Հանրապետական պատգամավորը համոզված է, որ բանակում պարտադիր ծառայության տարկետման դեմ բողոքի ալիքը հրահրել է «Սորոսի՚ հիմնադրամը
Արմինֆո. «Սորոսի՚ հիմնադրամը 20 հազար դոլար է տրամադրել «Հանրային օրակարգ՚ կազմակերպությանը` Հայաստանում «Ազգ-բանակ՚ հայեցակարգի դեմ պայքար ծավալելու նպատակով: ԱԺ ամբիոնից այդ մասին հայտարարել է ՀՀԿ պատգամավոր Հայկ Բաբուխանյանը: Նրա պնդմամբ, պարտադիր զինծառայության տարկետում ենթադրող «Զինվորական ծառայության և զինծառայողի կարգավիճակի մասին՚ օրինագծի դեմ բողոքի ալիքը հրահրված է հենց «Սորոսի՚ հիմնադրամի կողմից: Պատգամավորը նաև նշել է այն փաստը, որ Սորոսի կողմից հովանավորվող հիմնադրամների գործունեությունն արգելված է
Աշխարիհի շատ երկրներում, այդ թվում` ԱՄՆ-ում:
Հիշեցնենք, որ արդեն վեցերերոդ օրը մի քանի հարյուր ուսանողներ բողոքի ակցիաներ են անցկացնում վերը նշված օրենքի դեմ: Այսօր նրանցից հինգը (որոնցից չորսը ծառայել է բանակում) հացադուլ են հայտարարել ի նշան բողոքի այդ փաստաթղթի դեմ: «Զինվորական ծառայության և զինծառայողի կարգավիճակի մասին՚ օրինագիծը առաջին ընթերցմամբ ընդունվել է ԱԺ-ում, և այսօր օրենքի նախագիծը քննարկվում է երկրորդ ընթերցմամբ: Օրինագիծը խորհրդարանում ներկայացնում է պաշտպանության փոխնախարար Արտակ Զաքարյանը: