Новости за 14.02.2024

Бо вуҷуди шикояти пайвастаи сокинон аз болоравии қимати маводи ғизоӣ аз ҷумла нону равған, мақомоти Бонки Миллӣ мегӯянд, қурби сомонӣ аз меъёри пешбиникардаи онҳо поин нарафтааст. Таваррум, ки нишондиҳандаи поинравии қурби пули ҳар кишвар аст, ба қавли раиси Бонки миллӣ соли гузашта зиёд набуд.

Намояндагони ширкати Барқи Тоҷик бузургтарин таъминкунандаи мардуми Тоҷикистон бо нирӯи энержӣ сабабҳои фурӯши барқ ба хориҷро шарҳ доданд. Посухи онҳо ба танқидҳое буд, ки чаро мардуму корхонаҳои кишвар дар тирамоҳу зимистон барқи кофӣ надоранд, вале ширкат ба хориҷа барқ мефурӯшад.

Ахбори Тоҷикистону ҷаҳон

Сокинон дар Тоҷикистон мегӯянд, нархи молу маҳсулот сол то сол дар бозор босуръат боло меравад, вале мақомот мегӯянд, вазъ мӯътадил аст.

Модари як мухолифи тоҷик мегӯяд, мақомот шиносномаи хориҷии ӯро мусодира кардаанд.

Додгоҳи ноҳияи Восеъ Алихон Худоёрзода, муовини собиқи раиси ин ноҳияро бо айби  “баромадан аз ҳадди ваколати мансабӣ” ба шашу ним соли зиндон маҳкум кард.

Дар як пурсиши афкори умум дар Русия аксарият гуфтаанд, ки эҷоди робитаҳои ошиқона дар ҷои кор як ҳолати оддӣ аст.

Оҷонсии омор мегӯяд, соли гузашта Тоҷикистон ба хориҷи кишвар ба маблағи 110 миллион доллар барқ содир кардааст. Содироти барқ назар ба соли 2022, 4 дарсад зиёд шудааст.

Як сол баъди боздошти муовини раиси ноҳияи Восеъ дар ҷануби Тоҷикистон ахиран ҳукми додгоҳи ӯ содир шуд. Ӯро бо иттиҳоми баромадан аз ҳадди ваколати мансабӣ ба шашуним соли зиндон маҳкум карданд.

Мусобиқаи бокси ҳирфаӣ бо номи “Шаби қаҳрамонҳои IBA” (“IBA Champions Night”) 16-уми феврал дар Қасри теннис ва маҷмааи варзиши обии Душанбе доир мегардад.

Гурӯҳҳои сиёсӣ дар Покистон рӯзи сешанбе эълом карданд, ки ҳукумати эътилофӣ ташкил мекунанд ва Шаҳбоз Шариф номзади онҳо ба мақоми нахуствазири он кишвар хоҳад буд.