Новости за 15.02.2024

Мақомоти шаҳри Ҳартфорди Ғарбӣ дар Коннектикути Амрико ба як тоҷики муқими ин шаҳр барои кумакаш ба муҳоҷирон ва ақаллиятҳои қавмӣ сипосгузорӣ кардааст.

Сафармуҳаммад Қодирӣ, овохони ҷавони тоҷик ва бародари Меҳрнигори Рустам, сафири иродаи неки ЮНИСЕФ ё бунёди атфоли СММ эълон шуд.

Бо гузашти беш аз як моҳ аз таркиши мошини раиси Ҳизби халқӣ-демократӣ дар шаҳри Кӯлоб, мақомоти Тоҷикистон расман онро "амали террористӣ" хонданд. Вазири корҳои дохилаи Тоҷикистон дар нишасти хабарӣ гуфт, ин ҷиноятро "гурӯҳи муташаккил содир кардааст".

Ягона мактаби муҳоҷирону паноҳҷӯёни афғонистонӣ дар Тоҷикистон пас аз саргардониҳои зиёд, ҷойи дигар пайдо кард. Дари ин мактабро, ки садҳо нафар таҳсил мекунанд, чанде пеш ба сабаби напардохтани пули иҷораи бино бастанд. Ҳоло гӯшае аз сафорати Афғонистон дар Душанбе ҷойи таҳсили онҳо шуд.

Ахбори Тоҷикистон ва ҷаҳон

Тими миллии Тоҷикистон дар феҳристи FIFA, ки 15-уми феврал дар сомонаи Федератсияи байнулмилалии футбол нашр шудааст, бо 1218,89 имтиёз ҳафт зина боло рафт ва дар ҷойгоҳи 99-ум қарор гирифт.

Кумитаи дифоъ аз хабарнигорон (Committee to Protect Journalists, CPJ) дар гузориши нави худ аз марги 99 рӯзноманигор ва кормандони расонаҳо дар ҷаҳон дар соли гузашта хабар додааст. Ин болотарин талафот аз соли 2015 будааст.

Вазири корҳои дохилии Тоҷикистон мегӯяд, рӯйхати ҳамҷинсгароёнро надоранд ва чунин оморро ҷамъоварӣ намекунанд.

Вазири корҳои дохилии Тоҷикистон мегӯяд, таркиши мошини раиси Ҳизби халқӣ-демократӣ дар шаҳри Кӯлоб “амали террористӣ” аст.

Вазири корҳои дохилии Тоҷикистон гуфт, нисбат ба Анора Саркорова парвандаи ҷиноятӣ боз шудааст, вале аз ҷузъиёти он хабар надорад.

68 варзишгари тоҷик ва мураббиёни онҳо барои дастовардҳо дар мавсими соли 2023 дар мусобиқаҳои байналмилалӣ бо ҷоизаи президенти Тоҷикистон қадрдонӣ шуданд.

Раиси Додгоҳи олии Тоҷикистон далели асосии дар СИЗО ё Боздоштгоҳи муваққатӣ баргузор шудани мурофиаи муаллифони китоби "Ҳаводиси рӯзгори ман"-ро ба набудани "толори муносиб" дар бинои Додгоҳи олӣ рабт дод.