Новости за 25.08.2023

Шавкат Мирзиёев, раиси ҷумҳурии Узбекистон, духтари 38-солааш Саида Мирзиёеваро рӯзи 25-уми август ёвари президент таъйин кард.

Масъулони Оҷонсии зидди фасод дар вилояти Суғд хабар доданд, ки парвандаи пурсарусадои Раиси Додгоҳи ноҳияи Ҷаббор Расулов ба Додгоҳи Олӣ фиристодаанд. Дар ин ниҳод ба рӯзноманигорон гуфтанд, ки дар нимсолаи 2023 ин намоёнтарин ҳолати ришваситонии як мансабдори баландмақом аст, ки ошкор гардид.

Масъулони Оҷонсии зидди фасод дар вилояти Суғд ҷузъиёти парвандаи пурсарусадои раиси Додгоҳи ноҳияи Ҷаббор Расуловро шарҳ доданд. Дар ин ниҳод ба рӯзноманигорон гуфтанд, ки дар нимсолаи 2023 ин намоёнтарин ҳолати ришваситонии як мансабдори баландмақом аст, ки ошкор шудааст.

Бо гузашти тақрибан се ҳафта аз боздошти Абдухалил Холиқзода, бунёдгузор ва молики беморхонаи байнулмилалии “Ибни Сино”, пайвандонаш мегӯянд, то ҳол натавонистаанд, бо ӯ мулоқот кунанд.

Намояндагони се донишгоҳ дар Тоҷикистон гуфтанд, ки имсол донишҷӯёнро барои иштирок дар роҳпаймоии бахшида ба Рӯзи Истиқлол (9-уми сентябр) ҷалб намекунанд.

Рӯзи панҷшанбе президенти пешини ИМА Доналд Трамп расман ба ҳабс гирифта шуда ва билофосила бар ивази гарав озод шуд. Ин расмиёт дар зиндони шаҳри Атланта сурат гирифт.

Кумитаи давлатии амнияти миллии (КДАМ) Қирғизистон боздошти нависанда ва рӯзноманигор Олжобой Шакирро шарҳ дод.

Хабарҳои Тоҷикистон ва ҷаҳон

Теъдоди русиягиҳое, ки баъди мухолифат бо Путин ё Кремл дар шароитҳои мармузу номуайян кушта шуданд, зиёд аст. Агар марги Евгений Пригожин тасдиқ шавад, пас ӯ дар ин рӯйхат номи наве хоҳад буд, шахсе ки бо шӯришаш як президенти гӯё пурқувватро нотавон нишон дод.

Додгоҳи олии Узбекистон панҷ парвандаеро бозбинӣ кард, ки нисбат ба 240 кас боз шуда буд.

Ёсин Бобокалонов, паҳлавони ҷавони тоҷик, дар мусобиқоти қаҳрамонии ҷудои ҷаҳон миёни наврасон, ки дар шаҳри Загреби Хорватия ҷараён дорад, медали биринҷӣ ба даст овард.

Президенти собиқи Амрико Доналд Трамп баъд аз дуним сол дубора ба шабакаи Х, Твиттери собиқ, баргашт.

Пайвандони Абдухалил Холиқзода, бунёдгузор ва молики беморхонаи байнулмилии “Ибни Сино”, мегӯянд, аз лаҳзаи боздошт шуданаш то ҳоло натавонистаанд, бо ӯ мулоқот кунанд. Мақомот гуфтаанд, манъи вохӯрӣ бо мақсади пешгирӣ аз халал ба раванди тафтиш сурат гирифтааст.

Эмомалӣ Раҳмон, раиси ҷумҳурии Тоҷикистон, қарор кардааст, ки барои бунёди бинои нави Додгоҳи олӣ, Вазорати адлия ва Вазорати тандурустӣ 86 миллион сомонӣ ё бештар аз 8 миллион доллар ҷудо кунанд.

Президенти Тоҷикистон рӯзи 25-уми август бо сафарӣ корӣ ба Қазоқистон рафт.

Ҳайати Комиссияи иқтисодии Авруосиё вазъи марзи Қирғизистону Қазоқистонро меомӯзад, ки онҷо ахиран навбатпоии мошинҳои боркаш мушоҳида мешавад.

Маънои шаҳрванд чист ва масъулияташ чӣ? Баъзан мегӯянд, “ҳуқуқи шаҳрванд вайрон шуд”. Шумо инро чӣ гуна мефаҳмед? Агар ҳуқуқи шумо поймол шуд, чӣ мекунед? Кӣ бояд ҳуқуқи шуморо ҳимоя кунад? Ба ин суолҳо сокинон дар кӯчаҳои Душанбе посух доданд.

Дастаи мунтахаби Тоҷикистон дар Фестивал ё Ҷашнвораи байналмилалии донишҷӯёни варзишгар, ки дар шаҳри Екатеринбург ҷараён дорад, бо 10 медал (4 тилло, 1 нуқра ва 5 биринҷӣ) дар ҳисоби медалҳо бо дарназардошти сифати онҳо баъди Русия ва Куба мақоми сеюмро касб кардааст.