Туркия дар Узбекистон минтақаи махсуси саноатӣ таъсис медиҳад
Туркия тасмим дорад, дар Узбекистон намояндагии минтақаи махсуси саноатии "Гебзе"-ро таъсис диҳад.
Ҷузъиёти ҳамкорӣ дар бахши таъсиси ин намояндагӣ дар мулоқоти ноиб-президенти Туркия Фуат Оқтой ва вазири сармоягузориву тиҷорати хориҷии Убекистон Сардор Умурзоқов дар шаҳри Анкараи Туркия баррасӣ шуд.
Ба иттилои вазорати сармоягузорӣ ва тиҷорати хориҷии Узбекистон, ҷонибҳо масоили ҳамкорӣ дар бахши ҳамлу нақл, рушди ҳамкорӣ дар доираи барномаи кӯмаки техникӣ ва қарзҳои боимтиёзи ҷониби Туркияро низ баррасӣ кардаанд.
Инчунин ҷонибҳо масоили дигари тиҷориро баҳсу баррасӣ намудаанд.
"Интизор меравад, амалисозии тарҳҳои ду ҷониб барои ба 5 миллиард доллар расонидани гардиши мол байни ду кишвар мусоидат хоҳанд кард", - хабар медиҳад вазорати сармоягузории Узбекистон.