи писарони хурдсолашро дар ихтиёри ӯ бигузоранд. Бахтиннисо Иззатуллоева мегӯяд, соле пеш аз шавҳар ҷудо шуд ва ду писарро дар ихтиёри амаку бибияш гузошту ба Русия рафт. "Вале ба ҷойи меҳрубонӣ азияту латукӯб кардаанд," – даъво дорад ӯ.

Пойгоҳи “Форум 18”, ки аз ҳуқуқи ақаллиятҳои мазҳабӣ пуштибонӣ мекунад, ҷузъиёти ҳукми Муҳаммадӣ Муҳаррамов, машҳур ба Муҳаммадӣ Раҳматуллоро дар Тоҷикистон ошкор кардааст.

Оҷонси паноҳандагони Созмони Милали Муттаҳид эълон кард, ки афзоиши ҷангҳо дар ҷаҳон, гуруснагӣ ва тағйироти обу ҳаво боис шуд, ки омори оворагон дар соли 2022 ба таври рекордӣ бештар шавад. Гузориш рӯзи 21-уми июн нашр шуд.

Вазири энержии Қазоқистон Алмосодам Саткалиев дар посух ба суоли бахши қазоқии Радиои Озодӣ гуфт, тасмими ниҳоӣ дар бораи бунёди нерӯгоҳи ҳастаӣ дар он кишвар ҳанӯз гирифта нашудааст.

Тӯфони чангу ғубор ҳафтаи равон дар 3 вилоят ва пойтахти Узбекистон мушоҳида шуда, ҳарорати ҳаво дар ин кишвар то ба 42-44 дараҷа гарм шудааст.