Чин ба бунёди неругоҳҳо дар Қирғизистон алоқаманд аст
Раиси Девони вазирони Қирғизистон Оқилбек Жапаров ва сафири Чин дар Бишкек Ду Дэвэн дар вилояти Иссиқкӯл бо тарҳи бунёди неругоҳҳои барқии обӣ дар рӯдхонаи Сариҷаз шинос шудаанд.
Тибқи иттилои хадамоти матбуотии Девони вазирони Қирғизистон, нақшаи сохтмони 6 нерӯгоҳи барқии обӣ бо иқтидори 1100 МВт дар ин рудхона ҳанӯз дар солҳои 1982-1987 таҳия шуда буд.
"Аммо ин тарҳ дар тӯли солҳои истиқлолият амалӣ нашуд. Бинобар ин, ҳоло барои иҷрои он сармоя ҷустуҷӯ мешавад", - афзудааст манбаъ.
Сарвазири Қирғизистон моҳи август бо сафари корӣ ба Чин меравад ва қарор аст, дар ҷараёни ин сафар масъалаи сармоягузорӣ ба бунёди неругоҳҳо дар рудхонаи Сариҷаз баррасӣ шавад.