Новости за 27.06.2023

Ба деҳаи Миденвед дар ноҳияи Роштқалъаи ВМКБ дигарбора сел омадааст.

Аз 1-уми августи соли 2023 боҷу андоз ва ҷаримаҳо дар Тоҷикистон бояд ғайринақдӣ пардохт шаванд. Президент Эмомалӣ Раҳмон рӯзи 22-юми июн ҳамин гуна фармон имзо кард. Дар низоми ғайринақдӣ  ҳаққи хидматрасонӣ бо истифода аз корти бонкӣ ё ҳамёни мобилӣ пардохт мешавад.

Владимир Путин, президенти Русия шоми 26-уми июн дар як паёми телевизионӣ гуфт, ташкилкунандагони шӯриш муҳокима хоҳанд шуд. Ӯ ба ҷангҷӯёни "Вагнер" пешниҳод кард, ки ба хонаҳояшон баргарданд, ё ба Белорус бираванд ё бо Вазорати дифои Русия қарордод банданд.

Дар Тоҷикистон аз моҳи август гирифтани пули нақд дар даст ва аз ҷумла супурдани он, масалан, ба нозири неруи барқ манъ мешавад. Эмомалӣ Раҳмон, раиси ҷумҳури Тоҷикистон фармон додааст, ки бисёри пардохтҳо - андоз, ҷарима бояд ғайринақдӣ сурат гирад. То куҷо иҷрои ин қонун осон хоҳад буд?

Содир Ҷабборов, президенти Қирғизистон муҳлати фаъолияти гуруҳи кории таҳияи қонун "Дар бораи созмонҳои ғайридавлатии ғайритиҷоратӣ"-ро тамдид кард. Ин фармонро Ҷабборов ҳанӯз 14 июн имзо кардааст. Бино ба фармони нав, гуруҳи корӣ тарҳи ҳамоҳангшудаи қонунро бояд то 1 октябр муаррифӣ кунад. Пештар ин муҳлат 1 июн нишон дода шуда буд. Ҳанӯз моҳи ноябри соли 2022 дар дастгоҳи президенти Қирғизистон гуфтанд, ки қонун "Дар бораи созмонҳои ғайридавлатии ғайритиҷорӣ" бояд ислоҳ карда шавад. Дар дастгоҳи... Читать дальше...

Дар Амрико мақомоти расмиву таҳлилгарон назари худро дар бораи ошӯб баён мекунанд. Энтони Блинкен вазири умури хориҷии Амрико гуфт, ошӯби Пригожин аломате аз рахна ва ихтилоф дар ҳукумати Русия аст.

Хабарҳои рӯз

Иттиҳоди Аврупо аз мақомоти Тоҷикистон даъват кард, ки ҳифзи ҳуқуқи инсон ва озодиҳои асосиро тақвият бахшанд. Талаби ин созмон рӯзи 26-уми июн зимни Ҷаласаи даҳуми Шӯрои ҳамкорӣ байни Тоҷикистон ва ИА садо дод.

Владимир Путин, раиси ҷумҳури Русия дар як муроҷиати тоза ба мардуми кишвараш, ба ошӯбгарони гуруҳи "Вагнер" дигарбора ваъдаи афв дод, вале аз раҳбари гуруҳ ном набурд.

Як арзёбии тоза нишон додааст, ки дар Тоҷикистон ҳанӯз ҳам мактабҳои зиёде ба ҳазорон муаллим эҳтиёҷ доранд.

26 сол пеш дар ҳамин рӯз миёни ҳукумати Тоҷикистон ва мухолифин Созишномаи сулҳ ба имзо расид. Ин созишнома ба ҷанги панҷсола дар кишвар хотима бахшид. Баъд аз соли 1997 ҳамасола 27 июн дар Тоҷикистон ҳамчун Рӯзи Ваҳдат ҷашн гирифта мешавад ва расман таътил аст.

Арзиши рубл рӯзи 26-уми июн дар баробари доллари амрикоӣ ва евро ба шиддат поён рафт ва ин тамоюлро оқибати ошӯби гуруҳи зархаридори Вагнер ба раҳбарии Евгений Пригожин медонанд. Субҳи 26-уми июн як доллари амрикоӣ тақрибан 87 рубл арзиш дошт, ки 2.1 дар сад арзонтар аз моҳи марти соли 2022 аст. Қурби рубл ҳамчунин дар баробари евро 2.2 дар сад поинтар омад ва як евроро тақрибан бо 95 рубл иваз мекарданд.

Дар пайи занозании муҳоҷирони тоҷику қирғиз дар вилояти Иркутск, пулиси Русия даҳ нафарро аз ҳарду тараф боздошт кардааст. Ҳодиса 23-юми июн дар як корхонаи истихроҷи гази табиӣ рух дод. Матуботи маҳаллӣ навишт, ки дар ин занозанӣ, нӯҳ нафар маҷруҳ шудаанд.

Эмомалӣ Раҳмон, раиси ҷумҳури Тоҷикистон дар паёми шодбошиаш ба муносибати Рӯзи ваҳдати миллӣ, мардумро дигарбора ба сарҷамъӣ ва эмин нигаҳ доштани кишвар аз нооромӣ даъват кардааст. Дар паёми Эмомалӣ Раҳмон, ки дафтари матбуоти раёсати ҷумҳурӣ рӯзи 26-уми июн нашр кард, омадааст, "тазодҳои замони муосир, зуҳури ғояҳои хатарбор... моро водор месозанд, ки андешаи муқаддаси ваҳдати миллиро ба хотири саодати миллат ва бақои давлат ҳарчи бештар густариш бахшем." Оқои Раҳмон дар ин паёмаш аз тарафи дигари сулҳ... Читать дальше...

Мақомоти Тоҷикистон бо гузашти чор рӯз ҳанӯз нишоне аз Шуҳрат Исматуллоев, муовини аввали раиси "Ориёнбонк"-ро пайдо накардаанд.

Мақомоти Қазоқистон нисбати фаъоли маданӣ Аскар Сембой парвандаи ҷиноятӣ оғоз карда, ӯро ба "бадномсозии ҳукумат" муттаҳам карданд. Дар ин бора вакилони дифои Сембой рӯзи 26 июн хабар доданд. Миёнаҳои моҳи гузашта Аскар Сембой бо моддаи "ширкат дар созмоне, ки фаъолияташ манъ шудааст", айбдор мешуд. Додгоҳ ӯро то 13 июл ба ҳабси пешакӣ гирифт. Мақомоти Қазоқистон гуфтаанд, дар саҳифаҳои Аскар Сембой дар шабакаҳои иҷтимоӣ навиштаҳое ба ҷонибдорӣ аз ҳаракати "Интихоби демократии Қазоқистон" дида мешавад. Читать дальше...

Владимир Путин, рӯзи 26 июн дар нахустин изҳороти телевизионии худ пас аз поёни "ошӯби мусаллаҳона"-и ниманизомиёни ширкати муздури "Вагнер" таъкид кард, ки ташкилкунандагони ин шӯриш муҳокима хоҳанд шуд.

Нахустин контейнерҳои ҳомили молҳои чинӣ аз бандари Сямини Чин ба Узбекистон расиданд. Дар ин бора ширкати "Узтемирйулконтейнер" хабар дод. Ба иттилои ширкат, контейнерҳои ҳомили техникаи маишӣ аз Чин тавассути баҳр ба Бандар-Аббоси Эрон расонида шуда, аз онҷо тавассути роҳи оҳан ва аз ҳудуди Туркманистон гузашта, ба Узбекистон расонида шудаанд. Расонидани мол аз ин масир 14 рӯзро дар бар гирифтааст

Бар пояи Созишномаи умумии истиқрори сулҳ ва ризоияти миллии Тоҷикистон, ки 27 июни соли 1997 миёни Ҳукумати Тоҷикистон ва Иттиҳоди Неруҳои Мухолифи Тоҷикистон имзо шуд, мебоист тақсими қудрат байни ин ду тараф бо таносуби 70 бар 30 сурат мегирифт.