Новости за 12.02.2024

Мақомоти интизомии вилояти Суғд ва гурӯҳе аз ихтиёриён панҷ рӯз боз наметавонанд як навраси гумшударо пайдо кунанд.

Бо вуҷуди авҷ гирифтани танқидҳо, Бенямин Нетаняҳу нахуствазири Исроил гуфт, ки аз нияташ барои амалиёти заминӣ дар шаҳри Рафаҳ даст намекашад.

Бо вуҷуди авҷ гирифтани танқидҳо, Бенямин Нетаняҳу нахуствазири Исроил гуфт, ки аз нияташ барои амалиёти заминӣ дар шаҳри Рафаҳ даст намекашад. Ин шаҳри марзии фаластиниён ҳоло мизбони беш аз як миллион паноҳҷӯи фаластинӣ аст, ки ба гуфтаи худашон ҷое барои рафтан надоранд.

Мақомоти интизомии вилояти Суғд ва гурӯҳе аз ихтиёриён панҷ рӯз боз наметавонанд, як навраси гумшударо пайдо кунанд. Ба бовари волидайни Сафияхон Раҳматова, духтари 9-солаи онҳо дар дарёи Сир ғарқ шудааст, вале наҷотбахшони Кумитаи ҳолатҳои фавқулодда мегӯянд, аз ӯ нишоне наёфтанд.

Дар ҳоле, ки Тоҷикистон рушди саноатро яке аз ҳадафҳои асосии худ медонад, садҳо корхона аз кор монда ва ё дахлу харҷашон ба сифр баробар шудааст. Вазири саноат ҳафтаи гузашта зимни нишасти хабарӣ гуфт, дар як соли гузашта 426 корхона ҳисоботи сифрӣ пешниҳод карданд.

Ахбори Озодӣ

Маркази тадқиқоти стратегӣ эълон кард, ки сатҳи фасод ё коррупсияро дар бахшҳои маориф ва тандурустии Тоҷикистон маълум кардааст.

Нимҳимоятгари 21-солаи тими миллии футболи Тоҷикистон Алишер Шукуров фаъолияти худро дар ҳайати қаҳрамони ҳаждаҳкаратаи Гурҷистон, бошгоҳи футболи «Динамо»-и Тифлис идома медиҳад.

​Даҳҳо нафар дар Тоҷикистон шикоят доранд, ки аз як саҳифаи фейсбукӣ ва телеграмӣ бо номи “Хуршеди Кӯҳистон” билети лоторея харидаанд ва фиреб хурдаанд.

Изҳороти Доналд Трамп, раиси ҷумҳури пешин ва номзади интихоботи президентии Амрико дар бораи Паймони Атлантикаи Шимолӣ ё НАТО ва эҳтимоли ҳамлаи Русия ба кишварҳои узви он, бо вокунишҳои манфӣ рӯбарӯ шудааст.

Мақомоти ҳифзи ҳуқуқи шаҳри Тошканди Узбекистон дар бозори "Техно-Олам", маъруф ба номи "Малика", алайҳи мардони ришдор рейд баргузор кардаанд.

Президенти Маҷористон Каталин Новак рӯзи шанбе эълом кард, ки аз мақомаш истеъфо медиҳад.

Қоҳира таҳдид кардааст, ки дар сурати ворид шудани артиши Исроил ба шаҳри Рафаҳи навори Ғазза, ҳаммарз бо Миср, гуфтугӯҳои сулҳ бо Телавивро қатъ хоҳад кард.

Додгоҳи ноҳияи Свердлови Қирғизистон 10 феврал рӯзноманигор Эрмек Аттокуровро, ки қаблан аз сӯи пулис боздошт шуда буд, ҳабси хонагӣ кард.